ئەقلىي پائالىيەتنىڭ مەزمۇنى ناھايىتى مول، مەسىلەن: ئاددىي ساۋاتلار، جەمئىيەتكە ماسلىشىش قابىلىيىتىنى، ھېسابلاپ تەھلىل قىلىش ۋە ئۈنىۋېرسال ئىقتىدارى، لوگىكىلىق باغلاش ئىقتىدارى، شۇنداقلا تەپەككۈرىنىڭ جانلىقلىقى قاتارلىقلار.
1. لوگىكىلىق باغلاش، تەپەككۈرى جانلىقلىقىنى مەشىق قىلدۇرۇش: بالىلار ئويۇنچۇقلىرى ئارىسىدىن ئەقلىي كۈچىگە پايدىلىق بولغان بەزى ئويۇنچۇقلارنى ئىزدەپ تېپىش.
2. تەھلىل قىلىش ۋە ئۈنىۋېرسال ئىقتىدارىنى مەشىق قىلدۇرۇش: بىمارلارنى رەسىم، ئەمەلىي نەرسىلەر، تاق سۆزلەرنى يىغىنچانلاشقا ۋە تۈرلەرگە ئايرىشقا بۇيرۇش.
3. چۈشىنىش ۋە ئىپادىلەش ئىقتىدارىنى مەشىق قىلدۇرۇش: بىمارلارغا بەزى ۋەقەلەرنى سۆزلەپ بېرىش، ئاندىن بەزىبىر سۇئاللارنى سوراپ جاۋاب ئېلىش.
4. جەمئىيەتكە ماسلىشىش ئىقتىدارىنى مەشىق قىلدۇرۇش: ئىمكانقەدەر بىمارلارنى بېكىنمە تۇرمۇش مۇھىتىدا تۇرغۇزماي، سىرتتىكى ئۇچۇرلاردىن كۆپرەك خەۋەرلەندۈرۈپ، باشقىلار بىلەن ئۇچرىشىپ پىكىر ئالماشتۇرۇشقا رىغبەتلەندۈرۈش، بىمارلارنى ئائىلە ئىشلىرىغا مەقسەتلىك قاتناشتۇرۇپ، ئۇلارغا يېتەكچىلىك قىلىش ۋە ياردەم بېرىش كېرەك.
5. ئاددىي ساۋاتلارنى مەشىق قىلدۇرۇش: « ئاددىي ساۋات » لار دېگىنىمىز، خېلى كۆپ مەزمۇنلارنى بىمارلار بۇرۇنلا بىلىدىغان، ئەستە تۇتۇش ئامبىرىدا ساقلىنىۋاتقان نەرسىلەر بولۇپ، كېسەلنىڭ ئېغىرلىشىشىغا ئەگىشىپ، ئۇنتۇلۇپ كېتىۋاتقان ساۋاتلاردۇر. ئەگەر دائىم ئەسكە ئېلىپ تۇرسا، يادىدىن چىقىپ كېتىش سۈرئىتى زور دەرىجىدە ئاستىلايدۇ.
6. سان ئۇقۇمى ۋە ھېسابلاش ئىقتىدارىنى مەشىق قىلدۇرۇش: مەدەنىيەت سەۋىيەسى بىرقەدەر تۆۋەن ياشانغانلارغا ئابستراكت سانلارنى مەشىق قىلدۇرۇش بىرقەدەر تەس، بىلىش قابىلىيىتى توسالغۇغا ئۇچرىغانلار ئۈچۈن ئېيتقاندا، گەپ قىلىشنىڭ تېخىمۇ ھاجىتى يوق. بىراق، پۈتكۈل تۇرمۇشنىڭ سان ئۇقۇمى ۋە ھېسابلاش ئىشلىرى كۆپ بولۇپ، پەقەت كۆڭۈل قويساقلا، بىمارلارنى مەشىق قىلدۇرىدىغان نۇرغۇن پۇرسەت تېپىلىدۇ.