كاۋا-قاپاق تۈرىدىكى كۆكتاتلار: كۆكتاتلارنىڭ تەركىبىدىكى سۇ بولسا كۆپ قاتلاملىق بىئو پەردىلەرنىڭ سۈزۈشىدىن ئۆتكەن ساپ، پاكىزە، قۇۋۋەتلىك شۇنداقلا ئاكتىپلىققا ئىگە بولغان سۇ بولۇپ، ھەر قانداق زاۋۇت ئىشلەپچىقارغان ئىچىملىك سۇنى ئۇنىڭ ئورنىغا قويغىلى بولمايدۇ.

ياز پەسلى بولسا كاۋا -قاپاق تۈرىدىكى كۆكتاتلارنىڭ بازاردىكى ئەلۋەك پەسلى،ئۇلارنىڭ ئورتاق ئالاھىدىلىكى بولسا سۇ مىقدارى %90 دىن يۇقىرى. تەكيە كاۋانىڭ تەركىبىدىكى سۇ مىقدارى كۆكتاتلارنىڭ ئالدىداتۇرىدىغان بولۇپ، %96 كە يېتىدۇ. ئۇنىڭدىن قالسا تەرخەمەك، چاقماق كاۋا، بەدرەڭ، مۇشكاۋا، ئاچچىق كاۋا قاتارلىقلارنى ئۆز ئىچىگە ئالىدۇ. 

سوغۇق كۆكتاتلار: ياز كىرگەندىن كېيىن، ئادەم بەدىنىگە ئەڭ مۇھىم تەسىر كۆرسىتىدىغان ئامىل بولسا ئىسسىق ئۆتۈشتۇر، شۇڭلاشقا سوغۇق تۈردىكى كۆكتاتلارنى ئىستېمال قىلسا، ئۇسسۇزلۇقنىقاندۇرۇش، ئىسسىقنى ياندۇرۇش، زەھەر تازىلاپ تەرەتنى راۋانلاشتۇرۇش قاتارلىق پايدىلىرى بار.

ياز پەسلىدە بازارغا كىرگەن كۆكتاتلار ئارىسىدا ئاچچىق كاۋا، تەرخەمەك، سەي كاۋىسى، تاۋۇز، قوغۇن، بەدرەڭ قاتارلىقلار سوغۇق تۈردىكى كۆكتاتلارغا كىرىدۇ. شوخلا، پىدىگەن، كەرەپشە، سۈتلۈك كۆك چېچەك، سەرەبىل، سۇ كېرىپتى قاتارلىقلارمۇ سوغۇق تۈردىكى كۆكتاتلارغا تەۋە بولۇپ، دائىم ئىستېمال قىلىپ بەرسە بولىدۇ.

 باكتېرىيە يوقىتىدىغان كۆكتاتلار: يازدا تېمپىراتۇرا بىر قەدەر يۇقىرىبولغاچقا، كېسەللىك مىكروبلىرىنىڭ تارقىلىشى تېز بولۇپ، يۇقۇملۇق كېسەللىكلەر بولۇپمۇ ئۈچەي يولى يۇقۇملۇق كېسەللىكلىرىنىڭ كۆپ تارقىلىدىغان پەسلى.

بۇ مەزگىلدە باكتېرىيە يوقىتىدىغان كۆكتاتلارنى كۆپرەك يەپ بەرسە، يۇقۇملۇق كېسەللىكلەرنىڭ ئالدىنى ئېلىش رولىنى ئوينايدۇ. بۇ تۈردىكى كۆكتاتلار سامساق، پىياز، كۈدە، سۇڭپىياز، ئىنچىكە غول پىياز، سامساق كۆكى قاتارلىقلارنى ئۆز ئىچىگە ئالىدۇ.