چۈشتىن بۇرۇن تەكشۈرگەن ئاغرىقلار ئىچىدە سۈت بىزى راكى بىلەن ئاغرىغان ئىككى ئايال ، ئۇنىڭ بىرى شەھەرلىك يەنە بىرى سەھرالىق ئىدى . بۇلارغا قاراپ ئىچىمدە : « توۋا ، ئىككۆيلەننىڭ مۇشۇنداق ئېغىر كىسەلگە گىرىپتار بولغانلىقىنى بىلىپ تۇرۇپ ، ئائىلىسىدىن بىرەرسىمۇ ھەمراھ بۇلۇپ كەلمىگىننى ؟» دەپ ئەجەپلىنىپ تۇراتتىم ، ئويلۇغۇنۇمنى بىلۋالغاندەكلا ، شەھەرلىك خانىم مەغرۇر ھالدا :  
___ ئېرىم يىغىنغا قاتنىشۋاتقان بولغاچقا ، مەن بىلەن بىرگە كىلىشكە ۋاقىت چىقىرالمىدى  ، - دېدى . سەھرالىق ئايال شەلپەردەك قىزارغىنىچە پەس ئاۋازدا :
__ ئېرىم ئېتىز - ئېرىق ئىشلىرى بىلەن بەكلا ئالدىراش ، شۇڭا ئۈزۈملا كەلدىم  - دېدى . كىسەللىك ئەھۋالىنى تەپسىلىرەك ئىگەللەش مەخسىتىدە ھەر ئىككىسىنى داۋالاشقا قۇبۇل قىلىپ ، بىر ياتاققا ئۇرۇنلاشتۇردۇم .  
سەھرالىق ئايالنىڭ رۇھى - كەيپىياتى ناھايىتىمۇ تۈۋەن بۇلۇپ ، بىردەم ، بىردەم كۆز يېشى قىلاتتى . دىمىسىمۇ مۇنداق كىسەلگە گىرىپتار بولغۇچى ئادەمنىڭ قايسى بىرى ھەسرەتلەنمەيدۇ دەيسىز ؟ شەھەرلىك خانىم مەنسىتمەسلىك نەزىرى بىلەن سەھرالىق ئايالغا قاراپ قۇيۇپ ، كۈرەڭلىگەندەك قىلىپ :  
___ دوختۇر ھەرقانداق دۇرا بولسا ماڭا يېزىپ بىرىۋىرىڭ ، ئىمپورت قىلىنغىنى بولسا تەخى ياخشى ، پۇلدىن غەم قىلمايمەن ، - دىدى .  
ئۇنىڭ سۈزىگە جۇدۇنۇم تۇتتى - دە : _ 
__ كىسەللىك ئەھۋالىڭىزغا قاراپ دۇرا يازىمەن ، دۇرا دىگەننى قالايمىقان يېزىۋىرىشكە بولمايدۇ . ئىسىڭىزدە بولسۇن ، ئىمپورت قىلىنغانلىكى دۇرىنىڭ ياخشى بۇلۇپ كىتىشى ناتايىن ، كىسىلىڭىزنى قانداق داۋالاش توغرۇلۇق كۆڭلىمدە سان بار ، - دىدىم ئۇنۇڭغا سوغوقلا ۋە سەھرالىق ئايال تەرەپكە بۇرۇلۇپ ، ئۇنىڭ ئەھۋالىنى سۇراشقا باشلىدىم .  
سەھرالىق ئايال قورۇنغان ھالدا :
__ دوختۇر ، كىسىلىم ئۈزۈمگە 5 قولدەك ئايان .... سىز...... سىزدىن مىنى داۋالايمەن ، دەپ ئاۋارە بولماسلىقىڭىزنى ئۈتۈنىمەن ، - دىدى .  
___ سىزنى نىمىشقا داۋالىمىغىدەكمەن ؟ سىز دوختۇرغا ، پەن - تەخنىكىنىڭ قۇدرىتىگە ئىشىنىڭ ، دۇنيادا داۋا تېپىلمايدىغان كىسەل يوق ، - دىدىم ئۇنىڭغا تەسەللى بەرگەچ .  
سەھرالىق ئايال دۇدۇقلىغىنىچە :
__ ئېرىمنىڭ دىھقانچىلىق قىلىپ ئاز - تۇلا پۇل تېپىشى ئاسان ئەمەس ، مەن ئۇنى قاقسەنەم قىلۋىتىشنى خالىمايمەن ، ئەگەر مۇۋاپىق كۆرسىڭىز ماڭا ئاز - تۇلا ئغرىق توتۇتۇش دۇرىسىنىلا يېزىپ بەرسىڭىز بۇلاتتى ، - دىد ى. مەن ئۇنۇڭغا چۈشندۈرۈپ :  
__ كىسىلىڭىز ساقايماس كىسەل ئەمەس ، پەقەت بىزگە ماسلىشىپ بەرسىڭىزلا ساقىيىپ كىتىشىڭىزدىن ئۈمۈت بار ، - دىدىم .  
__ دوختۇر ، ئېرىم كەلگەندە ئۇنىڭغا  خۇتۇنىڭىزنىڭ كىسىلى ئاخىرقى باسقۇچقا بېرىپ قاپتۇ ، دەپ قويغان بولسىڭىز ، - دەپ ئۈتۈندى ئۇ يەنە . 
بۇ سۆزلەرنى ئاڭلاپ ھەيران قالدىم ، بۇ ھالىمنى كۆرگەن سەھرالىق ئايال چۈشەندۈردى :

