ئەلقىسسە كۈنلەر ئۆتۈپ، ئايلار ئۆتۈپ مانا 2012-يىللىق نەۋرۇزنى كۈتىۋالماقتىمىز، ئەسىرلەردىن بۇيان بىزگە ھەمراھ بولۇپ كېلىۋاتقان تارىختىن بېرى يىل بېشى – باھار بايرىمى، ئەمگەك بايرىمى، تەبىئەت بايرىمى، ئىناقلىق بايرىمى قاتارلىق ناملاردا ئاتىلىپ كەلگەن بۇ قۇتلۇق مىللىي بايرىمىمىز بولغان نەۋرۇز كۈنى تاكى بۈگۈنكى كۈندىمۇ ئۆز قىممىتىنى يوقاتماي خەلقىمىز ئۈچۈن تېخىمۇ قەدىرلىك بولۇپ كەلمەكتە، تور بېتىمىز تورداشلارغا گەرچە گەرچە مەخسۇس نەۋرۇز ئۈچۈن ئالاھىدە بىرەر نەرسە تەييارلاشقا ئاجىزلىق قىلسىمۇ ئەمما تۆۋەندىكى ئېسىل سەنئەت نۇمۇرلىرىنى ئالغاچ كەلدى، مەزكۈر كونسىرت بۇنىڭدىن ئىككى يىل ئاۋۋال ئۆزبېكىستان دىيارىدا ياشاپ كېلىۋاتقان ئۇيغۇرلىرىمىزنىڭ تاشكەنت شەھىرىدە نەۋرۇز ئۈچۈن تەييارلانغان سەنئەت كېچىلىكى بولۇپ كېچىلىكتە ئاۋۋال بىر سائەت ئەتراپىدا ئۆزبېكىستان دىيارىدا خىزمەت كۆرسەتكەن ھەر قايسى پىشقەدەم سەنئەتكارلار ئۇيۇن كۆرسەتكەندىن سىرت يەنە ھاجى ئەكبەر قاتارلىق ياش سەنئەتكارلارمۇ كېچىلىككە ئۆزگىچە رەڭ قوشقان، خوش، ئۇنداقتا ھەممىمىز بۇ كېچىلىكتىن ئورتاق ئۇنداقتا ھەممىمىز بۇ كېچىلىكتىن ئورتاق ھوزۇرلىنايلى

توردا تەمىنلىگۈچى : man2rk

بىر نەچچە رەتلىك فورما كەيگەن مىسىر ئالېكساندىر ئوركىستىرى ئەرەب مەدەنىيىتىنى تەشۋىق قىلىش ئۈچۈن ئىسرائىلىيەدىكى مەلۇم بىر كىچىك شەھەرنىڭ تەكلىپىگە ۋاكالىتەن ئۇ يەرگە بېرىپ ئويۇن قويماقچى بولىدۇ، ئەمما بېكەتتە ئۇلارنى ھېچكىممۇ قارشى ئېلىشقا چىقمايدۇ، ناتۇنۇش بىر جايغا كېلىپ قالغان بۇ بىر قانچە ئوركېستىر ئەسكەرلىرى ئۆزلىرىنى تەكلىپ قىلغان جايغا ئامالسىز ئاپتۇبۇس ئارقىلىق بارماقچى بولىدۇ ئەمما يول سوراش جەريانىدىكى بىخەستەلىك سەۋەبىدىن ئىسمى پەقەت بىر ھەرپلا پەرقلىنىدىغان باشقا جايغا بېرىپ قالىدۇ ھەم شۇ يەردىكى مەلۇم ئاھالىنىڭ ئۆيىدە تۈنىمەكچى بولىدۇ، ئۇنداقتا ئۇلار ئاخىرى مەنزىلىگە بېرىپ ئۆزلىرىنىڭ نۇمۇرلىرىنى كۆرسىتەلەمدۇ يوق؟ دىققىتىڭىز تۆۋەندىكى ئىسرائىلىيە فىلىمى ئوركېستىر زىيارەتكە كەلگەندە فىلىمىدە بولسۇن

