ﻛﺮﻭﺭﺍﻧﻨﻰ ﻛﯩﻢ ﺗﺎﭘﻘﺎﻥ  ؟        ( ﻣﻮﻳﺴﺪﯨﻦ ﺳﺎﻳﯩﺖ )                                                

ﺋﻮﻥ ﻧﻪﭼﭽﻪ ﺋﻪﺳﯩﺮﻟﯩﻚ ﻗﺎﺗﺘﯩﻖ ﻏﻪﭘﻠﻪﺕ ﺋﯘﻳﻘﯩﺴﯩﺪﯨﻜﻰ ﺗﺎﺭﯨﻢ ، ﻛﯚﻧﭽﻰ ﺩﻩﺭﻳﺎﺳﻰ  ﯞﺍﺩﯨﻠﯩﺮﯨﻐﺎ ﺋﺎﺭﺧﯧﺌﻮﻟﻮﮔﯩﻴﯩﻠﯩﻚ  ﻗﯩﺪﯨﺮﯨﭗ ﺗﻪﻛﺸﯜﺭﯛﺷﻜﻪ ﻛﯧﻠﯩﭗ  ﺯﻭﺭ ﺷﺎﻥ - ﺷﻪﺭﻩﭘﻜﻪ ﻣﯘﻳﻪﺳﺴﻪﺭ ﺑﻮﻟﻐﺎﻧﻼﺭ ﺑﯩﺮﻧﻪﭼﭽﻪ ﻛﯩﺸﻰ . ﺑﯘﻻﺭ ﺋﯩﭽﯩﺪﻩ ﻛﺮﻭﺭﺍﻧﻨﻰ ﺗﺎﭘﻘﺎﻧﻠﯩﻖ ﺯﻭﺭ ﺗﯚﮬﭙﯩﺴﻰ ﺑﯩﻠﻪﻥ ﺩﯗﻧﻴﺎﯞﻯ ﺷﯚﮬﺮﻩﺕ ﺗﺎﺟﻰ ﻛﯩﻴﮕﻪﻥ ﻛﯩﺸﻰ --- ﺳﯩﯟﯦﻦ ﮬﯧﺪﯨﻦ . ﺋﯘ ﺋﯚﻣﺮﯨﻨﯩﯔ ﺋﺎﺧﯩﺮﯨﺪﺍ ﺑﯘ ﺷﯚﮬﺮﻩﺕ ﺗﺎﺟﯩﻨﯩﯔ ﺯﺍﺩﻯ ﻛﯩﻤﮕﻪ ﻣﻪﻧﺴﯘﭖ ﺑﻮﻟﯘﺷﻰ ﻛﯧﺮﻩﻛﻠﯩﻜﻰ ﺋﯜﺳﺘﯩﺪﻩ ﺋﻮﻳﻠﯩﻨﯩﭗ ﻗﺎﻟﻐﺎﻥ ﺑﻮﻟﺴﺎ ﻛﯧﺮﻩﻙ . ﺋﺎﯕﻠﯩﺸﯩﻤﭽﻪ ، ﺳﯧﯟﯨﻦ ﮬﯧﺪﯨﻨﻨﯩﯔ ﺗﯩﻠﺴﯩﻤﻠﯩﻖ ﺗﻪﻛﻠﯩﻤﺎﻛﺎﻧﺪﺍ ﺋﯧﻠﯩﭗ ﺑﺎﺭﻏﺎﻥ ﺋﯩﻜﻜﻰ ﻗﯧﺘﯩﻤﻠﯩﻖ ﻣﯘﺷﻪﻗﻘﻪﺗﻠﯩﻚ ﺋﯧﻜﯩﺴﭙﯩﺪﯨﺘﺴﯩﻴﯩﺪﻩ ﺋﯘﻧﯩﯖﻐﺎ ﺳﺎﺩﯨﻖ ﻳﻮﻝ  ﺑﺎﺷﻠﯩﻐﯘﭼﻰ ، ﻳﺎﺧﺸﻰ ﺩﻭﺳﺖ ، ﺋﯩﺸﻪﻧﭽﻠﯩﻚ ﻣﻪﺳﻠﯩﮭﻪﺗﭽﻰ ﺑﻮﻟﻐﯘﭼﯩﻨﯩﯔ ﺑﺎﻻ - ﭼﺎﻗﯩﻠﯩﺮﯨﻐﺎ ، ﻳﯘﺭﺗﯩﻐﺎ ﺋﯚﺯ ﻓﻮﻧﺪﯨﺪﯨﻦ ﻣﻪﻟﯘﻡ ﻣﯩﻘﺪﺍﺭﺩﺍ ﭘﯘﻝ ﺋﺎﺟﺮﯨﺘﯩﭗ ﺑﯧﺮﯨﺸﯩﻨﻰ ﯞﻩﺳﯩﻴﻪﺕ ﻗﯩﻠﻐﺎﻧﻠﯩﻘﻰ ﻣﻪﻟﯘﻡ .
            ﺋﻪﻳﻨﻰ ﺯﺍﻣﺎﻧﺪﺍ ﺗﺎﺭﯨﻢ ﺋﻮﻳﻤﺎﻧﻠﯩﻘﯩﺪﺍ ﺳﻪﻟﺘﻪﻧﻪﺗﻠﯩﻚ ﺩﻩﯞﺭ ﺳﯜﺭﯛﭖ ، ﻏﻪﺭﺑﯩﻲ ﺩﯨﻴﺎﺭﺩﺍ ﺷﯚﮬﺮﻩﺗﻠﯩﻚ ﻧﺎﻡ ﻗﺎﺯﺍﻧﻐﺎﻥ ، ﺗﻪﻛﻠﯩﻤﺎﻛﺎﻥ ﻗﯘﻣﻠﯩﻘﯩﻐﺎ ﻛﯚﻣﯜﻟﯜﭖ ﻏﺎﻳﯩﭗ ﺑﻮﻟﯘﭖ ﻛﻪﺗﻜﻪﻥ ﺷﻪﮬﻪﺭ - ﺑﻮﺳﺘﺎﻧﻠﯩﻘﻼﺭﻧﯩﯔ ﺳﻪﺭﻛﯩﺴﻰ ﺑﻮﻟﻐﺎﻥ ﺑﯩﺮ ﺧﺎﻧﻠﯩﻖ ﺷﻪﮬﻪﺭ 1500 ﻳﯩﻠﺪﯨﻦ ﻛﯧﻴﯩﻦ ﺋﺎﺩﻩﻣﻠﻪﺭ ﺑﯩﻠﻪﻥ  ﻗﺎﻳﺘﯩﺪﯨﻦ ﺩﯨﺪﺍﺭﻻﺷﺘﻰ .  "ﮬﺎﻻﻛﻪﺕ ﺩﯦﯖﯩﺰﻯ " ﺑﻮﻟﻐﺎﻥ ﺗﻪﻛﻠﯩﻤﺎﻛﺎﻧﻨﯩﯔ ﮔﯩﺮﻩﻟﯩﺸﯩﭗ ﻛﻪﺗﻜﻪﻥ ﻗﯘﻡ ﺩﯙﯞﯨﻠﯩﺮﻯ ﺋﺎﺭﯨﻠﯩﺮﯨﺪﯨﻜﻰ ﺑﻮﺳﺘﺎﻥ ﺷﻪﮬﻪﺭﻟﻪﺭﻧﯩﯔ ﺋﺎﺭﻗﺎ - ﺋﺎﺭﻗﯩﺪﯨﻦ ﻏﺎﻳﯩﭗ ﺑﻮﻟﯘﭖ ﻛﯧﺘﯩﺸﯩﻨﯩﯔ ﺳﻪﯞﻩﺑﻠﯩﺮﯨﻨﻰ ﺑﯩﻠﻪﻟﻤﻪﻱ ﺋﻮﻥ ﺋﺎﻟﺘﻪ ﺋﻪﺳﯩﺮﻧﻰ ﺗﯜﮔﯜﻣﻪﺱ ﮔﯘﻣﺎﻥ ﯞﻩ ﭘﻪﺭﻩﺯﻟﻪﺭ ﺑﯩﻠﻪﻥ ﺋﯚﺗﻜﯜﺯﮔﻪﻥ ﺩﯗﻧﻴﺎ ﺑﯘ ﺧﻪﻳﺮﻟﯩﻚ ﺧﻪﯞﻩﺭﺩﯨﻦ ﺯﯨﻠﺰﯨﻠﯩﮕﻪ ﻛﻪﻟﺪﻯ . ﮬﻪﻗﯩﻘﻪﺗﻪﻥ ﺑﯘ ﺳﯩﺮﻟﯩﻖ ﯞﺍﺩﯨﻨﯩﯔ ﺋﺎﺟﺎﻳﯩﺒﺎﺗﻠﯩﻖ ﻗﻪﺳﯩﺮﯨﻨﯩﯔ ﺩﻩﺭﯞﺍﺯﯨﺴﻰ ﺗﯧﭙﯩﻠﻐﺎﻧﯩﺪﻯ . ﺷﯘﺋﺎﻧﻼ ﺑﯘ ﺧﻪﻳﺮﻟﯩﻚ ﺧﻪﯞﻩﺭﻧﯩﯔ ﺟﺎﻛﺎﺭﭼﯩﺴﯩﻐﺎ ﺷﺎﻥ - ﺷﯚﮬﺮﻩﺕ ﮔﯜﻟﺪﻩﺳﺘﯩﻠﯩﺮﻯ  ﻳﯧﻐﯩﭗ ﻛﻪﺗﺘﻰ ، ﺑﯧﺸﯩﻐﺎ ﺷﻪﺭﻩﭖ ﺗﺎﺟﻰ  ﺗﺎﻗﯩﻠﯩﭗ ، ﺋﺎﺭﺧﯩﻠﻮﮔﯩﻴﻪ ﺳﺎﮬﻪﺳﯩﻨﯩﯔ ﻣﻪﺷﮭﯘﺭ ﭼﻮﻟﭙﺎﻧﯩﻐﺎ ﺋﺎﻳﻼﻧﺪﻯ .   
                     ﺋﯘﻧﺪﺍﻗﺘﺎ ﺗﯩﻠﺴﯩﻢ  ﻗﻪﺳﯩﺮﯨﻨﯩﯔ ﺩﻩﺭﯞﺍﺯﯨﺴﯩﻨﻰ ﺗﺎﭘﻘﺎﻥ ﺯﺍﺩﻯ ﻛﯩﻢ ؟ ﺧﻪﯞﻩﺭﻧﯩﯔ ﺟﺎﻛﺎﺭﭼﯩﺴﯩﭽﯘ ؟
        ﺋﺎﻟﻪﻣﺸﯘﻣﯘﻝ ﺧﻪﯞﻩﺭﻧﯩﯔ  ﺟﺎﻛﺎﺭﭼﯩﺴﻰ ---- ﺷﯧﯟﯨﺘﺴﯩﻴﯩﻠﯩﻚ ﺳﯩﯟﯦﻦ ﮬﯧﺪﯨﻦ .
