ﮔﯘﻣﻨﺎﻡ ﻏﻪﺯﻩﻟﻠﯩﺮﻯ
(7)

ﻗﻪﺩﻩﻡ ﻗﻮﻳﻐﺎﻳﻤﯘ ﻛﯚﻟﺒﻪﻡ ﺋﯩﭽﺮﻩ ﺋﻮﻝ ﻧﻪﻗﺪﻯ ﺭﻩﯞﺍﻥ ﺑﯩﺮ ﻛﯜﻥ.
ﻛﯩﺮﻩﺭﻣﯘ ﻣﻪﻗﺪﻩﻣﯩﺪﯨﻦ ﺑﯘ ﺋﯚﻟﯜﻙ ﺟﯩﺴﻤﯩﻤﻐﻪ ﺟﺎﻥ ﺑﯩﺮ ﻛﯜﻥ.

ﭼﯩﻘﯩﭗ ﺟﺎﻧﯩﻢ ﻛﯩﺮﻩﺭ ﺩﯨﻠﺒﻪﺭﻧﻰ ﻛﯚﺭﮔﻪﭺ ﺷﺎﺩﻣﺎﻧﻠﯩﻘﺪﯨﻦ،
ﺑﻪﺭﯗﺭﻣﯘ ﺟﺎﻣﻰ ﻟﻪﺋﻠﯩﺪﯨﻦ ﺷﻪﺭﺍﺑﻰ ﺋﻪﺭﻏﻪﯞﺍﻥ ﺑﯩﺮ ﻛﯜﻥ.

 ﺋﻮﺷﯘﻝ ﺟﺎﻣﻰ ﻣﯘﻫﻪﺑﺒﻪﺗﺪﯨﻦ ﺋﺎﭼﯩﻠﻐﺎﻳﻤﯘ ﻳﯜﺯﯛﻡ ﮔﯜﻟﮕﯜﻝ،
ﺑﻮﻟﯘﺭﻣﯘ ﺑﺎﺩﻩ ﺗﺎﺑﯩﺪﯨﻦ ﻣﯘﺑﻪﺩﺩﻩﻝ ﺯﻩﺋﻔﯩﺮﺍﻥ ﺑﯩﺮ ﻛﯜﻥ.

ﻳﯜﺭﻩﻙ ﺑﺎﻏﺮﯨﻤﻐﻪ ﻣﯘﮊﮔﺎﻥ ﺯﻩﺧﻤﻰ ﺑﯩﻠﻪ ﭼﻪﺷﻤﻪﻟﻪﺭ ﺋﺎﭼﺘﯩﯔ،
ﻗﻮﻳﯘﭖ ﻣﻪﺭﻫﻪﻡ ﻳﯜﺯﯛﯓ ﮔﯜﻟﺒﻪﺭﮔﯩﺪﯨﻦ ﺗﻮﺯﻏﺎﻳﻤﯘ ﻗﺎﻥ ﺑﯩﺮ ﻛﯜﻥ.

 ﻣﻪﻻﻣﻪﺕ ﺋﻮﻗﯩﺪﯨﻦ ﺟﯩﺴﻤﯩﻤﺪﻩ ﻫﻪﺩﺳﯩﺰ ﻳﺎﺭﻩﻟﻪﺭﺩﯗﺭﻛﯩﻢ،
ﺑﻮﻟﯘﺭﻣﯘ ﺋﯩﺸﻖ ﺋﯧﻠﯩﮕﻪ ﻳﺎﺭﻩﻟﻪﺭ ﺑﺎﻏﻰ ﺟﯩﻨﺎﻥ ﺑﯩﺮ ﻛﯜﻥ.

