ئىلىكتىرۇن سودا كەسپى ئۈزىنىڭ قولايلىق ، تىز ، ئەرزان ، ئەركىن ، دائىرىسى كەڭ ، تاللاش بوشلۇقى كەڭ بۇلۇشتەك ئالاھىدىلىكلىرى بىلەن دىيارىمىزدىكى ئىلغار پىكىرلىك ياش ئىستىمالچىلارنىڭ ئوتتەك قىزغىنلىقىنى قوزغاپ ، تورمۇش ئىستىمالىمىزىڭ ئايرىلماس بىر قىسمى بۇلۇپ قالغىلىمۇ خېلى ئۇزۇن بولدى .
شۇنىڭ بىلەن بىر ۋاقىتتا بىر قىسىم ئىستىمالچىلارنىڭ تور سودا بىلىملىرىنىڭ يىتەرلىك بولماسلىقى ۋە بۇ قايناق بازار بارلىققا كەلتۈرگەن ( ھەر قانداق بازاردا ئالدامچىلار بىلەن سەمىمى سودىگەر تەڭ مەۋجۇت بۇلۇپ تۇرىدۇ ) قاراقورساق تور سودىگەرلىرىنىڭ مەيدانغا كىلىشى بىلەن ئالدىنىپ قېلىش ، مال سۈپىتى كۆڭۈلدىكىدەك چىقماسلىق ……..قاتارلىق سەۋەبلەر تۈپەيلىدىن تور سودىسىدىن قارىغۇلارچە ئۈزىنى قاچۇرىدىغان ئەھۋالمۇ بارلىققا كەلدى .

يۇقارقى ئەھۋاللارنى كۆزدە تۇتۇپ ھەم ئۆزەمنىڭ توردا سودا قىلىش تەسىراتلىرىمنى ئەسلەپ كۆرۇپ ، يەنىلا ئەزىز قېرىنداشلىرىمغا سەۋىيەم يەتكەن دائىرىدىكى تور سودا بىلىملىرىمنى سۆزلەپ بىرىشنى توغرا تاپتىم . مەن ئويلايمەن نۆۋەتتىكىدەك ئۇچۇر دەۋرىدە ئەزىز قېرىنداشلىرىمنىڭ ھەر خىل سەۋەبلەر تۈپەيلىدىن ئۇچۇر تېخنىكىسى بىزگە تەمىنلىگەن نورغۇن ئىلغار مۇلازىمەتلەردىن پايدىلىنىپ ئۆزىنىڭ تۇرمۇش ۋە ئۆگىنىش پائالىيىتىنى بېيىتالمايۋاتىدۇ ، بۇنداق قىلىشمۇ ھەممە كىشىگە زۇرۇر ئەمەس . لىكىن ھەممە ئادەم مال سېتىۋالىدۇ ، توردىن مال سېتىۋېلىش ھەممە ئادەمنىڭ تۇرمۇشىغا ئىقتىسادى ۋە باشقا جەھەتلەردىن نۇرغۇن خوشاللىقنى ئاتا قىلالايدۇ .

تورسودا بىلوگى قېرىنداشلارنىڭ توردىن مال سېتىۋېلىشىغا يول باشلىغۇچى بۇلۇشنى ئۈزىنىڭ يۈكسەك غايىسى قىلغان بۇلۇپ ، بۇندىن كىيىن ئاللا خالىسا توردىن مال سېتىۋېلىشقا يىتەكچى رول ئوينىيالايدىغان يازمىلار يوللىنىپ تۇرىدۇ . داۋاملىق كىلىپ تۇرىشىڭىزنى قىزغىن قارشى ئالىمىز .

يۇقارقى مەقسەتتە بۇگۇن ئالدى بىلەن قېرىنداشلارغا دۆلىتىمىزدىكى تور سودا كەسپىنىڭ ئەمىلى ئەھۋالى توغرىسىدا قىسقىچە چۈشەنچە بەرمەكچى .

2011 – يىللىق دۆلىتىمىز ئىلىكتىرون ( تور ) سودىسى بازىرىنىڭ ئەمىلى ئەھۋالى توغرىسىدىكى دوكلات

ئىلىكتىرۇنلۇق سودا دىگىنىمىز : ئىنتىرنىت تورىدا ئېلىپ بېرىلىدىغان بىر خىل يېڭىچە سودا ئالاقە شەكلى ، ئالاھىدىلىكى بولسا سودا پائالىيەتلىرى ئىنتىرنىت تورىدا سىفىرلاشقان ھالەتتە ئېلىپ بېرىلىدۇ .

