چەت ئەل ئاخبارات ۋاستىلىرىنىڭ 15-چىسلا خەۋەر قىلىشىچە، برازىلىيە زۇڭتۇڭى روسسېف (Rousseff ) بۇ يىل 10-ئايدا زۇڭتۇڭ سايلىمىغا قاتنىشىپ قايتا سايلىنىشنى ئۈمىد قىلىدۇ، بىراق ئۇنىڭ قول ئاستىدىكى ئەمگەك پارتىيىسى بۇ ھەپتىدە توردا سايلام ئېلانى چىقارغان بولۇپ، جەمئىيەتنىڭ ھەر قايسى قاتلىمىدا زور غۇلغۇلا قوزغىدى، بۇ بەلكىم روسسېفنىڭ سايلامغا قاتنىشىشىغا تەسىر يەتكۈزىشى مۇمكىن.
خەۋەر قىلىنىشىچە، بۇ ئېلاندا بىر دېھقان خۇشال ھالدا ئۆزىنىڭ لىق مال بېسىلغان يۈك ماشىنىسىنى ھەيدەپ كىتىۋېتىپ يولدا ئۆزىنىڭ بۇرۇنقى ئېغىر ساندۇقنى كۆتۈرىۋالغان ھالدا يولدا كېتىۋاتقان ۋاقتىغا يولۇقۇپ قالىدۇ ھەمدە «بىز بۇرۇنقى جىن-شەيتانلارنىڭ بىزنىڭ ھازىر ئىگە بولغانلىمىزنى تارتىۋېلىشىغا يول قويماسلىقىمىز كېرەك.» دەيدۇ.
مەزكۇر ئېلانغا قارشى تۇرغۇچىلارنىڭ قارىشىچە، مەزكۇر ئېلان برازىلىيەنىڭ ھازىرقى ئىقتىسادى ئەھۋالىدىن ئۆزىنى قاچۇرغان بولۇپ، بۇنىڭ ئەكسىچە برازىلىيەدىكى نامزات كىشىلەرنىڭ ئۆتكەن 10 يىل مابەينىدە قانداق قىلىپ تۇرمۇشىنى ئۆزگەرتكەنلىكىنى ئالاھىدە تىلغا ئالغان. روسسېف برازىلىيە تارىخىدىكى تۇنجى ئايال زۇڭتۇڭ ھېسابلىنىدۇ. ئۇ 2010-يىلى برازىلىيەنىڭ ئىككىنچى قېتىملىق زۇڭتۇڭ سايلىمىدا ئۇتۇق قازانغان ھەمدە 2011-يىلى رەسمىي ھالدا ۋەزىپىگە ئولتۇرغان.