ﺳﻪﻧﯩﯔ ﻓﯩﻜﺮﯨﯔ ﺳﺎﯞﯗﺭﺩﻯ ﺩﯨﻠﮕﻪ ﺟﯩﺴﻤﯩﻢ ﻛﯜﻟﻠﻪﺭﯨﻦ ﺋﯚﺭﺗﻪﭖ،
ﺑﻮﻟﯘﺭﻣﯘ ﺋﯩﺸﻖ ﺑﻪﺯﻣﻰ ﺋﯩﭽﺮﻩ ﻳﻮﻕ ﺑﻮﻟﻐﺎﻥ ﺋﺎﻳﺎﻥ ﺑﯩﺮ ﻛﯜﻥ.

 ‎ ﻗﯩﻠﯘﺭﻣﻪﻥ ﯞﻩﺳﻠﯩﯔ ﺋﯩﺰﺩﻩﭖ ﺟﺎﻥ ﻓﯩﺪﺍ ﻣﻪﻗﺒﯘﻝ ﻳﺎ ﻣﻪﺭﺩﯗﺩ،
ﺑﻮﻟﯘﺭﻣﯘ ﺋﺎﺷﻜﺎﺭ ﺋﻪﻱ ﺟﺎﻥ ﺑﯘ ﺋﻪﺳﺮﺍﺭﻯ ﻧﯩﻬﺎﻥ ﺑﯩﺮ ﻛﯜﻥ

. ﻧﻪﭼﻪ ﺟﺎﻧﯩﻢ ﻓﯩﺪﺍ ﻗﯩﻠﺴﺎﻡ ﺋﯩﺘﯩﯔ ﺋﺎﻟﺪﯨﺪﺍ ﻗﻪﺩﺭﻯ ﻳﻮﻕ،
ﺑﯩﻠﯘﺭﻣﯘ ﻧﺎﺗﻪﯞﺍﻧﻰ ﻫﺎﻟﯩﻨﻰ ﺋﻮﻝ ﻗﻪﺩﺭﺩﺍﻥ ﺑﯩﺮ ﻛﯜﻥ.

 ﺑﻮ ﮔﯘﻣﻨﺎﻣﯩﯔ ﻓﯩﺮﺍﻕ ﺋﻪﻧﺪﯗﻫﻰ ﺗﺎﻏﻰ ﺋﺎﺳﺘﯩﺪﺍ ﻗﺎﻟﺪﻯ،
ﺗﺎﭘﺎﺭﻣﯘ ﺑﯘ ﺋﺎﻏﯩﺮ ﻳﯜﻛﺪﯨﻦ ﺗﺎﭘﯩﭗ ﯞﻩﺳﻠﯩﯔ ﺋﺎﻣﺎﻥ ﺑﯩﺮ ﻛﯜﻥ.

 (8)

 ﻛﻪﻟﯘﺭﻣﯘ ﺑﯘ ﮔﻪﺩﺍﻧﻰ ﺳﻮﺭﻏﺎﻟﻰ ﺋﻮﻝ ﭘﺎﺩﯨﺸﺎ ﺑﯩﺮ ﻛﯜﻥ.
ﻳﻪﺗﻪﺭﻣﯘ ﺳﻪﻟﺘﻪﻧﻪﺗﻜﻪ ﺳﻮﺭﻏﺎﻧﯩﺪﯨﻦ ﺑﯘ ﮔﻪﺩﺍ ﺑﯩﺮ ﻛﯜﻥ.

ﺩﻩﯞﺍﺳﯩﺰ ﺩﻩﺭﺩ ﺋﯩﻠﻪ ﻗﺎﻟﺪﯨﻢ ﮔﯩﺮﯨﻔﺘﺎﺭﻯ ﻓﯩﺮﺍﻕ ﺋﯩﭽﺮﻩ،
ﻗﯩﻠﯘﺭﻣﯘ ﺗﻪﯕﺮﻯ ﺧﻪﯞﻓﯩﺪﯨﻦ ﺑﯘ ﺩﻩﺭﺩﯨﻤﻐﻪ ﺩﺍﯞﺍ ﺑﯩﺮ ﻛﯜﻥ.