دۆلىتىمىز ئىلىكتىرون سودىسى ( تۆۋەندە چۈشىنىشكە ئاسان بۇلىشى ئۈچۈن تور سودىسى دەپ ئاتىلىدۇ ) كەسپى بولسا پۇتۇن يەر شارىدا ئۇچۇر تېخنىكىسىنىڭ ئۇچقاندەك تەرەققى قىلىشىغا ئەگىشىپ ، ئۇچۇر تېخنىكىسى جەمىيەتنىڭ سودا ئالاقىسى بىلەن زىچ گىرەلىشىپ كەتتى ھەتتا سودا ئالاقىنىڭ تەرەققىياتىنى تىزلەتتى . پۇتكۇل جەمىيەت شۇنداقلا سودا ئالاقىسىمۇ ئۇچۇر تېخنىكىسىدىن ئايرىلالمايدىغان ھالەت شەكىللەندى . ئۇچۇر دەۋرى ئەنئەنىۋى سودا ئالاقە كۆز قارىشىغا جەڭ ئېلان قىلدى ، بۇنىڭ بىلەن دۆلىتىمىزدىمۇ 1998 – يىلى ئىلىكتىرۇنلۇق سودا كۆز قارىشى ئوتتۇرغا قۇيۇلۇپ ، ھازىرغا كەلگەندە غايەت زور تەرەققىياغا ئېرىشتى .
جۇڭگۇ ئىلىكتىرۇنلۇق سودا تەتقىقات مەركىزىنىڭ 2011 – يىلى 8 – ئاينىڭ 1 – كۈنى تارقاتقان << 2011 – يىللىق ( ئالدىنقى يېرىم يىللىق ) جۇڭگۇ ئىلىكتىرۇن سودا بازىرى سانلىق مەلۇماتلىرىنى تەكشۈرۈپ ئۆلچەش دوكلاتى >> دا كۆرسىتىلىشىچە : دۆلىتىمىز ئىلىكتىرۇن سودا بازىرىنىڭ سودا 2011 – يىل ئالدىنقى يېرىم يىللىق سودا سوممىسى 2 تىرلىيون 950 مىليارد يۇەن (2.95万亿 نى مۇشۇنداق دەمتۇق ؟؟؟ ) گە يەتكەن .

يۇقىرىدا دىيىلگەن ئىلىكتىرۇن سودا بازىرىنىڭ سودا سوممىسى بارلىق توردا ئېلىپ بېرىلغان سودىنىڭ ئۇمۇمى سوممىسى بۇلۇپ ، مىنىڭ بىلىشىمچە ئىلىكتىرۇن سودا مۇنداق بىر نەچچە تۈرگە بۆلىنىدۇ :

1 . B2B : تاۋار ئىشلەپچىقارغۇچى ياكى مۇلازىمەت بىلەن تەمىنلىگۈچى كارخانا ئۆز تور بېكىتى ياكى ئالى با با (阿里巴巴 ) قاتارلىق سەھنە بىلەن تەمىنلىگۈچى تور بېكەتلەر ئارقىلىق ئۆزىنىڭ مەھسۇلاتىنى سېتىپ چىقىرىدىغان شەكىلنى كۆرسىتىدۇ . نۆۋەتتە بۇ خىل شەكىل ئىلىكتىرۇن سودا بازىرىنىڭ سودا سوممىسىنىڭ مۇتلەق كۆپ قىسمىنى ئىگەللەيدۇ ، يۇقارقى ئۇمۇمى سومما 2 تىرلىيون 950 مىليارد يۇەننىڭ 2 تىرلىيون 600 مىليارد يۇەن سودا سوممىسى مۇشۇ شەكىلدىن كەلگەن . ھەممەيلەن پىششىق بىلىدىغان تاۋ باۋ ( 淘宝 ) نىڭ باش شىركىتى بولغان ئالى با با (阿里巴巴 ) بولسا بۇ خىل شەكىلدىكى بازارنىڭ سەركەردىسى بۇلۇپ ، % 52.8 بازارنى ئىگەللىگەن . كارخانىچىلار بۇ بېكەتكە ئەزا بۇلۇپ ئۆزىنىڭ مەھسۇلاتلىرىنى تۇنۇشتۇرسا ۋە باشقا مۇناسىۋەتلىك كارخانىلار بىلەن كەسپى ئالاقە قىلسا بۇلىدۇ ، مەسلەن ئۈسكۈنە ، خام ماتىرىيال كىرگۈزۈش دىگەندەك .

b2b شەكلىدىكى كارخانىلارنىڭ بازار ئىگەللەش نىسبىتىنى تەھلىل قىلىش رەسىمى

2 . B2C: كارخانا ( سودا تورى كارخانىسى ) تور سۇپىسى ئارقىلىق ئىستىمالچىلارنى تاۋار بىلەن تەمىنلەيدىغان ، ئىستىمالچىلار مالنى توردا كۆرۈپ ، توردا پۇل تۆلەش ئارقىلىق سېتىۋالىدىغان شەكىل بۇلۇپ ، نۆۋەتتە مال سۈپىتى ئىشەنچىلىك ، تور سودىسى بىخەتەر بۇلۇشتەك ئالاھىدىلىكى بىلەن ئۆنۇمى ياخشى بۇلىۋاتقان شەكىل بۇلۇپ ھىسابلىنىدۇ ، تۆۋەندە بۇ ساھەدىكى كارخانىلارنىڭ بازار ئىگەللەش نىسبىتىنى تەھلىل قىلىش رەسىمى بىرىلدى .