__ دىمەكچى بولغۇنۇم ، ئېرىم كىسىلىمنىڭ ساقىيىشىدىن ئۈمۈت بارلىقىنى بىلسە ، ئۆي ھەتتا قازان - قۇمۇشقىچە بولسىمۇ سېتىپ مىنى داۋالىتىشنىڭ كۇيىدا بۇلىدۇ ، مەن ئۇنى قىيناشنى خالىمايمەن ....

يۈرىكىم ئېچىشتى ، ئۇنىڭغا نىمە دەپ چۈشەندۈرشىمنى بىلمىدىم . 
چۈشتىن كىيىن سەھرالىق ئايالنىڭ ئېرى تۇلىمۇ ھارغىن ھەم مەيۇس ھالدا ئىشخانامغا كىردى ، ئۇنىڭ تۇرقىدىن ساددىلىقى چىقىپ تۇراتتى . خۇتۇنىنىڭ كىسەللىك ئەھۋالىنى بىلگەندىن كىيىن ، ئۇ پەرىشان ھالدا :
__ دوختۇر ، خۇتۇنۇمنىڭ كىسىلى شۇنچە ئېغىرمۇ ؟ - دەپ سورىدى . ئۇنىڭغا ۋاقىتنى چىڭ تۇتۇپ كىسەلنى داۋالىتىشنىڭ زۈرۈرلىكىنى ، بولمىسا ئاقىۋىتىنىڭ ياخشى بولمايدىغانلىقىنى قايتا - قايتا ئەسكەرتتىم .
__ دوختۇر ، سىزدىن ئۈتۈنۈپ قالاي ، خۇتۇنۇمنى جەزمەن قۇتۇلدۇرۋېلىڭ ، - دەپ يىلىندى ئۇ ۋە قۇيۇن يانچۇقىدىن بىر قىزىل بولاقنى چىقىرىپ ماڭا ئۇزاتتى .
مەن قىزىل بولاقنى ئېلىپ يانچۇقۇمغا سالغاچ ئۇنىڭغا : 
__ خاتىرجەم بۇلۇڭ ، مەن چۇقۇم تىرىشىمەن ، - دىدىم . ماڭا ئايانكى ، ئەگەر ئۇ بەرگەن قىزىل بولاقنى ئالمىسام ، بۇ ئەر - خۇتۇن خاتىرجەم بۇلالمايتتى . شۇڭا ئاۋال قىزىل بولاقنى ئېلىپ ، ئاندىن قىزىل بولاقتىكى پۇلنى بۇ ئايالنىڭ داۋالىنىش ھىساباتىغا كىرگۈزۋەتتىم . بۇ مىنىڭ بۇرۇندىن ئەمەل قىلىپ كىلۋاتقان  ئادىتىم ئىدى . مەن قىزىل بولاقنى ئالغان چېغىمدا ، ئۇ يۈرىگى جايىغا چۈشكەندەك بۇلۇپ بىر خىل تەكەللۇب بىلەن :  
__ دوختۇر ، خوتنۇمنى ئوبدانراق داۋالاپ قويغان بولسىڭىز ، قانداق ياخشى دۇرا بولسا ئىشلىتىۋىرىڭ ، قورو - جايىمنى سېتىپمۇ بولسا ئۇنىڭ كىسىلىنى داۋالىتىمەن ،-  دىدى .