 ﺳﻪﻧﯩﯔ ﻛﻮﻳﯘﯕﻐﻪ ﻛﯩﺮﮔﻪﭺ ﻛﯚﭖ ﺟﻪﻓﺎ ﻳﻪﺗﺘﻰ ﺭﻩﻗﯩﺒﻠﻪﺭﺩﯨﻦ،
ﺳﻪﻧﻰ ﻛﯚﺭﺳﻪﻡ ﺭﻩﻗﯩﺒﻠﻪﺭ ﻳﯜﺯﻯ ﺑﻮﻟﻐﺎﻳﻤﯘ ﻗﺎﺭﺍ ﺑﯩﺮ ﻛﯜﻥ.

ﺋﻪﺟﻪﺏ ﻣﯜﺷﻜﯜﻝ ﺋﯩﻜﻪﻥ ﺑﻰ ﺩﻩﺭﺩﻟﻪﺭﮔﻪ ﻣﯘﺑﺘﻪﻻ ﺑﻮﻟﻤﺎﻕ،
ﻗﯘﺗﯘﻟﻐﺎﻳﻤﯘ ﺋﻮﺷﯘﻝ ﺑﻰ ﺩﻩﺭﺩﻟﻪﺭﺩﯨﻦ ﻣﯘﺑﺘﻪﻻ ﺑﯩﺮ ﻛﯜﻥ.

 ﺟﻪﻓﺎ ﻛﻮﻳﯘﯕﺪﺍ ﭼﯧﻜﺴﻪﻡ ﺋﯧﻞ ﯞﻩﻓﺎﺳﯩﺪﯨﻦ ﺋﯧﺮﯗﺭ ﺑﯧﻬﺮﺍﻕ،
ﻛﯚﺭﻩﺭﻣﻪﻧﻤﯘ ﯞﯨﺴﺎﻟﯩﯔ ﺋﯩﺸﺮﻩﺗﻰ ﺑﯩﻠﻪ ﯞﻩﻓﺎ ﺑﯩﺮ ﻛﯜﻥ.

ﺟﻪﻫﺎﻥ ﺭﻩﺋﻨﺎﻻﺭﯨﺪﯨﻦ ﻛﯚﺯﻟﻪﺭﯨﻢ ﺷﻪﻫﺒﺎﺯﺩﻩﻙ ﺗﯩﻜﺘﯩﻢ،
ﺑﻮﻟﯘﺭﻣﯘ ﻛﯚﺯﻟﻪﺭﯨﻢ ﻛﯜﻧﺪﻩﻙ ﻳﯜﺯﯛﯕﺪﯨﻦ ﭘﯘﺭ ﺯﯨﻴﺎ ﺑﯩﺮ ﻛﯜﻥ.

 ﺑﻪﻗﺎﺳﯩﺰ ﺩﯨﺪﻯ ﺑﯩﻠﮕﻪﻧﻠﻪﺭ ﻧﻪ ﺑﺎﺭ ﺋﯩﻜﻜﻰ ﺟﻪﻫﺎﻥ ﺋﯩﭽﺮﻩ،
ﻓﻪﻧﺎ ﺑﻮﻟﻐﺎﭺ ﺳﺎﯕﺎ ﺑﯘ ﻓﺎﻧﻰ ﺗﺎﭘﻐﺎﻳﻤﯘ ﺑﻪﻗﺎ ﺑﯩﺮ ﻛﯜﻥ.

ﺋﻪﮔﻪﺭ ﻧﻪﻓﺲ ﺋﯩﻠﻜﯩﺪﯨﻦ ﻗﯘﺗﻘﺎﺭﻣﺎﺳﺎﯓ ﻧﻪﺗﻜﯜﻣﺪﯗﺭ ﺋﻪﻱ ﻗﺎﺗﯩﻞ،
ﺋﯚﻟﻪﺭﻣﯘ ﺋﻮﻝ ﺯﯗﻣﯘﺭﺭﻩﺩ ﻛﯚﺯﻟﻪﺭﯨﯖﺪﯨﻦ ﺋﻪﮊﺩﻩﻫﺎ ﺑﯩﺮ ﻛﯜﻥ.