تەرجىمە قىلغۇچى : ئەركان خوتەنى

جېننىفور لوپېزنىڭ ناخشا – مۇزىكىلىرىنى ئوموملاشتۇرۇپ ئېيتقاندا ئۇنى «مودا ناخشىچىسى» دەپ ئېيتىشقا بولىدۇ. ئۇنىڭ 1999 – يىلى 1- ئىيۇن تارقاتقان «On The 6» ناملىق پلاستىنكىسى 200 خىل پلاستىنكىنى باھالاشتا « ئالدىنقى ئون » نىڭ ئىچىگە كىرگەن. ئۇ پەقەت ناخشىچىلا بولۇپ قالماستىن، بەلكى يەنە ئاكتىيور، تېلېۋىزىيە فىلىم ئىشلىگۈچىسى، مودا لايىھەلىگۈچىلىك ھەمدە ئۇسسۇلچىلىقتىن ئىبارەت بىرگە قادىر، كۆپكە ماھىر ئامېرىكىلىق ئىسپان گۈزىلىدۇر. ئىسپانىيەنىڭ «تەسىر دائىرىسى ئەڭ چوڭ 100 ئىسپانىيىلىك شەخسنى باھالاش بېلەت تاشلاش پائالىيىتى» نىڭ نەتىجىسىگە ئاساسلانغاندا، جېننىفور لوپېز ئامېرىكىدا تەسىر دائىرىسى ئەڭ زور بىردىنبىر ئىسپانىيىلىك شەخىس بولۇپ قالغان. بىز مانا بۇ تەسىر دائىرىسى ئەڭ زور، ھەرخىل كەسىپلەرگە ئىگە بولغان، ئامېرىكىلىق ئىسپان قىزى جېننىفور لوپېزنىڭ «ئۇ چاقچاق ئەمەس» ناملىق ناخشىسىنى ھوزۇرىڭلارغا سۇندۇق، ياقتۇرۇپ ئاڭلىغايسىلەر …

تەرجىمان: ئاققىر (ئاقبۈركۈت تورىنىڭ تۆھپىكار تەرجىمانى)

ھىندىستان ھېكايە فىلىمى «قىزىل يوپۇرماق» ھېلىھەممۇ يادىڭىزدىمۇ؟ شاھرۇلخاننىڭ ئىسكىرىپكا چالغان ئاشۇ مىسكىن قىياپىتى كۆز ئالدىڭىزدىمۇ؟ شۇ ئىسكىرىپكىدىن ياڭرىغان مۇڭلۇق كۈيلەر يۈرەك تارىڭىزنى تىترەتكەنمىدى؟ «قىزىل يوپۇرماق» … گەرچە ھىندىستاننىڭ ، چەتئەلنىڭ فىلىمى بولسىمۇ، ئەمما مۇھەببەتنىڭ دۆلەت، رايون، ئىرق، مىللەت ئايرىمايدۇ. «زادى نېمە سۆيگۈ – مۇھەببەت؟!!» … بۇنىڭغا ئەڭ ياخشىسى ھىندىستان ناخشا چولپىنى، داڭلىق كىنو ئارتىسى شاھرۇكخان ۋە «قىزىل يوپۇرماق» سۆيگۈ ئاشىنالىرى جاۋاب بەرسۇن، نەزىرىڭىز ئېكرانىمىزدا بولسۇن

تەرجىمە قىلغۇچى : تۈمەنى

دوستلار بەلكىم ئىسلامى ناخشىلار دېسە ئۈزلۈكىدىنلا كۆز ئالدىغا سەمى يۈسۈپ ۋە ماھىر زايىنلار كېلىشى مۇمكىن، ئەمما بىزنىڭ بۈگۈن تۇنۇشماقچى بولغىنىمىز ئۆتكەن ئەسىرنىڭ ئوتتۇرلىرى ئەنگلىيەدە زامانىۋى ناخشىلارنى ئېيتىپ بىر مەھەل داڭق چىقارغان ھەمدە مۇسۇلمان بولغاندىن كېيىن ئۆز ئۇسلۇبى ئارقىلىق ئىسلام دىنىنىڭ گۈزەللىكىنى كۈيلەپ كېلىۋاتقان ناخشىچى يۈسۈف ئىسلام (ئەسلى ئىسمى Cat Stevens)، ئالدى بىلەن ئۇنىڭ تۆۋەندىكى ئىككى ناخشىسىنى تەڭ ئاڭلاپ ئۆتەيلى

