تۈركىيە ئېنېرگىيە مىنىستىرى 5-ئاينىڭ 15-كۈنى دېيىشىچە، تۈركىيەنىڭ غەربىدە يۈز بەرگەن كان پارتلاش ۋەقەسىدە 282 ئادەم قازا قىلغان. شۇ جاي ۋاقتى 5-ئاينىڭ 13-كۈنى، تۈركىيەنىڭ غەربىدىكى سوما رايونىدا كاندا پارتلاش يۈز بەرگەن ئىدى. ئەينى چاغدا 787 كان ئىشچىسى ئىشلەۋەتقان ئىكەن. قاپسىلىپ قالغان 386 ئادەم قۇتقۇزۇۋېلىنغان، 80 نەچچە ئادەم يارىدار بولغان. بۇ تۈركىيە تارىخىدىكى ئەڭ ئېغىر كان ھادىسىسى.
كان ھادىسىسى ئاممىنىڭ نارازىلىقىنى قوزغىغانلىقتىن، نۇرغۇن ئامما نامايىش قىلىپ ئېتىراز بىلدۈرگەن. تۈركىيە ساقچىلىرى ياش ئاققۇزۇش گازى ۋە يۇقىرى بېسىملىق سۇ بىلەن تارقىتىۋەتكەن.
تەخمىنەن 20 مىڭ نامايىشچى 15-ماي تۈركىيەنىڭ غەربىدىكى ئىزمىر شەھىرىنىڭ كوچىلىرىدا نامايىش قىلىپ، بۇ قېتىمقى كان ھادىسىسدە ھۆكۈمەتنىڭ بىر تەرەپ قىلىشىنىڭ ئۈنۈملۈك بولمىغانلىقىغا قارشىلىق بىلدۈرگەن.
ئىستانبۇل ۋە ئەنقەرەدە نامايىشچىلار بىلەن ساقچىلار توقۇنۇشقان.
تەرجىمان: ئوكيان