        ﺧﻪﻳﺮﻟﯩﻚ ﺧﻪﯞﻩﺭﻧﯩﯔ ﺋﯩﮕﯩﺴﻰ  ---  ﺗﯩﻠﺴﯩﻢ ﻗﻪﺳﯩﺮﯨﻨﯩﯔ ﺩﻩﺭﯞﺍﺯﯨﺴﯩﻨﻰ ﺗﺎﭘﻘﺎﻥ ﻛﯩﺸﻰ ﺗﻪﻛﻠﯩﻤﺎﻛﺎﻧﺪﯨﻜﻰ ﻏﺎﻳﯩﭗ ﺑﻮﻟﯘﭖ ﻛﻪﺗﻜﻪﻥ ﻳﯘﺭﺕ - ﺷﻪﮬﻪﺭﻟﻪﺭﻧﻰ ﺑﻪﺭﭘﺎ ﻗﯩﻠﻐﺎﻥ ، ﮔﯜﻟﻠﻪﻧﮕﻪﻥ ﺋﻪﺟﺪﺍﺩﻻﺭﻧﯩﯔ 20 - ﺋﻪﺳﯩﺮﻧﯩﯔ ﺋﺎﻟﺪﯨﻨﻘﻰ ﻳﯧﺮﯨﻤﯩﺪﯨﻜﻰ ﺋﻪﯞﻻﺩﻯ ، ﺑﯩﺰﻧﯩﯔ ﺗﻪﺳﻪﯞﯞﯗﺭﯨﻤﯩﺰﻏﺎ ﺳﯩﻐﻤﺎﻳﺪﯨﻐﺎﻥ ، ﺧﯩﻴﺎﻟﯩﻤﯩﺰﻏﯩﻤﯘ ﻛﻪﻟﺘﯜﺭﻣﻪﻳﺪﯨﻐﺎﻥ ، ﺋﯚﺗﻤﯜﺷﯩﻨﻰ ﺋﯘﻧﺘﯘﻏﺎﻥ ، ﺟﺎﮬﺎﻥ ﺋﯩﺸﻠﯩﺮﯨﺪﯨﻦ ﺑﯩﺨﻪﯞﻩﺭ ، ﮔﻮﻳﺎ ﺗﺎﺭﯨﺦ ﺑﻪﻧﺖ ﻗﯩﻠﯩﯟﻩﺗﻜﻪﻧﺪﻩﻙ ﻗﯘﻡ ﺑﺎﺭﺧﺎﻧﻠﯩﺮﯨﻨﯩﯔ ﺋﺎﺭﯨﺴﯩﺪﯨﻦ ﭼﯩﻘﻤﯩﻐﺎﻥ ، ﮬﺎﻳﺎﺗﺘﯩﻦ ﻛﯜﻧﻠﯜﻙ ﺭﯨﺴﻘﯩﺪﯨﻦ ﺋﺎﺭﺗﯘﻕ ﺗﻪﻟﯩﭙﻰ ﺑﻮﻟﻤﯩﻐﺎﻥ ﺋﺎﺩﻩﻣﻠﯩﺮﯨﻤﯩﺰﻧﯩﯔ ﺑﯩﺮﻯ --  ﺋﯚﺭﺩﻩﻙ ﺋﺎﻟﺘﯘﻥ !    
     ﺗﺎﺭﯨﻢ ﯞﺍﺩﯨﺴﻰ ، ﺟﯜﻣﻠﯩﺪﯨﻦ ﻟﻮﭘﻨﯘﺭ ﻧﺎﮬﯩﻴﯩﺴﻰ ﺗﯧﺨﯩﭽﻪ ﭘﯩﻨﮭﺎﻧﻠﯩﻘﺘﺎ ﻏﻪﭘﻠﻪﺕ ﭼﯜﺷﯩﻨﻰ ﻛﯚﺭﯛﯞﺍﺗﻘﺎﻥ 1860- ﻳﯩﻠﻨﯩﯔ ﺳﯜﻛﯜﺗﻠﯜﻙ ، ﺟﯩﻤﺠﯩﺖ ﺋﺎﻱ - ﻛﯜﻧﻠﯩﺮﯨﻨﯩﯔ ﺑﯩﺮ ﺗﺎﯓ ﺳﻪﮬﯩﺮﯨﺪﻩ ﺗﺎﺭﯨﻢ ، ﻛﯚﻧﭽﻰ  -- ﺋﯩﻜﻜﻰ ﺩﻩﺭﻳﺎﻧﯩﯔ ﺋﻮﺗﺘﯘﺭﺍ ﺳﺎﮬﯩﻠﯩﺪﺍ ﻛﻮﻧﺎ ﭼﺎﺭﺍ ﻣﻪﮬﻪﻟﻠﯩﺴﯩﺪﯨﻜﻰ ﺗﯚﻣﯜﺭ ﻛﯚﻝ ﺋﺎﺋﯩﻠﯩﺴﯩﺪﻩ ﺑﯩﺮ ﺋﻮﻏﯘﻝ ﺋﻪﯞﻻﺕ ﺩﯗﻧﻴﺎﻏﺎ ﻛﯚﺯ ﺋﺎﭼﺘﻰ . ﺗﯚﻣﯜﺭ ﺩﺍﺩﺍ ( ﻟﻮﭘﻨﯘﺭﻟﯘﻗﻼﺭﺩﺍ ﻳﯧﺸﻰ ﭼﻮﯓ ، ﮬﯚﺭﻣﻪﺗﻜﻪ ﺳﺎﺯﺍﯞﺍﺭ ﻳﯘﺭﺕ ﺑﯧﺸﯩﻨﯩﯔ ﺋﯩﺴﻤﯩﻐﺎ "ﺩﺍﺩﺍ" ﻧﻰ ﻗﻮﺷﯘﭖ ﺋﺎﺗﺎﻳﺪﯨﻐﺎﻥ ﺋﺎﺩﻩﺕ - ﺋﻪﻧﺌﻪﻧﻪ ﺑﺎﺭ ) "ﺋﻮﻏﯘﻝ ! ﺋﻮﻏﯘﻝ ! " ﺩﻩﭖ ﺗﻮﯞﻟﯩﻐﯩﻨﯩﭽﻪ ﺋﯚﻳﺪﯨﻦ ﺋﯧﺘﯩﻠﯩﭗ ﭼﯩﻘﯩﭗ ﻛﯧﺘﯩﭗ ، ﮬﺎﻳﺎﻟﺸﯩﻤﺎﻳﻼ  ﺋﯚﻳﮕﻪ ﻳﯜﮔﯜﺭﮔﻪﻧﺪﻩﻙ ﻛﯩﺮﺩﻯ - ﺩﻩ ، ﻳﯧﯖﻰ ﻣﯧﮭﻤﺎﻧﻨﻰ ﻗﻮﻟﯩﻐﺎ ﺋﯧﻠﯩﭗ ﺑﯧﺸﯩﺪﯨﻦ ﺋﯧﮕﯩﺰ ﻛﯚﺗﯜﺭﯛﭖ ﺗﯘﺭﯗﭖ :
         ------- ﺋﯚﻣﺮﻯ ﺩﻩﺭﻳﺎ ، ﻛﯚﻟﻠﻪﺭﺩﻩ ﺋﯜﺯﯛﭖ ، ﺋﺎﺳﻤﺎﻧﺪﺍ ﺋﯘﭼﯘﭖ ﺋﯚﺗﯩﺪﯨﻐﺎﻥ ﺋﻮﺧﺸﺎﻳﺪﯗ ، ﺋﯚﺭﺩﻩﻙ ! ﺋﯚﺭﺩﻩﻙ ! ---- ﺩﯦﺪﻯ .
        ﺗﯚﻣﯜﺭ ﺩﺍﺩﯨﻨﯩﯔ ﺋﯚﻳﺪﯨﻦ ﭼﯩﻘﯩﺸﯩﻐﺎ ﻛﯚﺯﯨﮕﻪ ﻛﯚﺭﯛﻧﮕﯩﻨﻰ ﺋﯘﻧﯩﯔ ﺋﺎﻟﺪﯨﺪﯨﻜﻰ ﺋﯩﻠﻪﻛﺘﻪ ﺋﯜﺯﯛﭖ ﻳﯜﺭﮔﻪﻥ ﺑﯩﺮﻧﻪﭼﭽﻪ ﺋﯚﺭﺩﻩﻙ ﺋﯩﺪﻯ . ﺋﯚﺭﺩﻩﻙ ، ﻏﺎﺯ ﺗﺎﺭﯨﻤﻠﯩﻘﻼﺭ ﺋﯜﭼﯜﻥ ﺋﯧﻴﺘﻘﺎﻧﺪﺍ ﺑﺎﮬﺎﺭ ﺋﻪﻟﭽﯩﺴﻰ ، ﺷﯘﻧﺪﺍﻗﻼ ﺋﯘﻻﺭﻏﺎ  ﺋﻮﺯﯗﻗﻠﯘﻕ (ﺗﯘﺧﯘﻡ) ﺗﯘﻏﯘﭖ ﺑﯧﺮﯨﺪﯨﻐﺎﻥ ﺋﻪﺗﯩﯟﺍﺭﻟﯩﻖ ﮬﻪﻡ ﺯﯨﻴﺎﻧﺴﯩﺰ ﻗﯘﺵ .
       ﺷﯘﻧﺪﺍﻕ ﻗﯩﻠﯩﭗ ﻛﻮﻧﺎ ﺋﺎﺩﻩﺕ ﺑﻮﻳﯩﭽﻪ ﺑﻮﯞﺍﻗﻨﯩﯔ ﺋﯩﺴﻤﻰ ﺋﯚﺭﺩﻩﻙ ﺑﻮﻟﺪﻯ . ﺗﯚﻣﯜﺭ ﺩﺍﺩﺍ ﺋﯧﻴﺘﻘﺎﻧﺪﻩﻙ ، ﺋﯘ ﭘﯜﺗﯜﻥ ﺋﯚﻣﺮﯨﻨﻰ ﺗﺎﺭﯨﻢ ، ﻛﯚﻧﭽﻰ ﺩﻩﺭﻳﺎﻟﯩﺮﯨﺪﺍ ، ﻛﯚﻝ ﯞﻩ ﺷﺎﺧﺎﭘﻼﺭﺩﺍ ﺷﯘﯕﻐﯘﭖ ، ﺳﺎﻟﻼﺭﺩﺍ ﺋﯜﺯﯛﭖ ﺋﯚﺗﻜﯜﺯﺩﻯ . ﺋﻪﻣﻤﺎ ﺋﺎﺳﻤﺎﻧﺪﺍ ﺋﯘﭼﯘﺵ ﺋﯘﻧﯩﯖﻐﺎ ﻧﯩﺴﯩﭗ ﺑﻮﻟﻤﯩﺪﻯ .
