خەلقئارا لىنىيە خەۋەر تورىنىڭ 7-فېۋرالدىكى خەۋىرى (ئانا تۇپراق تورى تەرجىمىسى): 2-ئاينىڭ 6-كۈنى، قازاقىستان پرېزىدېنتى نۇرسۇلتان نەزەربايېۋ دۆلەت نامىنى ئۆزگەرتىش تەكلىپى بەردى، بۇ يەرلىك جامائەت پىكىرىنىڭ كەڭ دىققىتىنى تارتتى.
نۇرسۇلتان نەزەربايېۋ 2-ئاينىڭ 6-كۈنى غەربىي قىسىمدىكى ئاتۇرا شەھىرىنى كۆزدىن كەچۈرۈپ، يەرلىك ئاممىنىڭ ۋەكىلى بىلەن كۆرۈشكەندە دۆلەت نامىنى ھازىرقى قازاقىستاندىن «قازاق ئېلى» غا ئۆزگەرتىش كېرەكمۇ يوقلىقىنى ئوتتۇرىغا قويدى.
نەزەربايېۋ سۆز قىلىپ:«نۆۋەتتە، بىزنىڭ دۆلىتىمىز باشقا ئوتتۇرا ئاسىيا دۆلەتلىرىگە ئوخشاش، دۆلەت نامىنىڭ ئاخىرى 'ئىستان' بىلەن ئاخىرلاشقان. لېكىن 2 مىليون نوپۇسى بار موڭغۇلىيەنىڭ دۆلەت نامى 'ئىستان' قوشۇمچىسىنى ئۆز ئىچىگە ئالمايدۇ، چەتئەللىكلەر ئەكسىچە موڭغۇلىيەگە تېخىمۇ قاتتىق قىزىقىدۇ. شۇڭا، بىزمۇ دۆلەت نامىنى 'قازاق ئېلى' گە ئۆزگەرتىشنى ئويلىشىپ بېقىشىمىز كېرەك» دېدى.
بۇ تەكلىپنىڭ ئەڭ ئاخىرقى نەتىجىسىگە قارىتا، نەزەربايېۋ:«بىز چوقۇم ئالدى بىلەن خەلق بىلەن تولۇق مۇزاكىرە قىلىشىمىز كېرەك» دېدى. نەزەربايېۋ بىرلا ۋاقىتتا مىللەتلەرنىڭ كۆپ خىللىقى قازاقىستاننىڭ ئۈستۈنلىكى ئىكەنلىكىنى، پەقەت مىللەتلەر ئىتتىپاقلىقى ۋە دۆلەتنىڭ بىرلىكى ئاساسىدا دۆلەتنى تەرەققىي قىلدۇرۇش ۋەزىپىسىنى ئەمەلگە ئاشۇرالايدىغانلىقىنى ئېيتتى.
قازاقسىتان پرېزىدېنتىنىڭ دۆلەت نامىنى ئۆزگەرتىشنى ئوتتۇرىغا قويۇشىنىڭ سەۋەبى «قازاق ئېلى» دېگەن نام «قازاقلارنىڭ دۆلىتى» دېگەن مەنىدە. قازاقىستان پرېزىدېنتىنىڭ بۇ تەكلىپى نۆۋەتتە جامائەت پىكىرىنىڭ كەڭ دىققىتىنى تارتتى، بولۇپمۇ ئاتۇرا شەھىردىكى ئامما پرېزىدېنتنىڭ تەكلىپىنى قوللىدى.
مەنبە: خەلقئارا لىنىيە خەۋەر تورى، ئانا تۇپراق تورى تەرجىمە قىلدى.
