بىر نەچچە كۈن بۇرۇن تۇرايىمىزنىڭ ئىخلاسمەن زىيارەتچىسى بولغان سەھرالىق WordPress 3.4.1 نەشىرىگە يېڭىلاپ ئارقا بەتكە كېرەلمەسلىك مەسىلىسى ھەققىدە ئىنكاس يوللىغاندىن كېيىن، مەنمۇ ھېچقانداق ئويلىنىپ تۇرمايلا بلوگنىڭ نەشىرىنى كۆتۈرۈپ سىناپ باقتىم، ئىشلەتكىنىم Linux مۇھىتىدىكى Cpanel بوشلۇقى ئىدى. سانداننى خاتىرجەم زاپاسلىۋالغاندىن كېيىن، بلوگداش WordPress مۇنبىرىگە بۇ ھەقتە «WordPress 3.4.1 نەشىرىگە كۆچۈپ ئارقا سۇپىغا كىرەلمەيۋاتقانلار بارمۇ؟» دېگەن تېمىدا ياردەم تېمىسى يوللىغاندىن كېيىن جاۋاب چىقمىغاندىن كېيىن ئىزدىنىپ يۈرۈپ ھەل قىلىش چارىسىنى ھەم تاپتىم.

مەزكۇر مەسىلىنىڭ كېلىپ چىقىشى

مەندىن بۇرۇنلا WordPressنىڭ ئۇيغۇرچە ئورگان بېتىدە شۇنداقلا ئىنگىلىزچە مۇنبىرىدە بۇ ھەقتە ياردەم ۋە مۇنازىرە تېمىسى سورالغان ئىكەن. ھەر قايسى ئاتامانلارنىڭ دېيىشىچە مەزكۇر مەسىلىنىڭ كېلىپ چىقىشى بىر قىسىم بلوگلارنىڭ سۈرئەتنى تىزلەشتۈرۈش ئۈچۈن ئەلالاشتۇرۇش(缓存،cache ) قىستۇرمىسىنى قاچىلىغانلىقى، شۇ تۈپەيلى يېڭى نەشىرىدىكى بىر قىسىم كودلار بىلەن توقۇنۇشقانلىقى مۇمكىن.

خەنزۇچە غەيرىي رەسىمىي ئورگان مۇنبىرىدىكىلەرنىڭ دېيىشىچە، WordPress 3.0 نەشىرىدىن باشلاپ سېستىمىنىڭ ئۆزىدە ئەلالاشتۇرۇش (缓存،cache ) ئىقتىدارىنى ھازىرلىغان ئىكەن، ھەمدە مەزكۇر ئىقتىدارنىڭ object-cache.php ناملىق ھۆججەتكە مۇجەسسەملەشتۈرۈلگەنلىكى مەلۇم. شۇڭلاشقا ئەلالاشتۇرۇش قىستۇرمىلىرىنىڭ مۇشۇ ھۆججەتتىكى كودلار بىلەن توقۇنۇشۇپ قالغانلىقى مەلۇم(ھالبۇكى كەمىنە ھېچقانداق ئەلالاشتۇرۇش قىستۇرمىسى ئىشلىتىپ باقمىغان) .

خاتالىقنىڭ ئۇيغۇربەگ تور تۇرايىدىكى ئەھۋالى

مەزكۇر مەسىلىنىڭ ئالامەتلىرى مۇنداق: نەشىرىنى يېڭىلاپ بولغاندىن كېيىن ئارقا بەتكە كىرىشىڭىزنى تەلەپ قىلىدۇ، ئارقا بەتكە كىرگەندىن كېيىن ساندان ئۇچۇرلىرىنى يېڭىلاش بۇيرۇقى بىرىشىڭىزنى تەلەپ قىلىدۇ، بۇيرۇقنى بىرىپ بولغاندىن كېيىن يۇقارقى رەسىمدىكىدەك خاتالىق ئۇچۇرى بېرىدۇ. خاتالىقنىڭ تولۇق يېزىلىشى:

Fatal error: Call to undefined function wp_cache_add_non_persistent_groups() in /home/xxx/public_html/wp-includes/class-wp-theme.php on line 177

مەسىلىنىڭ ھەل قىلىش چارىسى

Ftp قورالى ئارقىلىق بلوگ ئورنىتىلغان بوشلۇقىڭىزغا كىرىپ object-cache.php ناملىق ھۆججەتنى يۇيۇۋەتسىڭىزلا بولىدۇ.

Ps: كەمىنە مەزكۇر يازمىنى يېزىپ بولۇپ يېڭى بىر مەسىلىگە يولۇقتۇم، بۇنىڭ ھەل قىلىش چارىسىمۇ پات ئارىدا ئېلان قىلىنغۇسى، خاتالىق ئۇچۇرى:

Fatal error: Allowed memory size of 33554432 bytes exhausted (tried to allocate xxx bytes