        ﺋﯚﺭﺩﻩﻛﻨﯩﯔ ﺑﻮﯞﯨﺴﻰ ﺋﻮﻣﺎﻕ ﺋﯚﺗﻪﯓ - ﻗﯘﺭﻗﺘﺎﻍ ﺋﯩﭽﯩﺪﯨﻜﻰ ﻛﯩﭽﯩﻚ ﺑﺎﻳﻠﯩﻖ ﺷﯩﻨﺪﻯ (ﻳﯧﯖﻰ ﻳﻪﺭ) ﺩﯨﻦ ﻛﻮﻧﺎ ﭼﺎﺭﺍﻏﺎ ﻛﯧﻠﯩﭗ ﺋﻮﻟﺘﯘﺭﺍﻗﻠﯩﺸﯩﭗ ﻗﺎﻟﻐﺎﻥ ﺋﯩﺰﭼﻰ ، ﻣﺎﮬﯩﺮ ﺋﻮﯞﭼﻰ ، ﺗﻮﻧﯘﻟﻐﺎﻥ  ﻗﻮﺷﺎﻗﭽﻰ ﺋﯩﺪﻯ . ﺋﯚﺭﺩﻩﻙ ﺋﯚﺳﻤﯜﺭﻟﯜﻙ ﻳﯧﺸﯩﻐﺎ ﻳﻪﺗﻜﻪﻥ ﻛﯜﻧﺪﯨﻦ ﺑﺎﺷﻼﭘﻼ ﺑﻮﯞﯨﺴﻰ ﺑﯩﻠﻪﻥ ﺑﻮﯞﯨﺴﻰ ﺑﯩﻠﻪﻥ ﺩﺍﺩﯨﺴﯩﻐﺎ ﺋﻪﮔﯩﺸﯩﭗ ﺋﻮﯞﭼﯩﻠﯩﻘﻘﺎ ﻗﻪﺩﻩﻡ ﺑﺎﺳﺘﻰ . ﺋﯘ ﺗﺎﺭﯨﻢ ﯞﺍﺩﯨﺴﯩﻨﯩﯔ ﮬﻪﻣﻤﻪ ﻳﯧﺮﯨﮕﻪ ﺩﯨﮕﯜﺩﻩﻙ ﺑﺎﺭﺩﻯ . ﺋﯘ ﻛﻪﺯﻣﯩﮕﻪﻥ ﻗﯘﻣﻠﯘﻕ ، ﺋﯘ ﺷﯘﯕﻐﯩﻤﯩﻐﺎﻥ ، ﻗﯧﻴﯩﻖ ﺑﯩﻠﻪﻥ ﺋﯜﺯﻣﯩﮕﻪﻥ ﺩﻩﺭﻳﺎ ، ﻛﯚﻟﻠﻪﺭ ﻗﺎﻟﻤﯩﻐﺎﻧﯩﺪﻯ .
            ﺋﯚﺭﺩﻩﻙ ﺑﯩﺮ ﺋﻮﻏﯘﻝ ، ﺑﯩﺮ ﻗﯩﺰ ---- ﺋﯩﻜﻜﻰ ﭘﻪﺭﺯﻩﻧﺖ ﻛﯚﺭﮔﻪﻥ ﺑﻮﻟﯘﭖ ، ﻗﯩﺰﻯ ﻳﺎﺷﻼ ﺋﯚﻟﯜﭖ ﻛﻪﺗﻜﻪﻥ . ﺋﻮﻏﻠﻰ ﺳﺎﺩﯨﻖ 1934- ﻳﯩﻠﻰ ﺋﯚﺯﻯ ﺑﯩﻠﻪﻥ ﺑﯩﻠﻠﻪ ﻛﺮﻭﺭﺍﻥ ﺋﻪﺗﺮﺍﭘﯩﻐﯩﭽﻪ ﺑﺎﺭﻏﺎﻥ ، ﺳﺘﻪﻳﯩﻨﮕﯩﻤﯘ ﻳﻮﻟﺒﺎﺷﻠﯩﻐﯘﭼﻰ ﺑﻮﻟﻐﺎﻥ . ﺋﯘ ﺩﺍﺩﯨﺴﯩﺪﯨﻦ ﺑﯘﺭﯗﻥ 1940- ﻳﯩﻞ 2- ﺋﺎﻳﻨﯩﯔ 28 -ﻛﯜﻧﻰ ﯞﺍﭘﺎﺕ ﺑﻮﻟﻐﺎﻥ . ﺳﺎﺩﯨﻘﻨﯩﯔ ﻗﯩﺰﻯ ﻧﯩﻴﺎﺯﺧﺎﻥ ﮬﺎﺯﯨﺮ 70 ﻧﻪﭼﭽﻪ ﻳﺎﺷﺘﺎ ﺑﻮﻟﯘﭖ ، ﺷﯩﻨﭙﯩﯔ ﻳﯧﺰﺍ ﺗﯘﯕﭽﯩﻜﻪ ﻛﻪﻧﺘﯩﺪﻯ ، ﺋﯚﮔﻪﻱ ﺋﻮﻏﻠﻰ ﺋﯩﻤﺎﻳﯩﻞ ﻧﺎﮬﯩﻴﯩﻠﯩﻚ ﺗﺎﺵ ﻳﻮﻝ ﺋﺎﺳﺮﺍﺵ ﺋﺎﺷﭽﯩﻠﯩﻘﯩﺪﯨﻦ ﮬﺎﺯﯨﺮ ﺋﺎﺭﺍﻣﺪﺍ .
        ﺋﯚﺭﺩﻩﻙ ﺑﯩﺮ ﻗﯩﺘﯩﻢ ﻣﻪﮬﻪﻟﻠﻪ ﺋﻪﺗﺮﺍﭘﯩﺪﺍ ﺋﺎﻧﯩﺴﯩﻨﻰ ﻳﻮﻟﯟﺍﺱ ﺑﯧﺴﯩﯟﺍﻟﻐﺎﻧﺪﺍ ، ﯸﺘﯩﻠﯩﭗ ﺑﺎﺭﻏﯩﻨﯩﭽﻪ ﭼﺎﭘﯩﻨﯩﻨﻰ ﺳﯧﻠﯩﭗ ﭘﯘﻻﯕﺸﯩﺘﯩﭗ ﻳﯜﺭﯛﭖ  ﻳﻮﻟﯟﺍﺳﻨﻰ ﮬﯚﺭﻛﯩﺮﯨﺘﯩﭗ ﻗﺎﭼﯘﺭﯞﯦﺘﯩﭗ ، ﺋﺎﻧﯩﺴﯩﻨﻰ ﻳﯩﺮﺗﻘﯘﭺ ﺋﺎﻏﺰﯨﺪﯨﻦ ﻗﯘﺗﯘﻟﺪﯗﺭﯞﺍﻟﻐﺎﻥ . ﻳﻪﻧﻪ ﺑﯩﺮ ﻗﯩﺘﯩﻢ ﺟﺎﯕﮕﺎﻟﺪﺍ ﺑﯩﺮﻧﻪﭼﭽﻪ ﻛﯩﺸﻰ ﺑﯩﺮ ﺟﻪﺭﻩﻥ  ﮔﯚﺷﯩﻨﻰ ﻛﺎﯞﺍﭖ ﻗﯩﻠﯩﭗ ﺋﻮﻟﺘﯘﺭﺳﺎ ، ﮔﯚﺵ، ﻗﺎﻥ ﮬﯧﺪﯨﻨﻰ ﭘﯘﺭﺍﭖ ﻗﺎﻟﻐﺎﻥ ﺑﯩﺮ ﻳﻮﻟﯟﺍﺱ ﺋﯘﻻﺭﻏﺎ  ﮬﻪﻳﯟﻩ ﻗﯩﻠﯩﭗ ﺋﯧﺘﯩﻠﯩﭗ ﻛﻪﻟﮕﻪﻧﺪﻩ ، ﺋﯚﺭﺩﻩﻙ ﻛﯚﻳﯜﯞﺍﺗﻘﺎﻥ ﺋﯘﺯﯗﻥ ﺑﯩﺮ ﭼﯚﭼﯜﻟﯩﻨﻰ ﻛﯚﺗﯜﺭﮔﯩﻨﯩﭽﻪ ﻳﻮﻟﯟﺍﺱ ﺋﺎﻟﺪﯨﻐﺎ ﻳﯜﮔﯜﺭﯛﭖ ﺑﯧﺮﯨﭗ ، ﭼﯚﭼﯜﻟﯩﻨﻰ ﺋﯘﻧﯩﯔ ﺋﺎﻏﺰﯨﻐﺎ ﺗﯩﻘﯩﭗ ﺗﯩﺮﻩﺟﻪﭖ ﺗﯘﺭﯗﯞﺍﻟﻐﺎﻥ ، ﻳﻮﻟﯟﺍﺱ ﻛﯚﻳﯜﻛﻜﻪ ﭼﯩﺪﯨﻤﺎﻱ ﻗﺎﭼﻘﺎﻥ . ﺋﻪﺗﯩﺴﻰ ﺋﯚﺭﺩﻩﻙ ﺋﯩﺰﭼﯩﻠﯩﻖ ﻣﺎﮬﺎﺭﯨﺘﻰ ﺑﯩﻠﻪﻥ ﻳﻮﻟﯟﺍﺳﻨﯩﯔ ﺋﯩﺰﯨﻨﻰ ﺋﯩﺰﻻﭖ  ﻣﯧﯖﯩﭗ ، ﺑﯜﻙ ﺗﻮﻏﺮﺍﻗﻠﯩﻖ ﺋﯩﭽﯩﺪﻩ ﺋﯘﻧﯩﯔ ﺋﯚﻟﯩﻜﯩﻨﻰ ﺗﺎﭘﻘﺎﻥ .
              ﻗﻮﻟﻰ ﮔﯜﻝ ، ﺋﺎﻟﺘﯘﻧﺪﻩﻙ ﺳﺎﭖ ﻛﯚﯕﯜﻝ ، ﻛﯚﻳﯜﻣﻠﯜﻙ ، ﮬﻪﻣﯩﻤﯩﻲ ، ﻣﯧﮭﺮﯨﺒﺎﻥ ﺋﯚﺭﺩﻩﻛﻨﯩﯔ ﻛﯚﭖ ﻳﺎﺧﺸﯩﻠﯩﻘﯩﻨﻰ ، ﻳﯘﺭﺗﺪﺍﺷﻠﯩﺮﻯ ﺋﯘﻧﯩﯔ ﺋﯩﺴﻤﯩﻐﺎ ﺳﯜﭘﻪﺕ ﺋﻮﺭﻧﯩﺪﺍ "ﺋﺎﻟﺘﯘﻥ" ﺩﻩﭖ ﺋﺎﺗﺎﺷﻘﺎﻥ .
