ئىلقۇت تورى يانبىلوگ نەشرى

 ئەمگەكچىلەر قايسى ئەھۋاللاردا كېلىشىم خىلاپلىق قىلىش مەسئۇلىيىتىنى ئۈستىگە ئېلىشى كېرەك؟

 

جاۋاب: كېلىشىمگە خىلاپلىق قىلىش تۆلىمى كېلىشىمگە خىلاپلىق قىلىش مەسئۇلىيىتىنىڭ ئاساسلىق شەكلى بولۇش سۈپىتى بىلەن، ئەزەلدىن ئادەم ئىشلىتىدىغان ئورۇنلار ئەمگەكچىنى باغلىۋالىدىغان «چەمبىرەك ئەپسۇنى» بولۇپ كەلدى.

 

لېكىن «ئەمگەك توختام قانۇنى»نىڭ بەلگىلىمىسىگە ئاساسەن، ئادەم ئىشلىتىدىغان ئورۇن بىلەن ئەمگەكچىنىڭ ئەمگەك توختام كېلىشىمىدە، كېلىشىمگە خىلاپلىق قىلىش تۆلىمىنىڭ كېلىشىم شەرتىگە بولغان چەكلىمە ناھايىتى قاتتىق، ئىدارىلەر پەقەت «تەربىيەلەش مۇلازىمەت مۇددىتى» ۋە «رىقابەتلىك كەسپلەر چەكلىمىسى»دىن ئىبارەت ئىككى خىل ئەھۋاك ئاستىدىلا كېلىشىمگە خىلاپلىق قىلىش تۆلىمى بېكىتەلەيدۇ دەپ بەلگىلەنگەن.

يەنى، ئەمگەكچى كېلىشكەن تەربىيەلەش مۇلازىمەت مۇددىتى توشۇشتىن بۇرۇن خىزمەتتىن ئايرىلمىغان، ياكى مەخپىيەتلىكنى ساقلاش كېلىشىمىگە خىلاپلىق قىلمىغان، رىقابەتتىكى كەسپلەردىن چەكلىنىش كېلىشىمىگە خىلاپلىق قىلمىغان بولسىلا، ئىدارىگە ھېچقانداق كېلىشىمگە خىلاپلىق قىلىش تۆلىمى تۆلىمىسىمۇ بولىدۇ.

 

شۇڭا، كېلەر يىلى 1-ئاينىڭ 1-كۈنى «ئەمگەك توختام قانۇنى» يولغا قويۇلغاندىن كېيىن، ئەگەر «ئەمگەك توختام قانۇنى»دا بەلگىلەنگەن كېلىشىمگە خىلاپلىق قىلىش مەسئۇلىيىتىنى ئۈستىگە ئېلىشقا تېگىشلىك ئىككى خىل ئەھۋالغا تەۋە بولمىسىلا، ئەمگەكچى ئىستىپا بېرىشنى ئوتتۇرىغا قويسا، ئادەم ئىشلەتكەن ئورۇنغا ھېچقانداق كېلىشىمگە خىلاپلىق قىلىش تۆلىمى تۆلىمىسىمۇ بولىدۇ، خوجايىنىنى ئىشتىن بوشاتماقچى بولغان ئەمگەكچى «قان تەرى بەدىلىگە كەلگەن بىر پۇڭ پۇلىنىمۇ قالدۇرۇپ قويماي پېشىنى قېقىپ كېتىپ قالسىلا بولىدۇ».