19 بالىنىڭ ئۆلىشىگە سەۋەب بولغان گەنسۇ جېڭنىڭ مەكتەپ ماشىنىسى ۋەقەسى ئۇقتۇرۇلدى  دۆلەت ئىشلىرى مەھكىمىسى بىخەتەر ئىشلەپچىقىرىش كومىتېتى ئىشخانىسى يېقىندا 19 نەپەر يەسلى مەكتەپ بالىسىنىڭ ئۆلۈشىگە سەۋەب بولغان گەنسۇ ئۆلكىسى چىڭياڭ شەھىرى 16-نويابىر زور قاتناش ۋەقەسىنى ئۇقتۇردى. دەسلەپكى تەكشۈرۈشتە ئانالىز قىلىنىشىچە، ۋەقەنىڭ كېلىپ چىقىشىدا ماشىنىغا نورمىدىن ئارتۇق ئادەم سېلىش، تۇمانلىق ھاۋادا سۈرئەتتىن ئاشۇرۇپ ھەيدەش ئاساسىي سەۋەب بولغان.بۇ ۋەقەدىن بەزى رايونلاردا ماشىنىلارغا قانۇنغا خىلاپ نورمىدىن ئارتۇق ئادەم سېلىش، قانۇنسىز ئۆزى خالىغانچە ماشىنىلارنى ئۆزگەرتىش، ئالاقىدار تارماقلارنىڭ مەكتەپ ماشىنىسىنىڭ بىخەتەرلىكىنى باشقۇرۇش جەھەتتە مەسئۇلىيىتى كۈچلۈك بولماسلىق، تەدبىر تولۇق ئەمەلىيلەشمەسلىك، نازارەت ۋە باشقۇرۇشتا يوچۇق بولۇش قاتارلىق گەۋدىلىك مەسىلىلەرنىڭ مەۋجۇت ئىكەنلىكى ئايان بولدى. ۋەقە يۈز بەرگەندىن كېيىن دۆلەت ئىشلىرى مەھكىمىسى رەھبەرلىرى يۈكسەك ئەھمىيەت بەردى ھەمدە مۇھىم تەستىق سالدى، ئالاقىدار بەلگىلىمىلەر بويىچە دۆلەت ئىشلىرى مەھكىمىسى بىخەتەر ئىشلەپچىقىرىش كومىتېتى بۇ ۋەقەنى مەخسۇس تەكشۈردى. تەكشۈرۈپ بىر تەرەپ قىلىش نەتىجىسى پات ئارىدا جەمئىيەتكە ئېلان قىلىنىدۇ، دۆلەت ئىشلىرى مەھكىمىسى بىخەتەر ئىشلەپچىقىرىش كومىتېتى ئىشخانىسى شۇنىڭ بىلەن بىر ۋاقىتتا جايلاردىن ئوتتۇرا باشلانغۇچ مەكتەپ ۋە يەسلىلەر ماشىنىلىرىنىڭ قاتناش بىخەتەرلىك خىزمىتىگە يۈكسەك ئەھمىيەت بېرىپ، ئوتتۇرا باشلانغۇچ مەكتەپلەر ۋە يەسلىلەر ماشىنىلىرىنىڭ بىخەتەرلىك يوشۇرۇن خەۋپىنى ئومۇميۈزلۈك ئارىلاپ تەكشۈرۈشنى تەلەپ قىلدى.
|