              ﺋﯚﺭﺩﻩﻛﻨﯩﯔ ﮬﻪﺭ ﺟﻪﮬﻪﺗﺘﯩﻦ ﻳﯧﺘﯩﻠﮕﻪﻥ ، ﺋﯘﺳﺘﯩﺨﯩﻨﻰ ﻗﺎﺗﻘﺎﻥ ، ﻗﯩﺮﺍﻧﻠﯩﻘﺘﺎ ﯞﺍﻳﯩﻐﺎ ﻳﻪﺗﻜﻪﻥ 38 ﻳﯧﺸﯩﺪﺍ  ﻳﯩﺮﺍﻕ ﺷﯩﯟﯨﺘﺴﯩﻴﯩﺪﯨﻦ ﺗﺎﺭﯨﻤﻠﯩﻘﻼﺭﻧﯩﯔ ﻗﻪﺩﯨﻤﻜﻰ ﺋﻪﺟﺪﺍﺩﻟﯩﺮﯨﻨﯩﯔ ﺋﯩﺰﯨﻨﻰ ﺋﯩﺰﺩﻩﭖ ﻛﻪﻟﮕﻪﻥ ﺳﯧﯟﯨﻦ ﮬﯧﺪﯨﻦ ﺋﯘﻧﯩﯔ ﺗﻪﺭﯨﭙﯩﻨﻰ ﺋﺎﯕﻼﭖ ، ﺋﯘﻧﻰ ﺋﯚﺯﯨﮕﻪ ﻳﻮﻟﺒﺎﺷﭽﯩﻠﯩﻘﻘﺎ  ﺗﺎﻟﻠﯩﯟﺍﻟﺪﻯ . ﺳﻪﭘﻪﺭ ، ﻗﯩﺪﯨﺮﯨﭗ ﺗﻪﻛﺸﯜﺭﯛﺵ  ﺟﻪﺭﻳﺎﻧﯩﺪﺍ ﺋﯘﻧﯩﯔ ﺟﺎﭘﺎﻧﻰ ﻣﻪﯕﺴﯩﺘﻤﻪﻳﺪﯨﻐﺎﻥ ، ﭼﯩﺪﺍﻣﻠﯩﻖ ، ﻗﻮﺭﻗﯘﻣﺴﯩﺰ ، ﺋﺎﻕ ﻛﯚﯕﯜﻝ ، ﺳﻪﻣﯩﻤﯩﻠﯩﻜﯩﻨﻰ ﻛﯚﺭﯛﭖ ، ﺋﯘﻧﻰ ﺋﯚﺯﯨﮕﻪ ﺋﯩﺸﻪﻧﭽﻠﯩﻚ ﻳﻮﻟﺒﺎﺷﭽﻰ ، ﺩﻭﺳﺘﻰ ﮬﻪﻡ ﻳﯧﻘﯩﻦ ﻣﻪﺳﻠﯩﮭﻪﺗﭽﯩﺴﻰ ﻗﯩﻠﯩﯟﺍﻟﺪﻯ .ﺳﯩﯟﯦﻦ  ﮬﯧﺪﯨﻨﻨﯩﯔ 2- ﻗﯩﺘﯩﻤﻠﯩﻖ ﻗﯩﺪﯨﺮﯨﭗ ﺗﻪﻛﺸﯜﺭﯛﺷﯩﮕﻪ ﺋﯚﺭﺩﻩﻙ ﺑﯩﻠﻪﻥ ﺑﯩﻠﻠﻪ ﻗﺎﺗﻨﺎﺷﻘﺎﻥ ، ﻗﯘﺭﺑﺎﻧﻜﯚﻝ ﻛﻪﻧﺘﻠﯩﻚ 101 ﻳﺎﺷﻠﯩﻖ ﻗﯘﺭﺑﺎﻥ ﺗﻪﻟﻪﻱ 1998-ﻳﯩﻠﻰ 10 - ﺋﺎﻳﻨﯩﯔ 1- ﻛﯜﻧﻰ ﻛﯚﻧﭽﻰ ﺩﻩﺭﻳﺎﺳﻰ ﺑﻮﻳﯩﺪﯨﻜﻰ ﻗﯘﻡ ﺑﺎﺭﺧﺎﻧﻠﯩﺮﻯ ﺋﺎﺭﯨﻠﯩﻘﻠﯩﺮﯨﺪﯨﻜﻰ ﺗﻮﻏﺮﺍﻗﻠﯩﻖ ﺋﯩﭽﯩﮕﻪ ﻳﺎﺳﯩﯟﺍﻟﻐﺎﻥ ﭘﺎﺳﺘﯩﻠﯩﻘﯩﺪﺍ ، ﺋﯚﺭﺩﻩﻙ ﯞﻩ ﺋﯚﺯﯨﮕﻪ ﻣﯘﻧﺎﺳﯩﯟﻩﺗﻠﯩﻚ ﺑﻪﺯﻯ ﻣﯘﮬﯩﻢ ﺋﯩﺸﻼﺭﻧﻰ ﺳﯚﺯﻟﻪﭖ ﺑﻪﺭﺩﻯ . ﺋﻮﺭﺩﻩﻙ ﺋﺎﯞﺭﯦﻞ ﺳﺘﻪﻳﯩﻨﮕﯩﻤﯘ ﻳﻮﻝ ﺑﺎﺷﻼﭖ ﻛﺮﻭﺭﺍﻥ ، ﭼﻪﺭﭼﻪﻧﮕﯩﻤﯘ ﺑﺎﺭﻏﺎﻧﯩﻜﻪﻥ . ﺋﯚﺭﺩﻩﻙ ﻗﯘﺭﺑﺎﻥ ﺗﻪﻟﻪﻳﮕﻪ 1900- ﻳﯩﻠﻰ ﻛﺮﻭﺭﺍﻧﻨﯩﯔ ﺗﯧﭙﯩﻠﯩﺸﯩﻨﯩﯔ ﺋﺎﻟﺪﻯ - ﻛﻪﻳﻨﯩﺪﯨﻜﻰ ﺑﻪﺯﻯ ﺋﯩﺸﻼﺭﻧﻰ ﺳﯚﺯﻟﻪﭖ ﺑﻪﺭﮔﻪﻥ .
         ﺗﻪﻛﺸﯜﺭﯛﺵ ﺋﻪﺗﺮﯨﺘﻰ ﺑﯩﺮ ﭼﯜﺷﻜﯜﻧﮕﻪ ﻛﯧﻠﯩﭗ ﻗﺎﺭﯨﺴﺎ ، ﺋﺎﻟﺪﯨﻨﻘﻰ ﭼﯜﺷﻜﯜﻧﺪﻩ ﻣﯘﮬﯩﻢ ﺑﯩﺮ ﻧﻪﺭﺳﯩﻨﻰ ﺋﯘﻧﺘﯘﭖ ﻗﺎﻟﻐﺎﻧﻠﯩﻘﯩﻨﻰ  ﺑﯩﻠﯩﭙﺘﯘ . ﻛﯧﻴﯩﻨﻜﻰ ﺳﻪﭘﻪﺭﻟﻪﺭﺩﻩ  ﺋﯘ ﻧﻪﺭﺳﻪ ﺑﻮﻟﻤﯩﺴﺎ ﺯﺍﺩﯨﻼ ﺑﻮﻟﻤﺎﻳﺪﯨﻜﻪﻥ ، ﺋﯘﻧﻰ ﭘﻪﻗﻪﺕ ﺋﯚﺭﺩﻩﻛﻨﯩﯖﻼ ﺗﯧﭙﯩﭗ ﻛﯧﻠﻪﻟﯩﺸﻰ ﻣﯜﻣﻜﯩﻦ ﺋﯩﻜﻪﻥ . ﺋﯚﺭﺩﻩﻙ ﺋﺨﺘﯩﻴﺎﺭﻟﯩﻘﻰ ﺑﯩﻠﻪﻥ ﮬﯧﻠﯩﻘﻰ ﻧﻪﺭﺳﯩﻨﻰ ﺗﯧﭙﯩﭗ ﻛﯧﻠﯩﺸﻜﻪ ، ﻛﻪﻟﮕﻪﻥ ﺋﯩﺰﻯ ﺑﯩﻠﻪﻥ ﻛﻪﻳﻨﯩﮕﻪ ﻳﯧﻨﯩﭙﺘﯘ . ﻛﻪﭼﻜﻪ ﻳﯧﻘﯩﻦ ﻗﺎﺗﺘﯩﻖ ﺷﺎﻣﺎﻝ ﭼﯩﻘﯩﭗ ، ﻗﯘﻣﻼﺭﻧﻰ ﺋﯧﻘﯩﺘﯩﭗ - ﺋﯘﭼﯘﺭﯗﭖ ، ﻛﯚﺯﻧﻰ ﺋﯧﭽﯩﺸﻘﺎ ﻣﯜﻣﻜﯩﻦ ﺑﻮﻟﻤﺎﭘﺘﯘ . ﺋﯚﺭﺩﻩﻙ ﺋﯚﺯ ﺗﯘﻳﻐﯘﺳﯩﻐﺎ ، ﺗﻪﺟﺮﯨﺒﯩﺴﯩﮕﻪ ﺗﺎﻳﯩﻨﯩﭗ ، ﺷﺎﻣﺎﻟﻐﺎ ﻳﯧﻨﯩﻨﻰ ﻗﯩﻠﯩﭗ ﻣﯧﯖﯩﯟﯦﺮﯨﭙﺘﯘ . ﻗﯘﻣﻠﯘﻕ ﺷﺎﻣﯩﻠﻰ ﺋﯚﺭﺩﻩﻙ ﺑﯩﻠﻪﻥ ﻗﯧﻴﯩﺸﻘﺎﻧﺪﻩﻙ  ﺑﻮﺭﺍﻧﻐﺎ ﺋﺎﻳﻠﯩﻨﯩﭙﺘﯘ . ﺋﯚﺭﺩﻩﻙ ﻣﯧﯖﯩﯟﯦﺮﯨﭗ ﺑﯩﺮ ﻳﺎﺩﺍﯕﻠﯩﻘﻘﺎ ﻛﯧﻠﯩﭗ ﻗﺎﭘﺘﯘ . ﺋﯘ ، ﻳﺎﺩﺍﯕﻠﯩﻘﺘﺎ ﺑﻮﺭﺍﻧﺪﯨﻦ ﺩﺍﻟﺪﯨﻠﯩﻨﯩﭗ  ﺑﯩﺮ ﻛﯧﭽﯩﻨﻰ ﺋﯚﺗﻜﯜﺯﯛﭘﺘﯘ . ﺗﺎﯕﻐﺎ ﻳﯧﻘﯩﻦ ﺑﻮﺭﺍﻧﻤﯘ ﺷﯩﭙﭙﯩﺪﻩ ﺗﻮﺧﺘﺎﭘﺘﯘ . ﺋﯚﺭﺩﻩﻙ ﺋﻪﺗﺮﺍﭘﯩﻐﺎ ﻗﺎﺭﺍﭖ ﺋﯩﻠﮕﯩﺮﻯ ﺑﻮﯞﯨﺴﻰ ﺗﻪﺭﯨﭙﯩﻨﻰ ﻗﯩﻠﯩﭗ ﺑﻪﺭﮔﻪﻥ ﺧﺎﺭﺍﺑﯩﻴﻠﯩﻘﻘﺎ ﺋﻮﺧﺸﺎﻳﺪﯨﻐﺎﻥ ﻛﯚﺭﯛﻧﯜﺷﻠﻪﺭﻧﻰ  ﻛﯚﺭﯛﭘﺘﯘ . ﺳﯩﯟﯦﻦ ﮬﯧﺪﯨﻦ ﺋﯩﺰﺩﯨﮕﻪﻥ ﻗﻪﺩﯨﻤﻘﻰ ﺷﻪﮬﻪﺭ ﺷﯘﻣﯩﻜﯩﻦ ﺩﯦﮕﻪﻥ ﺋﻮﻳﻐﺎ ﻛﯧﻠﯩﭗ ، ﺧﺎﺭﺍﺑﯩﻠﯩﻘﻘﺎ ﺑﺎﺷﻘﯩﺪﯨﻦ ﺩﯨﻘﻘﻪﺕ ﺑﯩﻠﻪﻥ ﻗﺎﺭﺍﭖ ، ﻣﯘﮬﯩﻢ ﺑﻪﻟﮕﯩﻠﻪﺭﻧﻰ ﺋﯧﺴﯩﮕﻪ ﺋﯧﻠﯩﯟﺍﭘﺘﯘ . ﺋﺎﻧﺪﯨﻦ ﺋﯘﻧﺘﯘﭖ ﻗﺎﻟﻐﺎﻥ ﻧﻪﺭﺳﯩﻨﻰ  ﺑﺎﺷﻘﺎ ﺑﯩﺮ ﻳﻪﺭﺩﯨﻦ ﺗﯧﭙﯩﭗ ﻛﻪﻳﻨﯩﮕﻪ ﻳﯧﻨﯩﭙﺘﯘ . ﭼﯜﺷﻜﯜﻧﮕﻪ ﻛﻪﻟﮕﯩﭽﻪ ﺋﯘﭼﺮﯨﻐﺎﻥ ﮬﻪﺭ ﺑﯩﺮ ﻗﯘﻡ ﺩﯙﯞﯨﺴﻰ ، ﻳﯘﻟﻐﯘﻥ ، ﺗﻮﻏﺮﺍﻕ ﮬﻪﺗﺘﺎ ﭼﻮﻗﭽﯩﻴﯩﭗ ﭼﯩﻘﯩﭗ ﻗﺎﻟﻐﺎﻥ ﺑﯩﺮﻩﺭ ﻧﻪﺭﺳﻪ ﺑﻮﻟﺴﯩﻤﯘ  ﺑﻪﻟﮕﻪ ﻗﯩﻠﯩﭗ ﻛﯚﯕﻠﯩﮕﻪ ﭘﯜﻛﯜﭖ ﻣﯧﯖﯩﭙﺘﯘ . ﭼﯜﺷﻜﯜﻧﮕﻪ ﻛﯧﻠﯩﭗ  ﻛﯚﺭﮔﻪﻧﻠﯩﺮﯨﻨﻰ ﺳﯚﺯﻟﻪﭖ ﺑﻪﺭﮔﻪﻧﯩﻜﻪﻥ ، ﺳﯩﯟﯦﻦ  ﮬﯧﺪﯨﻦ ﺋﻮﻟﺘﯘﺭﻏﺎﻥ ﻳﯧﺮﯨﺪﯨﻦ ﭼﺎﭼﺮﺍﭖ ﺗﯘﺭﯗﭖ ﻛﯧﺘﯩﭙﺘﯘ . (ﺳﯩﯟﯦﻦ ﮬﯧﺪﯨﻦ ﺋﯩﻠﮕﯩﺮﯨﻤﯘ ﺋﯘﻳﻐﯘﺭﭼﯩﻨﻰ ﻳﺎﻣﯩﺪﺍﭖ ﺳﯚﺯﻟﻪﻳﺪﯨﻜﻪﻧﺘﯘﻕ ، ﺳﻪﭘﻪﺭ ﺟﻪﺭﻳﺎﻧﯩﺪﺍ ﺧﯧﻠﻰ ﺋﻮﺑﺪﺍﻥ ﺳﯚﺯﻟﻪﻳﺪﯨﻐﺎﻥ ﺑﻮﭖ ﻗﺎﻟﻐﺎﻧﯩﻜﻪﻥ )  .
               -------- ﺷﯘ ﻳﻪﺭﮔﻪ ﺑﺎﺭﺍﻳﻠﻰ ، ﻗﯧﻨﻰ ﺋﯚﺭﺩﻩﻙ ، ﺑﺎﺷﻼ ، ----- ﺩﻩﭘﺘﯘ - ﺩﻩ ، ﺑﺎﺷﻘﯩﻼﺭﻧﯩﯔ ﻗﻮﺯﻏﯩﻠﯩﺸﯩﻨﻰ ﻛﯜﺗﻤﻪﻳﻼ ﺋﯚﺭﺩﻩﻙ ﻛﻪﻟﮕﻪﻥ ﺗﻪﺭﻩﭘﻜﻪ ﻗﺎﺭﺍﭖ ﻛﯧﺘﯩﯟﯦﺮﯨﭙﺘﯘ.... ﺧﺎﺭﺍﺑﯩﻠﯩﻘﻘﺎ ﻳﯧﻘﯩﻦ ﻗﺎﻟﻐﺎﻧﺪﺍ ﺳﯩﯟﯦﻦ ﮬﯧﺪﯨﻦ ﺑﺎﺷﻘﯩﻼﺭﻧﻰ ﻗﺎﻟﺪﯗﺭﯗﭖ ﻗﻮﻳﯘﭖ ﺋﯚﺯﻯ ﻳﺎﻟﻐﯘﺯ ﺑﯧﺮﯨﭙﺘﯘ . ﻳﯧﺮﯨﻢ ﻛﯜﻧﺪﻩﻙ ﺋﻪﺗﺮﺍﭘﯩﻨﻰ ﺗﻪﻛﺸﯜﺭﯛﭘﺘﯘ . ﺑﻪﺯﻯ ﻳﻪﺭﻧﻰ ﻛﻮﻻﭖ ﻛﯚﺭﯛﭘﺘﯘ، ﺋﯘﻧﻰ - ﺑﯘﻧﻰ  ﻳﯩﻐﯩﭙﺘﯘ . ﺋﺎﻧﺪﯨﻦ ﺑﺎﺷﻘﯩﻼﺭﻧﻰ  ﺑﺎﺷﻼﭖ ﺑﯧﺮﯨﭗ ﻛﻮﻟﯩﺘﯩﭙﺘﯘ . ﻗﺎﺯﺩﯗﺭﯗﭘﺘﯘ ، ﻛﯚﭖ ﻧﻪﺭﺳﯩﻨﻰ ﺳﯩﺰﯨﯟﺍﭘﺘﯘ . ﺳﯩﯟﯦﻦ ﮬﯧﺪﯨﻨﻨﯩﯔ ﺋﯘ ﻳﻪﺭﺩﯨﻦ ﺗﺎﭘﻘﺎﻥ  - ﻳﯩﻐﻘﺎﻥ ﻧﻪﺭﺳﯩﻠﯩﺮﻯ ﺋﺎﺯ ﺋﻪﻣﻪﺳﻜﻪﻥ ، ﻳﯩﻐﻘﺎﻥ ﻧﻪﺭﺳﯩﻠﯩﺮﯨﻨﻰ ﺳﺎﻧﺪﯗﻗﻼﺭﻏﺎ ﺋﺎﯞﺍﻳﻼﭖ ﻗﺎﭼﯩﻠﯩﺘﯩﭙﺘﯘ .......
           ﺑﯩﺮ ﺗﯘﺭﻧﯩﯔ ﻳﯧﻨﯩﺪﯨﻜﻰ ﻳﺎﺩﺍﯕﻠﯩﻘﺘﺎ ﻛﯧﺴﻪﻛﺘﻪ ﻗﻮﭘﯘﺭﯗﻟﻐﺎﻥ ﺋﻪﮔﻤﯩﻠﯩﻚ ﺑﯩﺮ ﻳﻪﺭ ﻛﯚﺭﯛﻧﯜﭘﺘﯘ ، ﻛﻮﻻﭘﺘﯩﻜﻪﻥ ، ﺋﯚﻳﻨﯩﯔ ﺋﯩﺸﯩﻜﻰ ﺋﯩﻜﻪﻥ . ﻗﻮﺭﻗﯘﭖ ﮬﯧﭽﻜﯩﻢ ﺋﯩﭽﯩﮕﻪ ﻛﯩﺮﯨﺸﻜﻪ ﭘﯧﺘﯩﻨﺎﻟﻤﺎﭘﺘﯘ ، ﺳﯩﯟﯦﻦ ﮬﯧﺪﯨﻦ ﺑﯩﻠﻪﻥ ﺋﻮﺭﺩﻩﻙ ﻛﯩﺮﯨﭙﺘﯘ . ﺋﯚﻳﻨﯩﯔ ﺋﯩﭽﻰ ﺋﺎﻧﭽﻪ ﭼﻮﯓ ﺋﻪﻣﻪﺳﻜﻪﻥ ، ﺋﯚﺭﯨﺴﯩﮕﻪ ﺗﯩﻜﻠﻪﭖ ﻗﻮﻳﻐﺎﻥ ، ﺋﺎﺩﻩﻣﻨﯩﯔ ﻗﯘﭼﯩﻘﯩﻐﺎ ﺑﯩﺮ ﻛﻪﻟﮕﯜﺩﻩﻙ ﺑﯩﺮ ﻏﯘﻻﭺ ﺋﯩﮕﯩﺰﻟﯩﻜﺘﯩﻜﻰ ﺋﯩﭽﯩﻨﻰ ﺋﯘﻳﯘﭖ ﻳﺎﺳﯩﻐﺎﻥ ﺳﺎﻧﺪﯨﻘﺘﻪﻙ ﺑﯩﺮ ﻧﻪﺭﺳﻪ ﺑﺎﺭ ﺋﯩﻜﻪﻥ . ﺑﺎﺷﻘﯩﻼﺭﻧﯩﻤﯘ ﭼﺎﻗﯩﺮﯨﭗ ﺋﯘﻧﻰ ﻛﯚﺗﯜﺭﯛﭖ ﺳﯩﺮﺗﻘﺎ  ﺋﯧﻠﯩﭗ ﭼﯩﻘﯩﭙﺘﯘ . ﺑﺎﺷﻘﯩﻼﺭﻧﻰ ﻳﯩﺮﺍﻕ ﻛﻪﺗﻜﯜﺯﯛﯞﯨﺘﯩﭗ ، ﺳﯩﯟﯦﻦ ﮬﯧﺪﯨﻨﻨﯩﯔ  ﺋﯚﺯﯨﻠﻰ ﺋﺎﻏﺰﯨﻨﻰ ﺋﯧﭽﯩﭙﺘﯘ ، ﺋﯘﻧﻰ - ﺑﯘﻧﻰ ﻗﯩﻠﯩﭙﺘﯘ ، ﻳﻪﻧﻪ ﺋﯘﻧﻰ ﺋﻪﺳﻠﯩﺪﯨﻜﯩﺪﻩﻙ ﺋﻪﺗﻜﯜﺯﯛﭖ ، ﭼﯩﯔ ﺑﺎﻏﻼﺗﻘﯘﺯﯗﭘﺘﯘ . ﺷﯘ ﻗﯧﺘﯩﻤﺪﺍ ﺧﺎﺭﺍﺑﯩﻐﺎ ﺑﺎﺷﻼﭖ ﺑﺎﺭﻏﺎﻧﻠﯩﻘﻰ ، ﺋﯚﻳﻨﯩﯔ ﺋﯩﭽﯩﮕﻪ ﻛﯩﺮﯨﭗ ﺳﺎﻧﺪﯗﻗﻨﻰ  ﺗﯧﭙﯩﺸﯩﭗ ﺑﻪﺭﮔﻪﻧﻠﯩﻜﻰ  ﺋﯜﭼﯜﻧﻼ ﺋﯚﺭﺩﻩﻛﻜﻪ ﺋﺎﻳﺮﯨﻢ ﺧﯧﻠﯩﻼ  ﺟﯩﻖ ﺋﯩﺶ ﮬﻪﻗﻘﻰ ﺑﻪﺭﮔﻪﻧﯩﻜﻪﻥ .،،،،،،،،،،،،........
