مۇۋاپىق ئارام ئېلىش : ياشانغانلار ئۆزىگە ماس كېلىدىغان بەدەن چېنىقتۇرۇش ھەرىكەتلىرى ، مەسلەن : پىيادە مېڭىش ، گىمناستىكا ئويناش قاتارلىق تەنھەرىكەت تۈرلىرى بىلەن شۇغۇللىنىش بىلەن بىرگە ، مۇۋاپىق ئارام ئېلىشى ، چۈشتە بىردەم ئۇخلاش ئادىتىنى يېتىلدۈرۈشى ، ھەر كۈنى سەككىز سائەت ئۇخلاشقا كاپالەتلىك قىلىش كېرەك .
ئىسسىق ئۆتۈپ قېلىشنىڭ ئالدىنى ئېلىش : ياشانغانلار پىژغىرىم ئاپتاپتا ياكى يۇقىرى تېمپېراتۇرىلىق مۇھىتتا ئۇزاق تۇرماسلىقى ، پات-پات ئۇسسۇزلۇق ئىچىپ تۇرۇشى لازىم .
شامالداپ قېلىشتىن ساقلىنىش : ياشانغانلار يازدا سالقىندىغاندا بەل ، قورساق قىسمى شامالداپ قېلىشنىڭ ئالدىنى ئېلىش ، شامالدۇرغۇچ ، ھاۋا تەڭشىگۈچنى بىۋاستە بەدەنگە توغرىلاپ ئىشلەتمەسلىكى ، تەرلەپ كەتكەندە دەرھال ھاۋا تەڭشىگۈچنى ئىشلەتمەسلىكى كېرەك .
يېمەك-ئىچمەكنى تەڭشەش : ياشانغانلارنىڭ مېتابولىزم ئىقتىدارى ئاجىزلايدىغان بولغاچقا ئاسان ھەزىم بولىدىغان ، ئوزۇقلۇق تەركىبى مول يېمەكلىكلەرنى ئىستېمال قىلىشى ، بەك تويۇپ غىزالانماسلىقى ، مېۋە-چىۋە ، كۆكتاتلارنى كۆپرەك ئىستېمال قىلىشى كېرەك .
تازىلىققا ئەھمىيەت بېرىش : پات-پات يۇيۇنۇپ ، كىيىم-كېچەكلىرىنى ۋاقتىدا ئالماشتۇرۇپ تۇرۇشى كېرەك .