ئۈچ جۈپ ئاتا - بالا

A,B,C  ئۈچ ئائىلە قوشنا ئىدى ، بىر ئائىلىدە بىر دىن بالا بولۇپ ئۇلارنىڭ يېشى ئاساسەن پەرىقلەنمەيتتى ....

A ئائىلىدىكى ئاتا --- بىر زىيالىي ، ئۇيىڭى بىناغا كۆچۈپ كەلگەندىن كېيىن بالىنى ياراملىق ئادەم قىلىپ تەربىيلەش ئۈچۈن ، بالنىڭ ئۆگىنىش ۋاقتى ، ۋەزىپىسى ، دەم ئېلىش كۈنى ، بايرام - تەتىل كۈنى ، تەتىلدە پىئانىنو ئۆگىنىش قاتارلىق ئىشلىرىنى بەلگىلەپ بەردى ، ئادەتتە بالىنى ئۆيدىكى ئۇششاق ئىشلارغا قول تىققۇزمىدى. دەسلەپتە بالىنىڭ ئۆگىنىشى يامان ئەمەس ئىدى، لېكىن ئۇ كۈنبويى ئۆگىنىشتىن زېرىكتى ، بارا-بارا ئۈگىنىش قىزغىنلىقى يوقالدى ، ئۆگىنىش نەتىجىسى تۆۋەنلەپ كەتتى ، تولۇقسىز ئوتتۇرغا كۆچكەندە دەرىسلەر كۆپەيدى ، ئىمتىھاندا ئۇ يېرىمدىن كۆپرەك پەنلەردە ئۆتەلمىدى ، ئاتا بەكمۇ بىئارام بولدى ،غەزەپلەندى، بالىنى ھەمىشە ئورۇپ - تىللاپ تەنقىدلىدى، بالا نەچچە قېتىم ئۆيدىن چىقىپ كەتتى ، ئاتا نەچچە قېتىم ئۇنى ئىزدەپ تېپىپ كەلدى، ئەمدى يەنە ئۇنى ئوقۇشقا، پىئانىنو ئۆگىنىشكە زورلاشقا جۈرئەت قىلالمىدى . كۈنلەرنى ھەسرەت چېكىپ ئۆتكۈزۈۋەتتى . بالا تولۇقسىز ئوتتۇرا مەكتەپنى پۈتتۈرۈپ ، ئائىلىدە خىزمەت كۈتۈپ ئولتۇردى .

B ئائىلىدىكى ئاتا ------ ئاددىي تىجارەتچى ، ئۇ يىڭى ئۆيگە كۆچكەندىن كېيىن ئاددىي بىر دوكان ئاچتى ، تىجارىتى بەك ئالدىراش ئىدى، ھەتتا يىتىشىپ بولالماي بالىنى چاقىرىپ كىلىپ مال ئېلىش ، سېتىش ، ھىساب قىلىش ئىشلىرىغا ياردەملەشكۈزدى ، بالا تولۇق ئوتتۇرا مەكتەپنى پۈتتۈرۈپ ، ئالىي مەكتەپكە ئۆتەلمىگەن بولسىمۇ ، بىراق ئاتىسىدىن ئېلىم - سېتىم ئىشلىرىنى ئۆگىنىۋالغان بولغاچقا تىجارەت قىلالىدى، كېيىنچە ئىككىنچى خوجايىن بولۇپ قالدى .

C ئائىلىدىكى ئەر -خوتۇن ----- «مەدەنىيەت ئىنقىلابى» مەزگىلىدە تولۇقسىز ئوتتۇرا مەكتەپتە ئوقۇغان ، كېيىن ئىشچى بولغان ، زاۋۇت سېتىۋېتىلگەندىن كېيىن ئىشسىز قېلىپ، ھەركۈنى تەرەپ - تەرەپكە قاتراپ ئىش تېپىپ قىلىپ جان باقىدىغانلاردىن ئىدى. ئۇلار ئىشقا ئۇرۇنلىشىش رىقابىتىگە ماسلىشىش ئۈچۈن مەدەنىيەت بىلىملىرى ۋە تېخنىكا بىلىملىرىنى ئۆگىنەتتى ، بىلمىگەنلىرىنى بالىسىدىن سورايتتى ، بالىسى بىلگەنلىرىگە ئۇدۇللۇق جاۋاب بەرسە، بىلمىگەنلىرىگە كىتابلاردىن جاۋاب ئىزدەيتتى ، ئاتا - بالا بىرلىكتە ئۆگىنەتتى ، تەتقىق قىلاتتى ، ئۇلار بارغانسىرى ئالغا باستى، ئۇلارنىڭ ئۈگىنىش قىزغىنلىقى ئېشىپلا قالماي ، ئۆگىنىش نەتىجىسىمۇ يوقىرى كۆتۈرۈلدى، يەنە ئۆزلىگىدىن ئۆگىنىش ئىقتىدارى ۋە تەپەككۇر ئىقتىدارى كۈچەيدى ، بالا تولۇق ئوتتۇرا مەكتەپنى پۈتتۈرۈپ ، نوقتىلىق داڭلىق ئالىي مەكتەپكە ئۆتتى .

بىر كۈنى بۇ ئۈچ كونا قوشنا ئۇچرىشىپ قالدى، باللىرىنىڭ ئەھۋالى ھەققىدە سۆزلەشتى :

 A ئاتا :--- مەن بالىغا بەك قاتتىق تەلەپ قويۇپتىمەن .

B ئاتا :--- مەن بالىنىڭ ياراملىق ئادەم بولۇشىنى ئۈمىد قىلىمەن .

C ئاتا :--- مەن تەبئىيلا مۇۋاپىقىيەت قازاندىم .

شۇ كۈنى يەنە بۇ ئۈچ بالىمۇ ئۇچرىشىپ قالدى، ئايرىلغاندىن كېيىنكى كۈنلەرنى ئەسلەپ سۆزلەشتى :

A بالا : ----- كىچىكمدە ئاتامنىڭ قۇماندانلىقىدا قارغۇلاچە ئۆگىنىدىغان «ماشىنا»ئىدىم .

B بالا : ----- كىچىكمدە ئاتامغا ۋاقىتلىق ياردەملەشكەن «ئىشچى» ئىدىم .

 C بالا : ----- كىچىكمدە مەن ئاۋۋال ئاتام بىلەن «ساۋاقداش» ئىدىم ، كىيىن ئۇنىڭغا «مۇئەللىم» بولغان ئىدىم .

بۇ ئۈچ ئاتىنىڭ ئۈچ خىل تەربىيلەش ئۇسۇلى ، ئۈچ بالىنىڭ ئۈچ خىل تەسىراتى ئىدى . بىز بونىڭدىن ئۈچ بالىنىڭ ئۈچ خىل تەرەققىيات يۈنلىنىشىنى بىلىۋېلىشىمىز تەس ئەمەس .

مەنبەسى : «قوش تىل» ئوقۇتقۇچىللىرىنى تەربىيلەش دەرىسلىكى دىن تەرجىمە قىلىندى.