               ﻧﯧﻤﯩﻼ ﺩﻩﻳﻠﻰ ، ﺳﯩﯟﯦﻰ ﮬﯧﺪﯨﻨﻐﺎ ﺗﺎﺭﯨﻢ، ﻛﯚﻧﭽﻰ ﺩﻩﺭﻳﺎﻟﯩﺮﯨﻨﯩﯔ ﺳﺎﮬﯩﻞ - ﭘﺎﺳﯩﻠﯩﺪﯨﻦ ﺋﯩﺒﺎﺭﻩﺕ ﭼﻪﻣﺒﯩﺮﻩﻛﺘﯩﻦ ﮬﺎﻟﻘﯩﭗ ﭼﯩﻘﯩﭗ ﻛﯧﺘﻪﻟﻤﯩﮕﻪﻥ ، ﻣﺎﮬﯩﺮ ﺋﯩﺰﭼﻰ ﺋﻮﺭﺩﻩﻛﻨﯩﯔ ﺋﯘﭼﺮﯨﺸﻰ ، ﻗﯩﺪﯨﺮﯨﭗ ﺗﻪﻛﺸﯜﺭﯛﺷﺘﻪ ﺋﯩﺸﻠﯩﺘﯩﺪﯨﻐﺎﻥ ﻣﯘﮬﯩﻢ ﺑﯩﺮ ﺳﺎﻳﻤﺎﻧﻨﯩﯔ ﺑﺎﺷﻘﺎ ﺑﯩﺮ ﻳﻪﺭﺩﻩ ﺋﯘﻧﺘﯘﻟﯘﭖ ﻗﯧﻠﯩﺸﻰ ، ﺋﯘﻧﻰ ﭘﻪﻗﻪﺕ ﺋﯩﺰﭼﻰ ﺋﯚﺭﺩﻩﻛﻨﯩﯖﻼ ﺋﯩﺰﺩﻩﭖ ﻣﯧﯖﯩﺸﻰ ، ﻗﯘﻡ - ﺑﻮﺭﺍﻧﻨﯩﯔ ﺋﯚﺭﺩﻩﻛﻨﻰ ﺋﯧﺰﯨﻘﺘﯘﺭﯗﭖ ﻛﺮﻭﺭﺍﻧﻐﺎ ﺋﺎﭘﯩﺮﯨﭗ ﻗﻮﻳﯘﭘﻼ ﺗﻮﺧﺘﺎﭖ ﻗﯧﻠﯩﺸﻰ ، ﺋﻪﻟﯟﻩﺗﺘﻪ ﺑﯩﺮ ﺗﺎﺳﺎﺩﯨﭙﯩﻴﻠﯩﻖ .  ﻟﯧﻜﯩﻦ ﻟﻮﭘﻨﯘﺭ ﻛﯚﻟﻰ ﯞﺍﺩﯨﺴﯩﺪﯨﻜﻰ ﺷﻪﮬﻪﺭ - ﻳﯘﺭﺗﻼﺭﻧﯩﯔ ﻧﺎﮬﺎﻳﯩﺘﻰ ﻗﯩﺴﻘﺎ ﯞﺍﻗﯩﺖ ﺋﯩﭽﯩﺪﻩ ﻏﺎﻳﯩﭗ ﺑﻮﻟﯘﭖ ﻛﯧﺘﯩﺸﻰ  ﺑﯩﺮ ﺳﯩﺮ ﺑﻮﻟﻐﺎﻧﺪﻩﻙ ، ﻛﺮﻭﺭﺍﻧﻨﯩﯔ ﺑﺎﻳﻘﯩﻠﯩﭗ ﺗﯧﭙﯩﻠﯩﭗ ﻗﯧﻠﯩﺸﯩﻤﯘ ﺳﯩﺮﻟﯩﻖ ﺗﯜﺱ ﺋﺎﻟﻐﺎﻥ . ﺑﯘﻧﻰ ﺳﯩﺮﻟﯩﻖ ﺗﻪﻛﻠﯩﻤﺎﻛﺎﻥ ﻗﯘﭼﯩﻘﯩﺪﺍ ﻳﯜﺯ ﺑﯧﺮﯨﯟﺍﺗﻘﺎﻥ ﺋﺎﺟﺎﻳﯩﭗ - ﻏﺎﺭﺍﻳﯩﭗ ، ﻏﻪﻟﯩﺘﻪ ﺳﯩﺮﻟﯩﻖ ﻣﯚﺟﯩﺰﯨﻠﻪﺭﻧﯩﯔ ﺑﯩﺮﻯ ﺩﯨﻴﯩﺸﻜﻪ ﺑﻮﻟﯩﺪﯗ . ﺑﯘ ﮔﯧﭙﯩﻤﯩﺰﻧﻰ ﺳﯩﯟﯦﻦ ﮬﯧﺪﯨﻨﻨﯩﯔ ﮔﯧﭙﻰ ﺑﯩﻠﻪﻥ ﺩﻩﻟﯩﻠﻠﯩﺴﻪﻙ ﻛﯘﭘﺎﻳﻪ ﺑﻮﻻﺭ :  " ﺋﯚﺭﺩﻩﻛﻨﯩﯔ ﻗﯘﺩﯗﻕ ﻛﻮﻻﻳﺪﯨﻐﺎﻥ ﺳﺎﻳﻤﺎﻧﻨﻰ ﺋﯧﻠﯩﭗ ﻣﯧﯖﯩﺸﻰ ، ﺑﯩﺰ ﺋﯜﭼﯜﻥ ﺑﻪﺧﺖ - ﺗﻪﻟﻪﻱ ﺋﯧﻠﯩﭗ ﻛﻪﻟﺪﻯ ، ﺋﯘ ﻗﯘﺩﯗﻕ ﻛﻮﻻﻳﺪﯨﻐﺎﻥ ﺳﺎﻳﻤﺎﻧﻨﻰ ﺋﯩﺰﺩﻩﭖ ﻣﺎﯕﻤﯩﻐﺎﻥ ﺑﻮﻟﺴﺎ ، ﺋﺎﺳﯩﻴﺎﻧﯩﯔ ﺋﯩﭽﻜﻰ  ﻗﯘﺭﯗﻗﻠﯘﻕ ﺗﺎﺭﯨﺨﯩﻨﻰ ﻳﻮﺭﯗﺗﻘﺎﻥ ﺑﯘ ﻣﯚﺟﯩﺰﯨﻨﯩﯔ ﺗﯧﭙﯩﻠﯩﺸﻰ ، ﺋﯧﮭﺘﯩﻤﺎﻝ ، ﺗﺎ ﮬﺎﺯﯨﺮﻏﯩﭽﻪ ﻣﯜﻣﻜﯩﻦ ﺑﻮﻟﻤﺎﺱ ﺋﯩﺪﻯ" . ( ﺋﺎ. ﺭﺍﺧﻤﺎﻥ <ﻳﯩﭙﻪﻙ ﻳﻮﻟﯩﺪﯨﻜﻰ ﺋﻪﭘﺴﯩﻨﻪ - ﺭﯨﯟﺍﻳﻪﺗﻠﻪﺭ > ﺩﻩ ﻛﻪﻟﺘﯜﺭﯛﻟﮕﻪﻥ ﻧﻪﻗﯩﻞ 235- ﺑﻪﺕ ) . 
