كىتاب ھەققىدە ھېكمەتلەر  كىتاب غايەت زور كۈچ. (لېنىن) كىتاب ئىنسانلارنىڭ ئالغا بېسىشىدىكى شوتا. (گوركىي) كىتاب ئىنسانلارنىڭ تەپەككۇرىنىڭ خەزىنىسى.(ئۇشىنىسكىي) ياخشى كىتاب ئەڭ قىممەتلىك گۆھەر. (بېلىنسكىي) كىتاب ياشلارنىڭ تۇرمۇشتىكى ئايرىلماس ھەمراھى ۋە ئۇستازى. (گوركىي) كىتاب ئەقىل–پاراسەتنى يېتىلدۈرىدىغان قورال. (كامېنىئۇس) كىتاب دۇنيانىڭ ئوزۇقلۇقى. تۇرمۇشتا كىتاب بولمىسا قۇياش نۇرى بولمىغانغا ئوخشايدۇ. ئەقىل–پاراسەت يېتىلدۈرۈش ئۈچۈن كىتاب بولمىسا، قانىتى يوق قۇشقا ئوخشاش بولۇپ قالىدۇ. (شېكىسپىر) كىتاب دەۋر دولقۇنىدا ئىلگىرىلەۋاتقان ئىدىيە كېمىسى، ئۇ ئېھتىياتچانلىق بىلەن قىممەتلىك مالنى ئەۋلادمۇ–ئەۋلاد يەتكۈزۈپ بېرىدۇ. (باكون) كىتاب ئالدىنقىلارنىڭ تەجرىبىسى.(لابۇرې ) كىتاب دوستتۇر، ئۇ گەرچە قىزغىن دوست بولمىسىمۇ، ئەمما ئۇ ناھايىتى سادىق ھەمراھ. (ھيۇگۇ) ياخشى كىتاب ئۇلۇغ روھنىڭ قىممەتلىك تومۇرى. (مىلتون) كىتاب پەزىلەت تاۋلىغۇچى. (بوۋېي) كىتاب ئىدىيەنىڭ مەھسۇلى. (سۋىفت) كىتابنىڭ ھەقىقىي مەقسىدى تەپەككۇر قىلىشقا يىتەكلەش. (موللىي) كىتاب ئوقۇش باشقىلارنىڭ ئىدىيەسىنىڭ ياردىمىدە ئۆزىنىڭ ئىدىيەسىنى بارلىققا كەلتۈرۈش دېمەكتۇر.(رۇباكىت)
|
