يۇيۇنۇش بولسا ياخشى ئىش، ئۇ بەدەننى پاكىزلاپ قالماي يەنە ھارغىنلىقنى تۈگىتىدۇ. بىراق ياشانغانلارغا نىسبەتەن، نامۇۋاپىق ۋاقىتتا يۇيۇنۇشنىڭ ئۇلارنىڭ يۈرىكىگە نىسبەتەن خەتىرى بار، ئۇنداقتا قانداق ئەھۋالدا ياشانغانلار يۇيۇنسا مۇۋاپىق بولمايدۇ؟

1. ھېرىپ-چارچىغاندىن كېيىن دەرھاللا يۇيۇنۇشقا بولمايدۇ.
ئائىلە ئىشلىرىنى قىلغان بولسۇن ياكى بايىلا تەنھەرىكەت قىلغان بولسۇن، بىر ئاز ئارام ئالغاندىن كېيىن يۇيۇنۇش كېرەك، ئۇنداق بولمىغاندا ئاسانلا يۈرەك، مېڭىگە قان يېتىشمەسلىكنى كەلتۈرۈپ چىقىرىدۇ ھەتتا ھوشىدىن كېتىشتەك ئەھۋاللار كۆرۈلىدۇ.

2. قىزىپ قالغاندا يۇيۇنۇشقا بولمايدۇ.
ئادەم بەدىنىنىڭ تېمپېراتۇرىسى يۇقىرىلاپ 38 سېلسىيە گىرادۇسقا چىققاندا بەدەننىڭ ئېنېرگىيە سەرپىياتى %20 ئاشىدۇ، بۇ ۋاقىتتا ھەم بەدەن ئاجىز بولىدۇ، شۇڭا بۇ ۋاقىتتا يۇيۇنغاندا ئاسانلا كۈتۈلمىگەن ئەھۋاللار كۆرۈلىدۇ.

3. ھاراق ئىچكەندىن كېيىن يۇيۇنۇشقا بولمايدۇ.
يۇيۇنغاندا بەدەندىن تەر چىقىدۇ، قاندىكى ئىسپىرتنىڭ قويۇقلۇقى نىسبەتەن يۇقىرىلايدۇ، ئۇنىڭ ئۈستىگە ئىسسىق سۇ قان ئايلىنىشنى تېزلەشتۈرىدۇ-دە قان تومۇر كېڭىيىدۇ، تومۇر سوقۇش تېزلىشىدۇ، بۇ خىل ئەھۋالدا ئادەتتە قان بېسىمى تۆۋەنلەيدۇ، قاننىڭ يېپىشقاقلىقىمۇ يۇقىرىلايدۇ، بۇنىڭغا بەدەن ئاسانلىقچە ماسلىشالمايدۇ، بۇنىڭ بىلەن يۈرەك كېسىلى ياكى مېڭە شامالدارىش كۆرۈلىدۇ. ئېغىر بولغاندا تۆۋەن قان قەنتى خاراكتېرلىك ھوشسىزلىنىشنى كەلتۈرۈپ چىقىرىدۇ.

ياشانغانلار يۇيۇنغاندا رىئايە قىلىشى كېرەك بولغان 2 پىرىنسىپ قايسى؟ بىلمەكچى بولسىڭىز كېيىنكى بەتكە قاراڭ!