تەرجىمە قىلغۇچى : ئەركان خوتەنى

گېرمانىيە US5 مۇزىكا ئەترىتى 2005-يىلى Richie Stringini、Chris Watrin、Jay Khan、Izzy Gallego ۋە Michael Johnson قاتارلىق بەش ياشنىڭ بىرلىشىشىدىن تەشكىللەنگەن مۇزىكا ئەترىتى بولۇپ، ياۋروپادا تەسىر دائىرىسى كەڭ، زور ئالقىشقا ئېرىشكەن مۇزىكا ئەترىتى گۇرۇپپىسى بولۇپ ھېسابلىنىدۇ. ئۇلارنىڭ 2006-يىلى «In Control » ناملىق ناخشا پلاستىنكىسىغا كىرگۈزۈلگەن «ئانا» ناملىق بۇ ناخشىسىدا، ئانىنىڭ نەقەدەر ئۇلۇغ، نەقەدەر جاپاكەش ھەم پەرزەنتىنىڭ سۈيىدە ئېقىپ، ئوتىدا كۆيۈپ، ئىشقىدا بارچە مېھرىنى ئاتا قىلالايدىغانلىقىدەك بۇ ئېسىل خىسلىتى يەنە بىر قېتىم مۇڭلۇق مىلودىيەلەر ئىچىدە «ئانا» دىن ئىبارەت بۇ جاپاكەش بۈيۈك ئىنساننىڭ خىسلىتىنى تېخىمۇ ياقىن ھالدا، بىزلەرگە بىلدۈرگەن…. سىز ئانىڭىزنى ياخشى كۆرەمسىز؟ كىچىك چاغلىرىڭىدا، ئانىڭىزنىڭ سۆزلىرىگە قۇلاق سالماي، ئانىڭىزنى قاقشاتقانمۇ؟ سىز مانا چوڭ بولدىڭىز، ئانىڭىزدىن قىلغان ھەر بىر خاتالىقلىرىڭىز ئۈچۈن چىن قەلبىڭىزدىن ئەپۇ سوراشنى خالامسىز؟ ئىشىنىمىزكى، بۇ ناخشا سىزنىڭ ۋە بىزنىڭ ئانىمىزغا بولغان ھۈرمەت سادارىمىز بولۇپ قالغۇسى

تەرجىمە قىلغۇچى: تۈمەنى

داڭلىق ئىسلام ناخشىچىسى سەمى يۈسۈف ئىجراسىدىكى ئۇنتۇلغان ۋەدە ناملىق بۇ ناخشا ئاساسلىق ئافرىقىدىكى شۇنداقلا پۈتكۈل دۇنيادىكى ئاچارچىلىقتا ئۆتۈۋاتقان كىشىلەرگە ياردەم قولىمىزنى سۇنۇش، ئۇلارغا قولىمىزدىن كېلىشىچە ياردەم قىلىش مەقسىتىدە سۈرەتكە ئېلىنغان MV بولۇپ، فىلىمگە نۇرغۇنلىغان تەسىرلىك كۆرۈنۈشلەر قىستۇرۇلغان، بۇ ئارقىلىق ياردەمگە موھتاج كىشىلەرگە ياردەم بېرىشىمىز كېرەكلىكى، ھەم شۇنداقلا ئۆزىمىزنىڭ ھازىرقى شارائىتىمىزنى قەدىرلەش كېرەكلىكىنى ئەسكەرتىپ ئۆتكەن

تەرجىمە قىلغۇچى : تۈمەنى

سەمىمى ئاگاھلاندۇرۇش : مەزكۈر كارتون فىلىم پىكسار كارتون شىركىتى ياكى ۋولت.دىسنىي شىركىتى شۇنداقلا تەرجىمە قىلغان ئورۇن شاھ ئۇيغۇر بلوگىنىڭ مەيدانىغا ۋەكىللىك قىلالمايدۇ، ئىنىقىنى ئېيتقاندا ئىنسانلارنىڭ چاشقانلار بىلەن ئۇچرىشىشى ئىنتايىن خەتەرلىك بولغان قىىلمىش بولۇپ، سىزدە ھەر خىل كېسەللىكلەرنى كەلتۈرۈپ چىقىرىشى مۇمكىن، گەرچە فىلىمدە چاشقان ئامالنىڭ بارىچە ئىنسانلار بىلەن دوستلۇق ئورنىتىشقا تىرىشقان بولسىمۇ ئەمما چاشقان دېگەن ئەڭ مەينەت ھايۋان، ئىنسانلار بىلەن بىرگە ياشىشىغا ھەرگىزمۇ بولمايدۇ، ئەگەر سىز چوقۇم چاشقانلار بىلەن ئالاقە قىلماقچى بولسىڭىز چوقۇم ئاقىۋېتىنى ئوبدان ئويلىشىشىڭىز كېرەكتۇر، چۈنكى بۇنىڭدىن كېلىپ چىققان بارلىق ئاقىۋەتكە يەنىلا ئۆزىڭىز ئىگە.

