شىنخۇا تورى ، موسكۋا ، 24-نويابىر تېلېگراممىسى: ئادەملىك ئۇچار كېمە « ئىتتىپاقداش ＴＭＡ－１５Ｍ» نى ئېلىپ ماڭغان «ئىتتىپاقداش -ＦＧ» ناملىق توشۇغۇچى راكېتا 24-نويابىر سەھەر قازاقىستاننىڭ بەكنۇر راكېتا قويۇش بېرىش بازىسىدا خەلقئارا ئالەم بوشلۇقىغا قويۇپ بېرىلدى .

رۇسىيە فېدېراتىپ ئالەم بوشلۇقى مەھكىمىسىنىڭ خەۋىرىگە قارىغاندا ، «ئىتتىپاقداش» راكېتاسى موسكۋا ۋاقتى 24-نويابىر سائەت 1:01 دە (بېيجىڭ ۋاقتى سائەت 5:10 دا) ھاۋاغا قويۇپ بېرىلگەن . ئۇچار كېمە پىلان بويىچە ئالتە سائەت ئۇچقاندىن كېيىن ، تېز سۈرئەتتە خەلقئارا ئالەم پونكىتىنىڭ «نۇر» ناملىق نىشانلىق بۆلمىسى بىلەن ئاپتوماتىك تۇتاشقان.

«ئىتتىپاقداش ＴＭＡ－１５Ｍ» ناملىق ئۇچار كېمە ئارقىلىق خەلقئارا ئالەم پونكىتىغا چىقىرىلغان يەنە تۇنجى قەھۋە ماشىنىسى «ＩＳＳｐｒｅｓｓｏ» مۇ بار بولۇپ ، كۆپ قىسمى پولات تۇرۇبىدىن ياسالغان بۇ قەھۋە ماشىنىسىنىڭ ئېغىرلىقى 20 كىلوگىرام كېلىدىكەن ، ئۇ پەقەت يۇقىرى بېسىم ئاستىدىلا خىزمەت قىلالايدىكەن.