بىرلەشمە سەھەر گېزىتى تورىنىڭ 22-دېكابر خەۋىرى: شىمالىي كورىيە رەھبىرى كىم جوڭئۇننىڭ تاغىسى چاڭ سۇڭ تىك ئېتىپ تاشلانغاندىن كېيىن، چاڭ سۇڭ تىكنىڭ نەچچە يۈز تۇغقىنى قولغا ئېلىنغان ھەمدە ئەمگەك بىلەن ئۆزگەرتىش مەيدانىغا ئەۋەتىلگەنلىكى ھەققىدە خەۋەر تارقالغان.
جەنۇبىي كورىيەدە شىمالىي كورىيەدىن قېچىپ چىققانلار باشقۇرۇدىغان تور بەت Daily NK نىڭ ماقالىسىدە دېيىلىشىچە، چاڭ سۇڭ تىك ئېتىپ تاشلانغاندىن كېيىن، دۆلەت بىخەتەرلىك مىنىستىرلىكىنىڭ قوراللىق خادىملىرى پيوڭياڭ شەھىرىنىڭ پيوڭچېن رايونىغا كىرىپ نەچچە يۈز ئادەمنى ئېلىپ كەتكەن.
چاڭ سۇڭ تىكنىڭ بىۋاسىتە تۇغقانلىرىنىلا ئەمەس، ھەتتا چاڭ سۇڭ تىكنىڭ دادىسىنىڭ تۇغقانلىرىنى ئۆز ئىچىگە ئالغان يىراق تۇغقانلىرىمۇ ئېلىپ كېتىلگەنلىكى مۆلچەرلەنگەن.
تەرجىمىدە: نەپرەت
