بىرلەشمە سەھەر گېزىتى تورىنىڭ 22-دېكابر خەۋىرى: 12-ئاينىڭ 21-كۈنى، تۈركىيە سىياسىي سەھنىسىدە ئېغىر خىيانەتچىلىك سەتچىلىكى ئاشكارىلاندى. يەنە بىر جەھەتتىن، تۈركىيە باش مىنىستىرى ئەدوغان ئامېرىكىنىڭ تۈركىيەدە تۇرۇشلۇق ئەلچىسىنى قوغلىۋېتىدىغانلىقىدىن بېشارەت بەردى.
تۈركىيە مېدىيەلىرىنىڭ خەۋىرىگە ئاساسلانغاندا، تۈركىيە ئىقتىساد مىنىستىرى ۋە ئىچكى ئىشلار مىنىستىرىنىڭ ئوغلى، تۈركىيە خەلق بانكىسىنىڭ باش دېرىكتورى ھەمدە بىر ئىرانلىق سودىگەرنى ئۆز ئىچىگە ئالغان 24 ئادەم خىيانەتچىلىك سەتچىلىكىگە چېتىشلىق بولغانلىقتىن، 21-دېكابر تۈركىيە دائىرلىرى تەرىپىدىن ئەيىبلەندى. ئەيىبلەنگەن جىنايىي گۇرۇھ ئۈچ مىنىستىرى ۋە ئۇلارنىڭ ئوغلىغا جەمئىي 137 مىليون لىرا (تەخمىنەن 60 مىليون ئامېرىكا دوللىرى ) پارا بەرگەنلىكىنى بىلدۈرگەن. تۈركىيەدىكى ئەڭ چوڭ ئۆكتىچى پارتىيە جۇمھۇرىيەتچىلەر پارتىيىسىنىڭ رەئىسى قىلىچدارئوغلۇ 12-ئاينىڭ 21-كۈنى مەزكۇر دېلوغا چېتىشلىق 4 نەپەر مىنىستىرنىڭ ئىستېپا بېرىشىنى تەلەپ قىلغان.
بۇنىڭدىن سىرت، 12-ئاينىڭ 17-كۈنى تۈركىيەدە قانات يايدۇرۇلغان كەڭ كۆلەملىك چىرىكلىككە قارشى تەكشۈرۈشتىن كېيىن، تۈركىيە باش مىنىستىرى ئەردوغاننىڭ پوزىتسىيىسى ئىزچىل ناھايىتى قاتتىق بولۇپ، بۇ بىر مەيدان «مەينەتچىلىككە قارشى ھەرىكەت» دېدى. ئەردوغان 21-دېكابر بىر پائالىيەتتە بىلدۈرۈشىچە، خىيانەتچىلىك دېلوسى خەلقئارالىق بىر مەيدان سۈيقەستنىڭ تۈركىيەنىڭ ئۈزلۈكسىز ئېشىۋاتقان ئىقتىسادىي ۋە دىپلوماتىيە ئەمەلىي كۈچىنى ئاجىزلاشتۇرۇپ، ئادالەت ۋە تەرەققىيات پارتىيىسىنىڭ ھاكىمىيەت يۈرگۈزۈش ئورنىنى ئاغدۇرۇپ تاشلىماقچى بولىشى ئىكەن.
ئەردوغاننىڭ دېيىشىچە، يېقىنقى بىر مەزگىلدە ئەلچى بىر قسىم ئىغۋاگەرچىلىك قىلمىشىدا بولغان، ئەردوغان ئۇنىڭ ئۆزىنىڭ خىزمىتىنى ياخشى قىلىشىنى ئۈمىد قىلغان، ئەگەر ئۇ ئۆزىنىڭ خىزمەت دائىرىسىدىن ھالقىپ كەتسە، تۈركىيە ھۆكۈمىتىنىڭ باشقۇرۇش ساھەسىگە قول تىقسا، ئۇنداقتا تۈركىيەنىڭ ئۇنى داۋاملىق تۇرۇپ قېلىشىنى تەلەپ قىلىشىدا ھېچقانداق سەۋەب قالمايدىكەن.
ئەدوغاننىڭ بۇ سۆزىنى تۈركىيە مېدىيەلىرى بەس-بەستە خەۋەر قىلىپ، ئەردوغان دارىتمىلىغان ئىغۋاگەرچىلىك قىلمىشىدا بولغان ئەلچى دەل ئامېرىكىنىڭ تۈركىيەدە تۇرۇشلۇق ئەلچىسى فرانس رىچاردتون ئىكەنلىكىنى ئېيتقان. تۈركىيە بۈگۈنكى زامان تورىنىڭ خەۋىرىگە ئاساسلانغاندا، فرانس 12-ئاينىڭ 17-كۈنى ياۋروپا ئىتتىپاقىنىڭ تۈركىيەدە تۇرۇشلۇق ۋەكىلى بىلەن يىغىن ئاچقاندا، ئامېرىكىنىڭ تۈركىيە خەلق بانكىسى بىلەن ئىراننىڭ سودىسىنى ئاخىرلاشتۇرۇشنى تەلەپ قىلغانلىقىنى، ئەمما ئۇلارنىڭ ئاڭلىمىغانلىقىنى، نۆۋەتتە بىر ئىمپېرىيەنىڭ پارچىلىنىۋاتقانلىقىنى بىلدۈرگەن.
ئامېرىكىنىڭ تۈركىيەدە تۇرۇشلۇق ئەلچىخانىسىمۇ ئارقىدىنلا بايانات ئېلان قىلىپ، ئامېرىكا بىلەن چىرىكلىككە قارشى تۇرۇش دېلوسىنىڭ ھېچقانداق مۇناسىۋىتى يوقلىقىنى، بارلىق خەۋەرلەرنىڭ پۈتۈنلەي يالغان ۋە تۆھمەت قىلىش ئىكەنلىكىنى ئېيتقان ھەمدە 17-دېكابر ياۋروپا ئىتتىپاقى ۋەكىلى بىلەن يىغىن ئاچقانلىقىنى ئىنكار قىلغان.