b2c تىپىدىكى تور بېكەتلەرنىڭ بازار ئىگەللەش نىسبىتى

رەسىمدىن كۆرگىنىمىزدەك تاۋباۋ سودا شەھەرچىسى ( 淘宝商城 ) %48.5 لىك ياخشى نەتىجە بىلەن بىرىنچى ئۇرۇندا تورغان ، جىڭدۇڭ سودا شەھەرچىسى ( 京东商城 ) ئىككىنچى ئۇرۇندا تۇرغان ، مەنمۇ دەل مۇشۇ ئىككى بېكەتتىن مال سېتىۋېلىشنى ئادەت قىلغان . بۇ خىل شەكىلدىمۇ مەلۇم ئوخشىماسلىق بار يەنى جىڭدۇڭ سودا شەھەرچىسى ( 京东商城 ) دىكى ماللارنى پۇتۇنلەي شۇ شىركەت تەمىنلىگەن ، مۇلازىمەت ئۆلچىمى ، قائىدە – يۇسۇنلىرى پۇتۇن بېكەتتە بىردەك ، تاۋباۋ سودا شەھەرچىسى ( 淘宝商城 ) دە يەنىلا نۇرغۇنلىغان سودىگەرلەر مال ساتىدىغان بۇلۇپ ، لىكىن مۇلازىمەت ئۆلچىمى ، قائىدە – يۇسۇنلىرىنى تاۋباۋ سودا شەھەرچىسى ( 淘宝商城 ) بېكىتكەن ، تىجارەتچىلەر مۇتلەق بويسۇنىشى كېرەك ، تىجارتچىلەر مۇشۇ قائىدىلەردىن چەتنەپ كەتمىگەن ئاساستا بىر قىسىم قۇشۇمچە قائىدە ئورنىتىدۇ ياكى سېتىشنى تىزلىتىش تەدبىرلىرىنى قوللىنىدۇ .

بازار ئىگەللەش نىسبىتىنىڭ نىمىدىن دېرەك بىرىدىغانلىقىنى قېرىنداشلار بىلىدۇ ، مال تۈرلىرى ، باھاسى ، سۈپىتى ، بىخەتەرلىگى ، سېتىشتىن كىيىنكى مۇلازىمىتى …….قاتارلىقلاردا مۇتلەق ئۇستۈنلۇككە ئىگە بولغاندىلا بازار ئىگەللىگىلى بۇلىدىغانلىقى بىر ھەقىقەت . شۇڭا بېكىتىمىز ئىستىمالچىلارغا مۇشۇ ئىككى بېكەتنى تەۋسىيە قىلىمىز .

3 . C2C : شەخىسلەرنىڭ شەخىسلەر بىلەن توردا سودا قىلىشىنى كۆرسىتىدۇ ، يەنى سودىگەرلەر تور سودا سەھنىسى تەمىنلىگۈچى تور بېكەتلەرگە ئەزا بۇلۇپ .ئۆزىنىڭ تور دۇكىنىنى ئېچىپ ، ئۆز مەھسۇلاتىنى سېتىش ئۇسۇلىدۇر بۇنىڭ تىپىك مىسىلى تاۋ باۋ تور بېكىتى (淘宝网 ) .

c2c تىپىدىكى تور بىكەتلەرنىڭ بازار ئىگەللەش نىسبىتى

دىققەت : تاۋ باۋ تور بېكىتى (淘宝网 ) بىلەن تاۋباۋ سودا شەھەرچىسى ( 淘宝商城 ) نى پەرىقلەندۇرىۋېلىڭ ، ئىككىلىسى ئالى بابا شىركىتى قۇرغان تور بېكەت بۇلۇپ ، تاۋباۋ سودا شەھەرچىسى ( 淘宝商城 ) كىيىن قۇرۇلغان ئىلگىرى تاۋ باۋ تور بېكىتى (淘宝网 ) نىڭ تارمىقى ئىدى يېقىندىن بۇيان مۇستەققىل تىجارەت قىلىدىغان قىلىپ ئۆزگەرتىلدى . سىز تاۋ باۋ تور بېكىتى (淘宝网 )نىڭ تور بېكىتىدىن رەسىمدىكى

قىزىل بويالغان ئۇرۇننى بېسىپ كىرسىڭىز مۇ بۇلىدۇ ، ياكى مۇستەققىل تور ئادرىسى http://www.tmall.com دىن كىرسىڭىز مۇ بۇلىدۇ .

ھەمراجاندىن.......