سىچۈەن لىنىيىسىنىڭ 7-فېۋرالدىكى خەۋىرى (ئانا تۇپراق تورى تەرجىمىسى): 2-ئاينىڭ 6-كۈنى، مىكروبلوگدا «ئۇ كىم؟ تۇغقانلىرى قەيەردە؟» دېگەن ئۇچۇرنى تورداشلار كۆپلەپ تارقاتتى. بۇ مىكرو بلوگنىڭ دېيىشىچە، 2-ئاينىڭ 5-كۈنى چۈشتە، موتسكىلىت ھەۋەسكارلىرى پىچان ناھىيىسىنىڭ قۇمتاغدا بىر قىزنىڭ جەسىتىنى بايقىغان. ئۆلگۈچى ھال رەڭ كىيىم، پادىچىلار ئىشتىنى كىيۋالغان، سېرىق رەڭلىك سومكا يۈدۈۋالغان ئىدى، ئۆلگەندە بېشى شەرققە پۇتى غەربكە قارىغان، نۆۋەتە سالايىھىتى تېخى بېكىتىلمىگەن. نۆۋەتتە پىچان ناھىيىتىلىك جىنايى ئىشلار ساقچى ئەترىتى دەسلەپكى قەدەمدە قىزنىڭ ئۆلگەن ۋاقتى 2013-يىلى 11-ئاي ئىكەنلىكىنى، ئۆلۈش سەۋەبىنىڭ يەنىلا تەكشۈرۈلىۋاتقانلىقىنى ئېيتتى. ئۆلگەن قىزنىڭ سومكىسىدا يانفون ۋە كىملىك قاتارلىق ماتېرىياللارنى بايقىمىغان بولغاچقا، سالايىھىتىنى دەلىللەشكە ئامال بولمىغان.
تورداشلار ئۇنىڭ ئۆلىمىگە گۇمانىنى ئوتتۇرىغا قويغان. قىزنىڭ جەسىتى بايقالغان قۇملۇق ساياھەت رايونى بولۇپ، ئېزىپ قېلىشىنىڭ مۇمكىنچىلىكى كىچىك ئىكەن. تورداشلار قىزنى باشقىلار ئۆلتۈرگەن دەپ قارىغان.
2-ئاينىڭ 7-كۈنى چۈشتىن كېيىن، مۇخبىر پىچان ناھىيىلىك جىنايى ئىشلار ساقچى ئەترىتىدىن ئىگىلىشىچە، دەسلەپكى جەسەت تەكشۈرۈشتە قىزنىڭ تېمىنىدا كۆرۈنەرلىك سىرتقى جاراھەت بايقىمىغانلىقىنى، داۋاملىق تەكشۈرۈدىغانلىقىنى ئېيتقان. ساقچى ئەترىتىنىڭ باشلىقى مۇخبىرغا جەسەت بايقالغان قۇملۇقنىڭ ساياھەت رايونىغا تەۋە ئىكەنلىكىنى، ھەر يىلى بىر قىسىم تاسادىپىيلىقلار يۈز بېرىدىغانلىقىنى ئېيتتى. نۆۋەتتە، قىزنىڭ باشقىلار تەرىپىدىن ئۆلتۈرۈلۈش مۇمكىنچىلىكىنى چەتكە قاقمىغان، دېلو يەنىمۇ ئىلگىرىلەپ تەكشۈرۈلىۋېتىپتۇ.
ئەترەت باشلىقى تونۇشتۇرۇپ:«ئۇنىڭ سومكىسىدىن پەقەت بىر قىسىم كىيىم-كېچەك بايقالدى، يانفون يوق، سالايىھەت ئۇچۇرىمۇ يوق. نۆۋەتتە جەسەتنى تونۇيدىغان ئۇچۇرمۇ يوق، ئەينى چاغدا ھاۋا سوغۇق، تېمپراتۇرا نىسبەتەن تۆۋەن، جەسەت مۇزلاپ قالغان، ئەمما يۈزىنى ئېنىق كۆرەلمىدىم. يەرلىك ياكى باشقا جايلىق ئىكەنلىكىگە ھۆكۈم قىلالمىدىم» دېدى.
ئەترەت باشلىقىنىڭ تونۇشتۇرۇشىچە، قىزنىڭ جەسىتى بايقالغان جايدىن تەخمىنەن 3-5 كىلومېتىر ئەتراپىدا يېمەكلىك، سۇ تاپقىلى بولىدىكەن. ئۇ ئەگەر ئەھۋالدىن خەۋەردار كىشىلەر بولسا، پىچان ناھىيىلىك ج خ ئىدارىسى ياكى پىچان ناھىيىلىك جىنايى ئىشلار ساقچى ئەترىتى بىلەن ئالاقىلىشىپ، ئۆلگۈچىنىڭ ئائىلىسىدىكىلەرنىڭ تېپىۋېلىشىغا ياردەم بېرىشىنى ئەسكەرتتى.
پىچان ناھىيىلىك ج خ ئىدارىسىنىڭ تېلېفون نومۇرى: 0995-8367012
پىچان ناھىيىلىك جىنايى ئىشلار ساقچى ئەترىتىنىڭ تېلېفون نومۇرى: 0995-8367092
مەنبە: سىچۈەن لىنىيىسى تورى، ئانا تۇپراق تورى تەرجىمە قىلدى.