        ﺷﯘﻧﺪﺍﻕ ، ﻣﻪﯞﺟﯘﺗﻠﯩﺮﯨﻤﯩﺰ ﺳﯩﺮﻟﯩﻖ ﻳﻮﻗﺎﭖ ﻳﺎﻛﻰ ﺳﯩﺮﻟﯩﻖ ﺋﯚﻟﯜﭖ  ﻛﯧﺘﯩﯟﺍﺗﻘﺎﻥ  ﻣﯘﺷﯘ ﻣﺎﻛﺎﻧﺪﺍ ﺋﯘﻧﺘﯘﻏﺎﻕ ، ﺳﻪﺯﮔﯜﻟﯩﺮﻯ ﺳﺎﺯﻟﯩﻘﯩﺪﯨﻦ ﻗﺎﻟﻐﺎﻥ ، ﻧﯧﻤﻪ ، ﻧﯧﻤﻪ ﺋﯜﭼﯜﻥ ؟ ﺩﻩﭖ ﺋﯚﺯﯨﮕﻪ ﯞﻩ ﺑﺎﺷﻘﯩﻼﺭﻏﺎ ﺳﯘﺋﺎﻝ ﻗﻮﻳﯘﺷﻤﯘ ﺧﯩﻴﺎﻟﯩﻐﺎ ﻛﯩﺮﻣﻪﺱ ﺑﻮﻟﯘﭖ ﻗﺎﻟﻐﺎﻥ ﺑﯩﺰﺩﻩﻙ ﻛﯩﺸﯩﻠﻪﺭ ﺋﺎﺭﯨﺴﯩﺪﯨﻦ ﺋﯚﺭﺩﻩﻙ ﺋﺎﻟﺘﯘﻧﻨﯩﯔ ﻗﺎﻧﺎﺕ ﻗﯧﻘﯩﭗ ﺟﻪﯞﻻﻥ ﻗﯩﻠﯩﭗ ﭼﯩﻘﯩﺸﻰ ﺑﯩﺰ ﺗﺎﺭﯨﻤﻠﯩﻘﻼﺭﻧﯩﯔ ﺗﻪﻟﯩﻴﯩﻤﯩﺰ ، ﺗﺎﺷﻠﯩﻨﯩﭗ ﻗﺎﻟﻐﺎﻥ "ﻳﯩﭙﻪﻙ ﻳﻮﻟﻰ" ﻧﯩﯔ ﻳﻮﻗﯩﻠﯩﭗ ﻛﻪﺗﻜﻪﻥ ﺗﺎﺭﯨﺨﯩﻲ ﺷﻪﮬﻪﺭ ﺧﺎﺭﺍﺑﯩﻠﯩﺮﯨﻨﯩﯔ ﺗﻪﻟﯩﻴﻰ .  ﺋﯘ ﮬﻪﺭﻗﺎﻧﺪﺍﻕ ﺋﯩﺰﻡ - ﭘﯩﺰﻡ ، ﭼﯩﻠﯩﻖ - ﭼﯩﻠﯩﻚ ، ﻟﯩﻖ - ﻟﯩﻜﻠﻪﺭ ﺑﯩﻠﻪﻥ ﮬﯧﭽﻘﺎﻧﺪﺍﻕ ﻣﯘﻧﺎﺳﯩﯟﯨﺘﻰ ﺑﻮﻟﻤﯩﻐﺎﻥ ﻣﯚﺟﯩﺰﯨﻜﺎﺭ ﻛﯩﺸﻰ . ﻟﯧﻜﯩﻦ ﺑﯩﺰ ﻳﻪﻧﯩﻼ  ﺭﻭﮬﯩﻴﻪﺕ ﺧﺎﻣﯘﺷﻠﯩﻖ ﻛﯧﺴﯩﻠﯩﺪﯨﻦ ﺧﺎﻻﺱ ﺑﻮﻟﯘﭖ ﻛﯧﺘﻪﻟﻤﻪﻱ ﻳﯘﺭﮔﻪﻥ
 ﻛﯜﻧﻠﯩﺮﯨﻤﯩﺰﺩﻩ ﻣﯘﻧﺪﺍﻕ ﺑﯩﺮ ﺋﯩﺶ ﺑﻮﻟﯘﭖ ﺋﯚﺗﺘﻰ .
                  ﺟﻮﯕﮕﻮ ﺋﯩﺠﺘﯩﻤﺎﺋﯩﻲ ﭘﻪﻧﻠﻪﺭ ﺋﺎﻛﺎﺩﯨﻤﯩﻴﯩﺴﻰ ، ﺟﻮﯕﮕﻮ ﭼﯧﮕﺮﺍ ﺭﺍﻳﻮﻥ ﺗﺎﺭﯨﺦ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ، ﺷﯩﻨﺠﺎﯓ ﻏﻪﺭﺑﯩﻲ ﺩﯨﻴﺎﺭ ﺋﯩﻠﻤﯩﻲ ﺗﻪﺗﻘﯩﻘﺎﺕ ﺟﻪﻣﯩﻴﯩﺘﻰ  ﺑﯩﻠﻪﻥ ﺷﯩﯟﯨﺘﺴﯩﻴﻪ ﺩﯙﻟﻪﺗﻠﯩﻚ ﻣﯩﻠﻠﯩﻲ ﻣﻮﺯﯨﻴﯩﺨﺎﻧﯩﺴﻰ ، ﺷﯩﯟﯨﺘﺴﯩﻴﻪ ﺳﯩﯟﯦﻦ ﮬﯧﺪﯨﻦ ﻓﻮﻧﺪﻯ ﺟﻪﻣﯩﻴﯩﺘﻰ ﺑﯩﺮﻟﯩﻜﺘﻪ 1992- ﻳﯩﻞ 10- ﺋﺎﻳﻨﯩﯔ 3- ﻛﯜﻧﯩﺪﯨﻦ 6- ﻛﯜﻧﯩﮕﯩﭽﻪ ﺋﯜﺭﯛﻣﭽﯩﺪﻩ "20 - ﺋﻪﺳﯩﺮﺩﯨﻜﻰ ﻏﻪﺭﺑﯩﻲ  ﺩﯨﻴﺎﺭﻧﻰ ﺗﻪﻛﺸﯜﺭﯛﺵ ﯞﻩ ﻣﯘﮬﺎﻛﯩﻤﻪ ﻗﯩﻠﯩﺶ"  ﺧﻪﻟﻘﺎﺭﺍﻟﯩﻖ ﺋﯩﻠﻤﯩﻲ ﻣﯘﮬﺎﻛﯩﻤﻪ ﻳﯩﻐﯩﻨﻰ ﺋﯧﭽﯩﻠﺪﻯ . ﻳﯩﻐﯩﻨﺪﯨﻦ ﻛﯧﻴﯩﻦ 33 ﻧﻪﭘﻪﺭ ﺟﻮﯕﮕﻮ ﯞﻩ ﭼﻪﺗﺌﻪﻝ ﺋﺎﻟﯩﻤﻠﯩﺮﻯ ﺋﻪﻳﻨﻰ ﻳﯩﻠﻰ ﺳﯩﯟﯦﻦ ﮬﯧﺪﯨﻦ ﺗﻪﻛﺸﯜﺭﯛﺵ ﻗﯩﻠﻐﺎﻥ ﭼﺎﻏﺪﯨﻜﻰ ﻳﻮﻟﻼﺭﻧﻰ ﺑﻮﻳﻼﭖ ﺧﻮﺗﻪﻧﮕﻪ ﺑﯧﺮﯨﭗ ، ﺋﯘ ﻳﻪﺭﺩﯨﻦ ﺗﻪﻛﻠﯩﻤﺎﻛﺎﻧﻨﻰ ﺗﻮﻏﺮﯨﺴﯩﻐﺎ ﻛﯧﺴﯩﭗ ﻛﻮﺭﻟﯩﻐﺎ ﻛﯧﻠﯩﺸﯩﺪﻩ ﺗﯩﻜﻪﻧﻠﯩﻜﻜﻪ ﻛﯧﻠﯩﭗ ﺑﯩﺮ ﺋﺎﺯ ﺋﺎﺭﺍﻡ ﺋﯧﻠﯩﭗ ﻗﻮﺯﻏﺎﻟﻐﺎﻥ ﺋﺎﭘﺘﻮﻣﻮﺑﯩﻞ ﺋﻪﺗﺮﯨﺘﻰ ، ﺑﺎﺭﻟﯩﻖ ﺧﺎﺩﯨﻤﻼﺭ ﻣﺎﺷﯩﻨﯩﻠﯩﺮﯨﺪﯨﻦ ﭼﯜﺷﯜﭖ ، ﻳﻮﻝ ﺑﻮﻳﯩﺪﯨﻜﻰ ﻛﻮﻧﺎ ﻗﻪﯞﺭﯨﺴﺘﺎﻧﻠﯩﻘﺘﺎ ﻣﻪﯕﮕﯜﻟﯜﻙ ﺋﯘﻳﻘﯩﺪﺍ ﻳﺎﺗﻘﺎﻥ ، ﻛﺮﻭﺭﺍﻥ ﺧﺎﺭﺍﺑﯩﻠﯩﻘﯩﻨﻰ ﺗﺎﭘﻘﺎﻥ ، ﺩﻭﻛﺘﻮﺭ
ﺳﯩﯟﯦﻦ ﮬﯧﺪﯨﻨﻨﯩﯔ ﺩﻭﺳﺘﻰ ، ﺋﯩﺸﻪﻧﭽﻠﯩﻚ ﻳﻮﻟﺒﺎﺷﭽﯩﺴﻰ ، ﺑﯩﺮ ﺋﺎﺩﺩﯨﻲ ﻟﻮﭘﻨﯘﺭﻟﯘﻕ  --- ﻣﻪﺭﮬﯘﻡ ﺋﯚﺭﺩﻩﻛﻨﯩﯔ ﻏﯧﺮﯨﺒﺎﻧﻪ ﻗﻪﯞﺭﯨﺴﻰ ﺋﺎﻟﺪﯨﺪﺍ ﺳﯜﻛﯜﺗﺘﻪ ﺗﯘﺭﯗﭖ ﺋﯘﻧﯩﯖﻐﺎ ﻣﺎﺗﻪﻡ ﺑﯩﻠﺪﯛﺭﺩﻯ . ﻗﻪﺑﺮﯨﺴﯩﮕﻪ ﻳﯘﻟﻐﯘﻥ ﺷﯧﺨﯩﻨﻰ ﻗﺎﺩﺍﭖ ، ﺗﻮﭘﺎ ﻳﯚﻟﻪﭖ ﻗﻮﻳﺪﻯ .  ﺷﯘ ﺋﯩﺶ ﺑﻮﻟﯘﭖ 4 ﻳﯩﻠﺪﯨﻦ ﻛﯧﻴﯩﻦ  --- 1996- ﻳﯩﻠﻰ ﻟﻮﭘﻨﯘﺭﻏﺎ ﺑﺎﺭﻏﯩﻨﯩﻤﺪﺍ ﻧﺎﮬﯩﻴﯩﺪﯨﻜﻰ ﺋﻮﺗﺘﯘﺭﺍ ﺩﻩﺭﯨﺠﯩﻠﯩﻚ ﻣﻪﻧﺴﻪﭘﺘﯩﻜﻰ ﺑﯩﺮ ﺑﯘﺭﺍﺩﻩﺭﺩﯨﻦ ﮔﻪﭖ ﺋﺎﺭﯨﺴﯩﺪﺍ  ﺋﻪﺗﻪﻱ ﺋﯩﻜﻜﻰ ﺑﯩﺴﻠﯩﻖ ﻗﯩﻠﯩﭗ :
                       ----- ﺋﯚﺭﺩﻩﻛﻨﻰ ﺑﯩﻠﻪﻣﺴﯩﺰ ؟ ----- ﺩﻩﭖ ﺳﻮﺭﯨﺪﯨﻢ . ﺋﯘ ﺳﯘﺋﺎﻟﻨﯩﯔ ﻧﯧﺮﻯ - ﺑﯧﺮﯨﺴﯩﻨﻰ ﺋﻮﻳﻼﭘﻤﯘ ﻗﻮﻳﻤﺎﻱ:
           ------- ﺋﯚﺭﺩﻩﻙ ﺑﯘ ﻳﻪﺭﺩﻩ ﺟﯩﻖ ﻧﻪﺭﺳﻪ ﺋﯘ ، ﺋﯘﻧﯘ ﻛﯩﭽﯩﻚ ﺑﺎﻟﯩﻤﯘ ﺑﯩﻠﯩﺪﯗ ، ﺳﻪﻝ ﻻﻱ ﺗﯧﺘﯩﺴﯩﻤﯘ ﮔﯚﺵ - ﺗﻪ ﺋﯘ ، ----- ﺩﻩﭖ ﺳﯚﺯﻟﻪﭘﻼ ﻛﻪﺗﺘﻰ .
