ماي 07
ئايالنىڭ كۆزلىرى
كۆزلەر سۆيگۈ جەزىرىسى كەتكەن ئۇ مۇزلاپ،
ئەينەكلەردە يەر تەكتىدىن باقار ئۇ قىيا.
مىڭ نازاكەت، مىڭ لاتاپەت…ئۆلەيم، مەن ئۆلەي
كۆكرىكىمنى تۇيدۇرماستىن يارار ئۇ گويا.
ماي 07
مــۇبــارەك
(قوشنامنىڭ يېڭى ئۆي پەتىسىگە مۇبارەكنامە)
ئالاھىدىن ئابدۇرېشىت
قوشنام، يېڭى ئۆيۈڭنى ئېلىۋاپسەن، مۇبارەك،
سۇپىسىغا كىگىزمۇ سېلىۋاپسەن، مۇبارەك،
بىر كېچىدە يۆتكىلىپ كېلىۋاپسەن، مۇبارەك،
بىر كۈن ئۆتمەي «پەتە» مۇ قىلىۋاپسەن، مۇبارەك،
چىللاپ مېھمان، ناغرا-ساز چېلىۋاپسەن، مۇبارەك.