خاتىرلەرⅠ

 

 

مەن سېنىڭ ئىسمىڭغا ئۆزۈمنى باغلاپ

سۆرىلىمەن

ئات قۇيرۇقىغا باغلانغان رەزىل قۇل كەبى.

مەن سېنىڭ ئاياغ ئىزلىرىڭنى پايلاپ

قاراڭغۇلۇققا كۆمۈلىمەن

قەبرىستاندىكى چىغىر يول كەبىي

مەن سېنىڭ ھېدىڭنى ھېدلاپ

جان بېرىمەن

زەھەر ئىچىپ ئۆلگەن كەبىي

 

 

**********************

 

كۆزۈم كۆزۈڭدە ئىدى

قولۇم –قولۇڭدا.

ھەممىسى تەقدىر دېدى

ئويغانسام، ئوڭۇمدا.

مانا ئەمدى

قولۇڭنى ئۆزگىلەر تۇتار

چېچىڭنى سىلار.

مەن ئۆزۈمنىڭ قولۇمنى تۇتۇپ

ئۆزۈمنىڭ چېچىمنى سىلايمەن تەكرار

سىلىغاندەك سېنىڭ چېچىڭنى.

 

2010.7.25

 

 

 

*******************************

 

ھاياتىمنىڭ چىڭقى چۈشىدە

كەچمىشلىرىم سايە

چىلىق-چىلىق تەرلەپ ئولتۇرۇپ

يازماقتىمەن ھېكايە.

بۇ ھېكايىنىڭ پىرسۇناژى يوق

ئەگەر بار دىيىلسە

مەن بارمەن، ئەزىزىم

كۆكرىكىمدە سەن ئاتقان بىر ئوق.

 

 

2010.7.26

 

***********************************

 

بىر قۇچاق گۈل يىغدىم

ئاق…قىزىل…ھالرەڭ.

بىر نەچچە قەدەھ مەي ئىچتىم

چۈشلۈرۈم كۈلرەڭ.

ئويغانسام

كۆكسۈمدە شىرىن بىر ئاغرىق

تىكەنلەردىن قاپتۇ خاتىرە.

مەي ئىچىشكە يەنە ئىمكان يوق

كۆز ئالدىمدا ئالۋۇن مەنزىرە.

 

***************************

 

2010.1.26

خەتكۈچلەر:خاتىرە

随机日志

• گۈزەللىكنىڭ جاراھىتى
• قاراڭغۇدا ئېچىلغان گۈللەر(ئۇيغۇرچە-خەنزۇچە)
• پارىس لېرىكىلىرى
• غەزەللەر
• كۆك چۆچۈرىسى
• چۈش خاتىرلىرى
• ئۆلۈم سونېتلىرى
• يارغۇل: بوۋاقلار قەبرىستانلىقى
• تارىختىكى ئون قېتىملىق تىل-مەدەنىيەت قىرغىنچىلىقى
• ئېچىل پاختام