       ﺳﻪﺯﮔﯜﻟﯩﺮﻯ ﺗﯧﺨﯩﭽﻪ ﻗﻮﺭﺳﯩﻖ ﻏﯧﻤﯩﺪﯨﻦ ﺋﻮﻳﻐﺎﻧﻤﯩﻐﺎﻥ (ﻗﻮﺭﺳﺎﻗﻨﯩﯔ ﻏﯧﻤﯩﺪﯨﻦ ﺋﺎﻟﻠﯩﻘﺎﭼﺎﻥ ﻗﯘﺗﯘﻟﻐﺎﻥ ﺗﯘﺭﯗﭘﻤﯘ )  ﺋﯘ ﺑﺎﻳﻘﯘﺵ ﺳﯘﺋﺎﻟﯩﻤﻐﺎ ﻳﻪﻳﺪﯨﻐﺎﻥ ﻧﻪﺭﺳﯩﻨﯩﻼ ﺋﻮﻳﻼﭖ ﺟﺎﯞﺍﭖ ﺑﻪﺭﺩﯨﻜﻰ ، ﺋﯚﺯ ﻳﯘﺭﺗﯩﺪﯨﻦ ﭼﯩﻘﻘﺎﻥ ﻣﯚﺟﯩﺰﯨﻜﺎﺭ ﭘﻪﺭﯨﺸﺘﻪ ﺋﺎﺩﻩﻡ ﺋﯚﺭﺩﻩﻙ ﺋﯘﻧﯩﯔ ﺧﯩﻴﺎﻟﯩﻐﺎ ﻛﯩﺮﯨﭙﻤﯘ ﻗﻮﻳﻤﯩﺪﻯ . ﺷﯘ ﻗﯧﺘﯩﻤﺪﺍ ﺋﻮﺗﺘﯘﺭﺍ ﻣﻪﻛﺘﻪﭘﻨﯩﯔ ﺑﯩﺮ ﺋﻮﻗﯘﻏﯘﭼﯩﺴﯩﺪﯨﻦ ﺋﯧﻨﯩﯔ ﻗﯩﻠﯩﭗ :
       ------ ﻟﻮﭘﻨﯘﺭﺩﯨﻦ ﭼﯩﻘﻘﺎﻥ ﺋﯚﺭﺩﻩﻛﻨﯩﯔ ﻗﺎﻧﺪﺍﻕ ﺋﺎﺩﻩﻡ ﺋﯩﻜﻪﻧﻠﯩﻜﯩﻨﻰ ﺑﯩﻠﻪﻣﺴﯩﺰ ؟ ---- ﺩﻩﭖ ﺳﻮﺭﺍﭖ ﺑﺎﻗﺘﯩﻢ . ﺋﻮﻗﯘﻏﯘﭼﻰ ﭘﻪﺭﯞﺍﺳﯩﺰﻻ
             ----- ﺑﯩﻠﻤﻪﻳﺪﯨﻜﻪﻧﻤﻪﻥ، ----- ﺩﻩﭖ  ﺑﯧﺸﯩﻨﻰ ﻟﯩﯖﺸﯩﺘﯩﭗ ﻗﻮﻳﯘﭖ ﻛﯧﺘﯩﭗ ﻗﺎﻟﺪﻯ .
  ﺋﯚﺭﺩﻩﻛﻨﯩﯔ ﻛﯩﻤﻠﯩﻜﯩﻨﻰ ﺋﯩﻠﮕﯩﺮﯨﻠﻪﺭ ﺑﯩﻠﻤﯩﮕﻪﻥ ﮬﺎﻟﻪﺗﺘﯩﻤﯘ ، ﮬﺎﺯﯨﺮﻗﯩﻼﺭ ﺑﯩﻠﯩﺸﻰ ﻛﯧﺮﻩﻙ ﺋﯩﺪﻯ ، ﭼﯜﻧﻜﻰ ﺋﯘﻧﯩﯔ ﻛﯩﻤﻠﯩﻜﯩﻨﻰ ﺑﯩﺰ ﺳﯩﯟﯦﻰ ﮬﯧﺪﯨﻨﻨﯩﯔ ﺷﯘ ﺗﻮﻏﯘﺭﻟﯘﻕ ﻳﺎﺯﻏﺎﻥ ﺧﺎﺗﯩﺮﯨﺴﻰ ﺋﯧﻼﻥ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ ﺑﯩﻠﺪﯗﻕ . ﺑﯩﻠﮕﻪﻥ ﺋﯩﻜﻪﻧﻤﯩﺰ ، ﺋﯘﻧﻰ ﺋﻪﯞﻻﺗﻠﯩﺮﯨﻤﯩﺰﻏﯩﻤﯘ ﺑﯩﻠﺪﯛﺭﯛﺷﯩﻤﯩﺰ ، ﺷﯘ ﺋﺎﺭﻗﯩﻠﯩﻖ ﺋﯘﻻﺭﺩﺍ ﻣﯚﺟﯩﺰﯨﻜﺎﺭ ﺋﻪﺟﺪﺍﺩﻻﺭﻧﻰ ﻳﺎﺩ ﺋﯧﺘﯩﭗ ﺗﯘﺭﯗﺵ ﺗﯘﻳﻐﯘﺳﯩﻨﻰ  ، ﻳﯘﺭﺕ ﻣﯘﮬﻪﺑﺒﯩﺘﻰ ، ﻳﯘﺭﺕ ﻏﯘﺭﯗﺭﻯ ﺗﯘﻳﻐﯘﺳﯩﻨﻰ ﺗﯘﺭﻏﯘﺯﯗﺷﯩﻤﯩﺰ ﻻﺯﯨﻢ  ﺋﯩﺪﻯ .
             ﺑﯘﺭﯗﻧﻤﯘ ﺋﻪﻣﻪﺱ ، ﺋﯩﮕﯩﻠﯩﻜﯩﻤﯩﺰ ﺑﺎﺯﺍﺭﻟﯩﺸﯩﺸﯩﻐﺎ ﻳﯜﺯﻟﻪﻧﮕﻪﻥ ، ﺳﺎﻳﺎﮬﻪﺗﭽﯩﻠﯩﻚ  ﭘﯘﻝ ﺗﯧﭙﯩﺸﻨﯩﯔ ﻛﯚﯕﯜﻟﻠﯜﻙ ﯞﺍﺳﺘﯩﺴﯩﻐﺎ ﺋﺎﻳﻠﯩﻨﯩﯟﺍﺗﻘﺎﻥ ﭼﺎﻏﺪﺍ ، ﺋﯚﺭﺩﻩﻛﻨﻰ ﯞﺍﺳﺘﻪ ﻗﯩﻠﯩﭗ ﭘﯘﻝ ﺗﯧﭙﯩﺸﻨﯩﯔ ﻳﯧﯖﻰ ﻳﻮﻟﯩﻨﻰ ﺋﺎﭼﻤﺎﻗﭽﻰ ﺑﻮﻟﺪﯗﻕ - ﺩﻩ ، ﺋﯘﻧﯩﯔ ﻗﻪﺑﺮﯨﺴﯩﻨﻰ ﻛﻮﻻﭖ ، ﺋﯘﺳﺘﯩﺨﺎﻧﻠﯩﺮﯨﻨﻰ ﺗﯩﺮﯨﺸﺘﯘﺭﯗﭖ ، ﻳﯩﻐﯩﭗ ، ﻟﻮﭘﻨﯘﺭ ﺑﺎﺯﺍﺭ ﺋﯩﭽﯩﺪﯨﻦ ﺋﺎﻧﭽﻪ ﻳﯩﺮﺍﻕ ﺑﻮﻟﻤﯩﻐﺎﻥ ﻳﺎﻣﺎﻥ ﺧﯩﯟﺍﺩﯨﻜﻰ ﭘﺎﻛﺎﺭ ﻗﯘﻡ ﺩﯙﯞﯨﻠﯩﺮﻯ ﺋﺎﺭﯨﺴﯩﻐﺎ  ﮬﻪﺷﻪﻣﻪﺗﺴﯩﺰ ، ﺋﯚﺯﯨﮕﻪ ﺋﻮﺧﺸﺎﺵ ﺋﺎﺩﺩﻯ ، ﻛﯩﭽﯩﻚ ﮔﯜﻣﺒﻪﺯﺩﯨﻦ ﺑﯩﺮﻧﻰ ﻳﺎﺳﯩﺪﯗﻕ  -ﺗﻪ ، ﺋﯩﭽﯩﮕﻪ ﺩﻩﭘﻨﻰ  ﻗﯩﻠﺪﯗﻕ . ﮔﯜﻣﺒﻪﺯ ﺋﺎﻟﺪﯨﻐﺎ ﺋﺎﺑﯩﺪﻩ ﺗﯩﻜﻠﻪﭖ ، ﺋﯘﻧﯩﯔ ﺗﻪﺭﺟﯩﻤﯩﮭﺎﻟﯩﻨﻰ ، ﺗﯚﮬﭙﯩﺴﯩﻨﻰ ﻳﯧﺰﯨﭗ ، ﺋﻪﺗﺮﺍﭘﻨﻰ ﻗﻮﺷﺎﻣﺪﺍﭖ ، ﺋﯘ ﻳﻪﺭﻧﻰ ﻛﯩﭽﯩﻚ ﺩﺍﺋﯩﺮﯨﻠﯩﻚ ﺳﺎﻳﺎﮬﻪﺕ ﻧﯘﻗﺘﯩﺴﯩﻐﺎ ﺋﺎﻳﻼﻧﺪﯗﺭﺩﯗﻕ . ﺑﯘﻧﯩﯔ ﻧﻪﺗﯩﺠﯩﺴﻰ ﺧﻪﻳﺮﻟﯩﻚ ﺑﻮﻟﯘﯞﺍﺗﯩﺪﯗ ؛ ﺯﯨﻴﺎﺭﻩﺗﻜﻪ ، ﺳﺎﻳﺎﮬﻪﺗﻜﻪ ﻛﯧﻠﯩﺪﯨﻐﺎﻧﻼﺭ ﻛﯚﭘﻪﻳﮕﻪﻧﺴﯧﺮﻯ ﺋﯚﺭﺩﻩﻛﻨﻰ ﺷﯘﻧﭽﻪ ﻛﯚﭘﻪﻳﺪﻯ ، ﻳﻪﻧﻪ ﻳﯩﻠﺴﯧﺮﻯ ﺋﯜﺯﻟﯜﻛﺴﯩﺰ ﻛﯚﭘﯩﻴﯩﯟﺍﺗﯩﺪﯗ .

  ﻣﻪﻧﺒﻪ:  "ﻛﺮﻭﺭﺍﻥ" 2002-ﻳﯩﻞ 4- ﺳﺎﻧﯩﺪﯨﻦ ﺋﯧﻠﯩﻨﺪﻯ .