بالىلار نېمىشقا ئۆز قارىشىنى ئوتتۇرىغا قويۇشقا پېتىنالمايدۇ ؟
شۈي جياجۇ
ھازىر مائارىپ ساھەسىدە يېڭىلىق يارىتىش ۋە ئوقۇغۇچىلارنىڭ پۇقرالىق ئېڭىنى ئۆستۈرۈش تەشەببۇس قىلىنىۋاتىدۇ، لېكىن ئوقۇتۇش جەريانىدا سىنىپ ھەيئەتلىرىنىمۇ ئوقۇتقۇچىلار بەلگىلەپ بېرىۋاتىدۇ. ئەنگلىيەدىكى سۇممېرخىل مەكتىپىنى مىسالغا ئالساق، بۇ مەكتەپتە ئوقۇغۇچىلارنىڭ مەكتەپ خىزمەتلىرىگە پىكىر بېرىش ھوقۇقى بولىدىكەن، بۇ نېمە دېگەن قالتىس ئىش – ھە؟ ئەمەلىيەتتە، كۆپ ساندىكى رەھبەرلەر ۋە ئوقۇتقۇچىلار قائىدىنى بىلىپ تۇرۇپ قائىدە بويىچە ئىش قىلمايدۇ، چۈنكى ئۇلار ئوقۇغۇچىلارنى مۇستەقىل ئادەم قاتارىدا كۆرمەيدۇ. سۇممېرخىل مەكتىپىدە ئەمدىلا مەكتەپكە كىرگەن بالىمۇ ئۆز قارىشىنى قورقماي ئوتتۇرىغا قويالايدىكەن، شۇنداقلا ئۇلارنىڭ پىكرى ئېتىبارغا ئېلىنىدىكەن. بالىلار بەزىدە ئىشلارنى بەك ساددا ئويلىسىمۇ، لېكىن ئۇلارنىڭ ئويلىغانلىرىنى ئېتىبارغا ئېلىشىمىز لازىم. بالىلارنىڭ يېڭىلىق يارىتىش ئىقتىدارىنى يېتىشتۈرۈش ئۈچۈن ئوقۇتقۇچى – ئوقۇغۇچىلار ئارىسدا باراۋەر، ئىناق مۇناسىۋەتنى ئورنىتىشىمىز، ئىشنى بالىلارنىڭ ئوتتۇرىغا قويغان پىكرىنى ھۆرمەتلەشتىن باشلىشىمىز لازىم. مەنبە: شىنجاڭ گېزىتى
|
