ئانا تۇپراق تورى خەۋىرى , مەمىتىمىن ئابدۇۋەلى ( ئانا تۇپراق ) فوتوسى:2-ئاينىڭ 5-كۈنى «مۇھەببەت ناخشا شاھى» دەپ نام ئالغان تۈركىيە ناخشا چولپىنى رافەت ئەل رومان ۋە گۇرۇپىسىدىكى مۇزىكانىتلار بىلەن ئۈرۈمچىگە يېتىپ كەلدى .
ئۇ رايونىمىزدىكى بىر قىسىم سەنئەت ساھەسىدىكى شەخىسلەرنىڭ تەكلىپى بىلەن 2014-يىلى 2-ئاينىڭ 8-كۈنى گۈزەل ئۈرۈمچىنىڭ خەلق سارىيىدا بىر مەيدان ناخشا كېچىلىكى ئۇيۇشتۇرماقچى .
تۈركىيە ناخشا چولپانلىرىنىڭ گىپى چىقسا، ھەر كىم ئۆزى ياخشى كۆرىدىغان بىر قانچە ناخشىچىنى بىمالال ئېيتىپ بېرەلەيدۇ. لېكىن تاركان، مۇستافا ساندال ۋە رافەت ئەل رونالارنى بىلمەيدىغانلار بولمىسا كېرەك.
مۇڭلۇق ئاۋازى بىلەن تۈركىيە خەلقىنىلا ئەمەس، يەنە ئوتتۇرا ئاسىيا جۈملىدىن رايونىمىز ياشلىرىنىڭ قەلبىدىن ئورۇن ئالغان، ناخشىچى، مۇزىكانت ۋە ئىجادىيەتچى ۋە كىنو ئارتىسى رافەت ئەل رومان (ئەل رومان ئۇنىڭ تەخەللۇسى) 1968-يىلى 25-ئاۋغۇست تۈركىيەنىڭ ئەندار ئۆلكىسىدە دۇنياغا كەلگەن. 1970-يىلى ئائىلىسىدىكىلەر بىلەن بىرگە گېرمانىيەگە كۆچۈپ بېرىپ، چوڭ ئاپىسى بىلەن بىرگە تۇرغان. كەڭ تەبىئەت قوينىغا تولغان گۈزەل سەھرادا ئۆسۈپ چوڭ بولغان رافەت ئوقۇشىنى گېرمانىيەدە تامالىغان. ئوقۇغۇچىلىق مەزگىلىدە ئۇ گىرمانچە، ئىنگىلىزچە، ئىتالىيانچە ۋە تۈركچە تىللارنى پۇختا ئۆگەنگەن. رافەت ئەل رومان ئۆسمۈرلۈك دەۋرىدىن باشلاپلا، ھاياتقا بولغان ئوتتەك قىزغىن مۇھەببىتىنى شېئىر يىزىش ئارقىلىق ئىپادە قىلغان بولۇپ، 16 ياش ۋاقتىدا تۇنجى شېئىرىنى يېزىپ چىققان.
