ياپونىيەدىكى ئالىي مەكتەپ ئوقۇغۇچىلىرىنىڭ كۆپىنچىسى قۇياشنىڭ قاياقتىن چىقىدىغانلىقىنى بىلمەيدىكەن ياپونىيە تاراتقۇلىرىنىڭ خەۋىرىگە قارىغاندا، ئەڭ يېڭى تەكشۈرۈش نەتىجىسىگە قارىغاندا، ياپونىيەدىكى ئالىي مەكتەپ ئوقۇغۇچىلىرىنىڭ ئاددىي ساۋات جەھەتتىكى بىلىمىنىڭ تۆۋەنلىكى كىشىنى ھەيران قالدۇرىدىكەن، چۈنكى 4 تىن بىر قىسىم ئالىي مەكتەپ ئوقۇغۇچىسى قۇياشنىڭ شەرقتىن تەرەپتىن چىقىدىغانلىقىنى بىلمەيدىكەن.ياپونىيە توكاي ئۇنىۋېرسىتېتىنىڭ پروفېسسورى بۇ يىل 4-ئايدا 5-ئايغىچە ياپونىيەدىكى سىتۇدېنتلارنىڭ ئاستورۇنۇمىيە ئاساسىي بىلىملىرىنى سىنىغان، 667 سىتۇدېنت بۇ تەكشۈرۈشكە قاتناشقان، نەتىجىسى ھەقىقەتەنمۇ كىشىنىڭ كۈلگىسىنى كەلتۈرىدۇ. «قۇياش نەدىن چىقىدۇ؟» دېگەن سۇئالغا پەقەت %25 ئوقۇغۇچىلا شەرقتىن دەپ جاۋاب بەرگەن. يەرشارى نېمىنى ئايلىنىپ ھەرىكەت قىلىدۇ دېگەن سوئالغا بەزىلەر ئاينى، يەنە بەزىلەر مارسنى دەپ جاۋاب بەرگەن. توغرا جاۋاب قۇياشنى تاللىغۇچىلار پەقەت %18 بولغان، ئۇندىن باشقا %42 ئوقۇغۇچى ئاينىڭ تۇتۇلۇشى كەمتۈك بولۇشىنىڭ سەۋەبىنى بىلمەيدىكەن.ئەگەر سىزمۇ مۇشۇنداق جاۋاب بەرسىڭىز، جۇغراپىيە ئوقۇتقۇچىڭىز چوقۇم ئاچچىقىدىن يېرىلىپ كېتىشى مۇمكىن. بۇ تەكشۈرۈش نەتىجىسى ياپونىيە ئاسترونومىيە جەمئىيىتىنىڭ يىغىنىدا ئاشكارىلانغاندا، مۇتەخەسسىسلەر ھەيران قالغان ھەمدە ياپونىيەنىڭ ئوتتۇرا مەكتەپ تەبىئىي پەن ساھەسىدە زور مەسىلە بارلىقىنى، ئوقۇغۇچىلارنىڭ ساپاسىنىڭ يېقىنقى يىللاردا كۆرۈنەرلىك تۆۋەنلىگەنلىكىنى قىياس قىلىشقان. مەنبە:رادىئو تورى تەھىرلىگۇچى:admin
|
