ياشانغانلارنىڭ يۈكسەك پەزىلىتى كەڭ قورساقلىق: كەڭ قورساقلىق تۇرمۇشقا ئىنتايىن ئاق كۆڭۈللۈك بىلەن مۇئامىلە قىلغانلىق، باشقىلارغا مۇھەببەت بىلەن كۆيۈنگەنلىك. پېنسىيەگە چىققاندىن كېيىن باشقىلارغا كەڭ قورساقلىق بىلەن مۇئامىلە قىلىش، باشقىلارغا نىسبەتەن ئەپۇچان بولۇش؛ باشقىلار ساڭا مەيلى قانداق مۇئامىلە قىلسۇن، ھەممىسىگە كەڭ قورساقلىق بىلەن مۇئامىلە قىلىش كىشىلىك ھاياتتىكى ئەڭ يۈكسەك پەزىلەتتۇر.

     ياشانغانلارنىڭ ئەڭ چوڭ ئۈمىدى ئامانلىق: بايلىق، نام – ئاتاق نۇرغۇن ئادەم قىزىقىپ قوغلىشىدىغان نىشان، بىراق بايلىق ۋە نام - ئاتاققا ئېرىشكەندىن كېيىن، ئامانلىق ۋە خاتىرجەملىكتىن مەھرۇم بولسا، مۇنداق ئادەمدە ئۈمىدنىڭ دېرىكىمۇ قالمايدۇ، تۇرمۇشمۇ ئۇلارغا نىسبەتەن ئەھمىيىتىنى يوقىتىدۇ، شۇڭا پېنسىيەگە چىققاندىن كېيىنكى ئەڭ چوڭ ئۈمىد ئامانلىق، ماھىيەتتە بۇ ھەرقانداق ئادەمنىڭ ئەڭ چوڭ بەختى.

     ياشانغانلارنىڭ ئەڭ چوڭ خۇشاللىقى ساغلام روھىي ھالەت: ئادەمنىڭ خۇشال ياكى خاپىلىقى ئۇنىڭ روھىي ھالىتىگە باقىدۇ، بەخت تۇيغۇسىنىمۇ روھىي ھالەت بەلگىلەيدۇ. ئەمەلىيەتتە يۇقىرى مەرتىۋە ساغلام ئوزۇقلۇققا يەتمەيدۇ، ساغلام ئوزۇقلۇق ئۆمۈرنىڭ ئالدىدا تىلغا چىقمايدۇ، ئۆمۈرمۇ چەكسىز خۇشاللىققا زىنھار يېتەلمەيدۇ، خۇشاللىق كەيپىياتنىڭ ئوزۇقى، شۇڭا پېنسىيەگە چىققاندىن كېيىن ھەقىقىي خۇشاللىق دەل بەخت تۇيغۇسىدۇر.

    ياشانغانلارنىڭ ئەڭ چوڭ بايلىقى سالامەتلىك: پۇل – مال بالىلارنىڭ، مەرتىۋە ۋاقىتلىق، شان – شەرەپ ئۆتمۈش، پەقەت ساغلاملىقلا ھەركىمنىڭ ئۆزىگە تالىق. بىلىش ئادەمنىڭ ۋۇجۇدىدىكى تېخى ئېچىلمىغان سىر، بەدەننىڭ ساقلىقىغا بېقىش ھەقىقىي مەنىدىكى تەلەپ ھەم سادا. قېنى، جىسمانىيەتنى خۇشاللىققا ئېرىشتۈرۈش بىلەن بىللە، ساغلام تۇرمۇش ئادىتىنى يېتىلدۈرۈش ھاياتلىقتىكى ئەڭ تەبىئىي ئىش.

   ياشانغانلاردىكى ئەڭ چوڭ پاراسەت ئۈمىدۋرلىق: ياخشى بىر روھىي ھالەت ئالىدىغان چاغدا ئېلىش، قويىدىغان چاغدا قويۇش، ھەرقانداق ئادەم بىلەن ھەمكارلىشالايدىغان بولۇش. ئادەم بۇ دۇنياغا كەلگەنىكەن، ئېرىشكەن چاغدا يوقىتىپمۇ قويىدۇ، بۇنداق چاغدا كاللىدىن ئۆتكۈزۈشنى بىلىش، ئۆزىگە چەكتىن ئاشقان تەلەپلەرنى قويماسلىق كېرەك. ھايات جاپالىق ھەم شۇنچىلىك قىسقا، شۇڭا قىلىدىغان ئىشىمىز ئۆزىمىزگە ياخشى كەچمىشلەر ئاتا قىلىش، ئۆزىمىزنىڭ يولىدا مېڭىشىمىز، ئۆزىمىزنىڭ تۇرمۇشىنى ئۈمىدۋارلىق بىلەن ياشاپ تۈگىتىشىمىز كېرەك.