__ خاتىرجەم بۇلۇڭ ، قانداق دۇرىلارنى ئىشلىتىشنى بىلىمەن ، - دىدىم ئۇنىڭغا چۈشەندۈرۈپ .  
__ دوختۇر ، سىزدىن بىر ئىشنى ئۈتۈنمەكچى ئىدىم ، مالال كۆرمىسىڭىز خۇتۇنىمنىڭ يېنىغا كىرگىنىڭىزدە  ئۇنىڭغا كىسىلىڭىز ئۇنچىۋالا ئېغىر ئەمەس ،  ئاز - تۇلا دۇرا يەپ بەرسىڭىزلا ساقىيىپ كىتىسىز ، داۋالىنىشىڭىزغا ئۇنچە كۆپ پۇل كەتمەيدۇ ، دەپ قويسىڭىز ....  
ئۇنىڭ بۇ سەمىمى سۆزلىرىدىن ۋۇجۇدۇم لەرزىگە كەلگەندەك بۇلۇپ ، ئۇنىڭ تەلىپىگە ماقۇل بولدۇم . 

سەھرالىق دىھقان ئىشخانىدىن چىقىشىغىلا ، قاتۇرۇپ شىم - كاستۇم كەيگەن ئوتتۇرا ياش بىر كىشى كىرىپ كەلدى . ئۆز- ئارا تۇنۇشۇش ئارقىلىق ئۇنىڭ شەھەرلىك خانىمنىڭ ئېرى ئىكەنلىكىنى بىلدىم .

ئۇمۇ ئوخشاشلا خۇتۇنىنىڭ كىسەللىك ئەھۋالىنى تەپسىلى سورغاندىن كىيىن سىرلىق تەلەپپۇزدا :

__ ئۇنىڭ ھاياتىغا خەۋىپ يىتەمدۇ - يوق ؟- دەپ سورىدى .

__ ئەلۋەتتە خەۋىپ يىتىدۇ - دە ، خۇتۇنىڭىزنىڭ كىسىلى ئاخىرقى باسقۇچقا بېرىپ قالغاندەك قىلىدۇ ، جىددى داۋالىمىساق ، بىر يىلمۇ ئۈمۈر كۈرەلمەسلىكى مۇمكىن ،-  دەپ جاۋاپ بەردىم . ئۇنىڭ چىرايىدا شۇ ھامان بىر خىل مەمنۇنيەت ئىپادىسى پەيدا بولدى ، ئۇ بېشىنى لىڭىشتقان ھالدا :  
__ ئوبدان بوپتۇ ، ئوبدان بوپتۇ ، - دىدى . 
«خۇتۇنىنىڭ كىسلى ئاخىرقى باسقۇچقا بېرىپ قالسا دەۋاتقان گىپىنى قاراڭ » دىدىم ئىچىمدە . ئۇ ئارقىسىغا ئۆرىلىپلا ئىشىكنى يېپىۋەتكەندىن كىيىن ، ھۆججەت سومكىسىدىن خېلىلا كۆپ پۇل سېلىنغان قىزىل بولاقنى چىقىرىپ قۇلۇمغا تۇتقۇزدى ، مەن دەسلەم مۇنداقلا تۈزۈت قىلىپ قويدۇم ، كىيىن ئۇنى يانچۇقۇمغا سالغاچ :
  
__ خاتىرجەم بۇلۇڭ ، مەن پۈتۈن كۈچۈم بىلەن خوتۇنىڭىزنى ياخشى داۋالايمەن ،- دىدىم . 

__ ئويلۇغۇنۇمنىڭ ئەكىسچە ، ئۇ قوللىرىنى سۆزلىرىمنى رەت قىلغاندەك پۇلاڭلىتىپ :

__ ياق ، ياق ، سىز گىپىمنى خاتا چۈشۈنۈپ قالدىڭىز ، سىزدىن ئۈتۈنىدىغىنىم ، ئۇنىڭ كىسىلىگە ئادەتتىكى دۇرىلارنى بەرسىڭىز ھەم ئۈزىگە كىسىلىڭىز ئاخىرقى باسقۇچقا بېرىپ قاپتۇ ، دەپ قويسىڭىز ،- دىد ى .

__ ئۆزقۇلىقىمغا ئىشەنمىدىم :
__ نىمە ، نىمە  ؟ سىز نىمىلەرنى دەۋاتىسىز ؟ دەپ قايتۇرۇپ سورىدىم ئۇنىڭدىن .
ئۇ ئاغزىنى قۇلۇقۇمغا يېقىن ئەكىلىپ پىچىرلىغان ھالدا :  
__ راست گىپىمنى ئەيتسام ، مەن ئۇنى بالدۇرراق ئۆلسىكەن دەيمەن ، ساقايماس كىسەل ئۈچۈن ئۇنچىۋالا پۇلنى سورىۋىتىشنىڭ نىمە ھاجىتى  ؟ - دىد پەرۋاسىزلا . 
بۇ گەپنى ئاڭلاپ ئاغزىم گەپكە كەلمەي  ئورنۇمدا داڭقېتىپ قالدىم . 

--------- ۋاھىتجان غۇپۇر تەرجىمىسى