 ﻣﺎﯕﺎ ﺑﻪﺱ ﻗﯘﻟﻠﯘﻏﯘﯓ، ﻫﺎﺟﻪﺕ ﺋﯧﻤﻪﺱ ﺷﺎﻫﻰ ﺟﻪﻫﺎﻥ ﺑﻮﻟﻤﺎﻕ،
ﺑﯘ ﮔﯘﻣﻨﺎﻣﯩﯔ ﺑﻮﻟﯘﺭﻣﯘ ﻟﯘﺗﻔﺪﯨﻦ ﻫﺎﺟﻪﺕ ﺭﻩﯞﺍ ﺑﯩﺮ ﻛﯜﻥ.

 (9)

ﺋﻮﺗﻤﯘ ﻫﻪﻡ ﺑﺎﺭ، ﮔﯜﻟﻤﯘ ﻫﻪﻡ ﺑﺎﺭ ﻳﺎﺭﯨﻨﯩﯔ ﺭﯗﺧﺴﺎﺭﯨﺪﻩ.
ﻳﺎﻣﯘ ﻫﻪﻡ ﺑﺎﺭ، ﺋﻮﻗﻤﯘ ﻫﻪﻡ ﺑﺎﺭ ﺋﻮﻝ ﻛﯚﺯﻯ ﺧﯘﻧﺨﺎﺭﯨﺪﻩ.

ﺯﻩﺋﻔﯩﺮﺍﻥ ﻫﻪﻡ، ﻣﯘﺷﻚ ﻫﻪﻡ، ﺋﻪﻧﺒﻪﺭﻣﯘ ﻫﻪﻡ، ﺳﯘﻧﺒﯘﻟﻤﯘ ﻫﻪﻡ،
ﺟﺎﻧﻤﯘ ﻫﻪﻡ، ﺋﯩﻤﺎﻧﻤﯘ ﻫﻪﻡ ﺋﻮﻝ ﻟﻪﺋﻠﻰ ﺷﻪﻛﻜﻪﺭ ﺑﺎﺭﯨﺪﻩ.

ﺯﯗﻟﻢ ﻫﻪﻡ، ﺭﻩﻫﻤﻪﺗﻤﯘ ﻫﻪﻡ، ﻓﯘﺭﻗﻪﺗﻤﯘ ﻫﻪﻡ، ﺋﯩﺸﺮﻩﺗﻤﯘ ﻫﻪﻡ،
ﺯﻩﻫﺮ ﻫﻪﻡ، ﺷﻪﻛﻜﻪﺭﻣﯘ ﻫﻪﻡ ﺋﻮﻝ ﯞﻩﺳﻠﻰ ﺋﯩﺸﺮﻩﺗﺰﺍﺭﯨﺪﻩ.

ﻣﻪﻥ ﺋﯧﺮﯗﺭﻣﻪﻥ ﺋﯩﺸﻘﯩﺪﻩ ﻫﻪﻳﺮﺍﻥ ﺗﯜﻣﻪﻥ ﻫﻪﺳﺮﻩﺕ ﺑﯩﻠﻪ،
ﺑﯩﺌﻪﺩﻩﺩ ﺑﯩﺪﻩﺭﺩ ﺋﺎﺳﯩﻐﻠﯩﻖ ﺯﯗﻟﻔﯩﻨﯩﯔ ﻫﻪﺭ ﺗﺎﺭﯨﺪﻩ.

 ﺳﻪﺭﻧﻪﯞﯨﺸﺘﯩﻤﺪﯗﺭ ﻣﻪﻧﯩﯔ ﺋﻮﺗﯩﺪﺍ ﻛﯚﻳﻤﻪﻙ ﺳﯘﺑﻬﯘ ﺷﺎﻡ،
ﮔﯜﻟﻠﻪﺭﻯ ﺋﯧﻞ ﺋﯩﻠﻜﯩﺪﻩ ﺟﺎﻧﯘ ﺩﯨﻠﯩﻤﺪﯗﺭ ﺧﺎﺭﯨﺪﻩ.