تەرجىمە قىلغۇچى : پاتىگۈل ئېزىز

بەلكىم دوستلارغا Whitney Houston دېگەن ئىسىم بولۇپمۇ ئۇنىڭ «قوغدىغۇچى» ناملىق فىلىمىدە ئېيتىلغان ناخشىسى I will always love you دېگەن ناخشىسى يات بولماسلىقى مۇمكىن، ئۇ بۇ فىلىمدىكى رولنى ياخشى ئويناش بىلەن بىرگە فىلىمنىڭ ئاساسلىق ناخشىسى بولغان I will always love you نى ئىنتايىن يۇقىرى ماھارەتتە ئېيتىپ چىقىپ، ئۆزىنىڭ كۆپكە ماھىر بىر سەنئەتچى ئىكەنلىكىنى كەڭ تاماشىبىنلارغا نامايان قىلغانىدى،ئەپسۇس بۇ دەرىجىدىن تاشقىرى گۈزەل ئاۋازغا ئىگە، دۇنيادىكى ئەڭ كۆپ مۇكاپاتقا ئېرىشكۈچى ئامېرىكا قارا تەنلىك ناخشىچىسى 2012-يىلى 2-ئاينىڭ 11-كۈنى Beverly Hilton مېھمانخانىسىدا كۆپ مىقداردا رېتسىپلىق دورا بىلەن ئىسپىرتلىق ئىچىملىكلەرنى ئارىلاشتۇرۇپ ئىستىمال قىلىۋالغانلىقى سەۋەبىدىن تۇيۇقسىز ئالەمدىن ئۆتتى، تۆۋەندە بىز بۇ گۈزەل ئاۋازغا ئىگە ناخشىچىنى ئەسلەش بىلەن بىرگە ئۇنىڭ بىزگە تۇنۇش بولغان ناخشىسىنى بىرگە ئاڭلاپ ئۆتەيلى

تەرجىمە قىلغۇچى : تۈمەنى (تۈمەنى گۇرۇپپىسى)

تۈركىيە داڭلىق ناخشا چولپىنى تاركان بەلكىم كۆپلىگەن ئۇيغۇر ناخشا ھەۋەسكارلىرىغا ناتۇنۇش بولماسلىقى مۇمكىن، ئۇنىڭ نۇرغۇنلىغان ناخشىلىرى تۈركىيە چىگرىسىدىن ھالقىپ ئوتتۇرا شەرق، ياۋرۇپا، ئامېرىكا قاتارلىق جايلاردا ئالقىشقا ئېرىشكەندىن باشقا رايۇنىمىزدىكى ئۇيغۇر قاتارلىق ئاز سانلىق مىللەتلىرىنىڭمۇ ياخشى كۆرۈشىگە ۋە ياقتۇرۇپ ئاڭلىشىغا سازاۋەر بولغان، بۇ قېتىم ئۇيغۇربەگ تەرجىمىسىدە تاركاننىڭ قۇيۇق تۈرك پۇرىقىغا ئىگە ئېيتىلغان «قارا تۇپراق» ناملىق ناخشىسىنى كەڭ دوستلارغا سۇندۇق، ئىزچىل زامانىۋى تۈستە ناخشا ئېيتىپ كەلگەن تاركاننىڭ بۇ ناخشىسىنىمۇ تەڭ ئاڭلاپ ئۆتەيلى

تەرجىمە قىلغۇچى : ئۇيغۇربەگ

بلوگىمىز ۋە سىراج بلوگى ھەمكارلىقىدا كانادا كۆپ قىسىملىق تېلېۋىزىيە تىياتىرى «يايلاقتىكى كىچىك مەسچىت»نىڭ دەسلەپكى بىر نەچچە قىسمى ئۇيغۇرچە خەتلىك قىلىپ تەرجىمە قىلىپ ئىشلەنگەندىن بېرى كۆپ قىسىم تورداشلارنىڭ ناھايىتى ياخشى باھاسىغا ئېرىشتى، ھەم تېزلا كۆرۈلۈش نىسپىتى ئەڭ يۇقىرى فىلىم قاتارىدىن ئورۇن ئالدى، ئەلۋەتتە فىلىممۇ ئىزچىل ئۆزىنىڭ بىرخىل يېقىشلىق، مۇلايىم تۇيغۇسى بىلەن كەڭ تاماشىبىنلارغا ئىزچىل ئۆزگىچە ھوزۇر بەرگەچ، كەڭ كۆرۈرمەنلەرنى يۇمۇرلۇق ئەمما مەنىسى چوڭقۇر سۆزلىرى بىلەن چوڭقۇر ئويغا سېلىپ كەلدى، تۆۋەندە نەزىرىمىز داۋاملىق بۇ فىلىمنىڭ كېيىنكى قىسىملىرىدا بولسۇن