ﺯﻩﺋﻔﯩﺮﺍﻥ ﻳﯜﺯ ﻣﻪﻧﺪﻩﺩﯗﺭ، ﺋﯧﻠﻨﯩﯔ ﺩﯨﻤﺎﻏﻰ ﺗﺎﺯﻩﺩﯗﺭ،
ﻣﯘﺷﻜﯘ ﺋﻪﻧﺒﻪﺭ ﺳﯘﻧﺒﯘﻟﯩﺪﯨﻦ ﺑﯩﺨﻪﺑﻪﺭ ﻫﻪﺭ ﺳﺎﺭﯨﺪﻩ.

 ﺋﯧﻠﮕﻪ ﺭﺍﻫﻪﺕ، ﻧﺎﺯﯗ ﻧﯧﺌﻤﻪﺗﺪﯗﺭ ﺋﻪﺯﻩﻝ ﻗﻪﺳﺴﺎﻣﯩﺪﯨﻦ،
ﻛﯚﻳﻤﻪﻛﯘ ﺋﯚﻟﻤﻪﻙ ﺳﺎﯕﺎ ﺑﻮﻟﻤﺎﻏﺎﭺ ﮔﯜﻟﻨﺎﺭﯨﺪﻩ.

ﮔﯜﻟﻐﻪ ﭘﺎﺗﺘﯩﻢ، ﺋﻮﺗﻘﻪ ﺗﯜﺷﺘﯜﻡ، ﺑﯩﻠﻤﻪﺩﯨﻢ ﻧﯥ ﻧﻪﯞئى ﻣﻪﻥ،
ﻏﻪﺭﻕ ﺋﻮﻟﯘﭖ ﺑﻮﻟﺪﯗﻡ ﻓﻪﻧﺎ ﺋﯩﻜﻜﻰ ﻛﯚﺯﯛﻡ ﺧﯘﻧﺨﺎﺭﯨﺪﻩ.

 ﻣﯘﻟﻤﯘ ﻫﻪﻡ، ﺳﺎﻏﻪﺭﻣﯘ ﻫﻪﻡ ﺑﺎﺭ، ﻫﻪﻡ ﻧﻪﺑﺎﺗﯘ ﻟﻪﺋﻠﯩﺪﻩ،
ﺗﺎﺯﻩ ﮔﯜﻟﺪﻩﻙ ﻣﺎﻫﻰ ﺑﻪﺩﺭﯗ ﻣﯩﻬﺮﻯ ﭘﯘﺭ ﺋﻪﻧﯟﺍﺭﯨﺪﻩ.

ﺑﯘ ﻣﻪﻧﯩﯔ ﻛﯚﯕﻠﯜﻡ ﻣﯘﺳﻪﻟﺴﻪﻝ ﺯﯗﻟﻔﯩﻨﯩﯔ ﺗﺎﺭﯨﻐﻪ ﺑﻪﻧﺪ،
ﺑﻪﻟﻜﻰ ﭼﯩﺮﻣﺎﺷﺘﻰ ﺗﻪﻧﯩﻤﮕﻪ ﺋﯩﺸﻖ ﺋﻮﺗﻰ ﻫﻪﺭ ﺳﺎﺭﯨﺪﻩ.

 ﺋﻪﻳﺸﻰ ﺭﺍﻫﻪﺕ ﺋﯧﻠﮕﻪ، ﺩﻩﺭﺩﯨﻦ ﺟﺎﻧﻐﻪ ﺋﺎﻝ ﮔﯘﻣﻨﺎﻣﻜﯩﻢ،
ﻣﯘﺋﺘﻪﺑﻪﺭﺩﯗﺭ ﺩﻩﺭﺩﯗ ﻣﯩﻬﻨﻪﺕ ﺋﯩﺸﻘﻨﯩﯔ ﺑﺎﺯﺍﺭﯨﺪﻩ.