تەرجىمە قىلغۇچى : شەمسى

ئۆزگىچە ناخشا ئېيتىش ئۇسلۇبى بىلەن كەڭ ناخشا ھەۋەسكارلىنىڭ ياقتۇرىشىغا ئېرىشكەن ناخشىچى سېلىنا گومېزنىڭ ناخشىلىرىدىن «كىم دەيدۇ» ناملىق ناخشىنى ئۆتكەندە مەزكۈر بېتىمىز ئارقىلىق كەڭ دوستلارغا سۇنغانىدۇق، بۇ قېتىم دوستىمىز تۈمەنىنىڭ تەرجىمىسىدە ئۇنىڭ يەنە بىر شوخ ناخشىسى «ناخشا كەبى سۆيدۈم سېنى» ناملىق ناخشىنى كەڭ دوستلارنىڭ ھوزۇرىغا سۇندۇق، ياقتۇرۇپ ئاڭلىغايسىلەر

تەرجىمە قىلغۇچى : تۈمەنى (تۈمەنى تەرجىمە گۇرۇپپىسى)

دوستلارغا بەلكىم «ئەرەب مۇنارى» دېگەن نام بىلەن ئاتالغان، دۇنيادىكى ئەڭ ھەشەمەتلىك شۇنداقلا بىرىنچى بولۇپ قۇرۇلغان يەتتىنچى دەرىجىلىك مېھمانساراي دۈبەي يەلكەنلىك مېھمانسارىيى يات بولمىسا كېرەك، بۇ 20-ئەسىرنىڭ 90-يىللىرى دۇنياغا كەلگەن 321 مېتىر ئېگىزلىكتىكى 56 قەۋەتلىك مېھمانساراي ئۆزىنىڭ ئۆزگىچىلىكى، دەرىجىدىن تاشقىرى ھەشەمەتلىكى، ھەربىر قۇرۇلۇش ھالقىلىرىنىڭ ئىنتايىن نەپىسلىكى بىلەن دۇنيادىكى ئەڭ نادىر قۇرۇلۇشلارنىڭ بىرى بولۇپ قالغان، شۇنداقلا ھەر قانداق بىر دەرىجىدىن تاشقىرى بايۋەتچىنىڭ چوقۇم بارىدىغان ساياھەت ئورنىغا ئايلانغان، ئۇنداقتا قېنى ھەممىمىز ئەشۇ دەرىجىدىن تاشقىرى مېھمانساراينىڭ قۇرۇلۇش تەپسىلاتلىرىنى كۆرۈپ چىقايلى

تەرجىمە قىلغۇچى : ئەركان خوتەنى

Bruno Mars ئامېرىكا ھاۋاي شىتاتىدىكى ۋېيكىكى ئارىلىدا تۇغۇلۇپ ئۆسكەن، ئۇ كىچىكىدىن تارتىپلا مايكېل جېكسون قاتارلىق ناخشا چولپانلىرىنىڭ ناخشىلىرىنى دوراپ ئېيتىشقا ئامراق بولۇپ 17 يېشىدىن باشلاپ تاغىسىنىڭ تۈرتكىسىدە لوس ئانجىلىسقا كۆچۈپ كېلىپ ئۆزىگە خاس مۇزىكا ئۇسلۇبى ئۈستىدە ئىزدىنىشكە باشلىغان، نەچچە قېتىملاپ مەغلۇپ بولۇش ھەم ئۈمىدسىزلىنىشتىن كېيىنمۇ يەنە بوشاشماي ئاخىرى 2008-يىلدىن باشلاپ بۇ كەسىپتە نەتىجە قازىنىشقا باشلىغان، تۆۋەندە ھەممىمىز بۇ تىرىشچان ناخشىچىنىڭ تۆۋەندىكى ناخشىسىدىن تەڭ ھوزۇرلىنايلى

تەرجىمە قىلغۇچى : ۋاسكىتبول گۈزىلى

بېتىمىزنى زىيارەت قىلىپ كېلىۋاتقان تورداشلار بەلكىم ئۆتكەندە ئۇيغۇربەگنىڭ تەرجىمىسىدە كەڭ تورداشلارغا سۇنۇلغان رۇسىيەلىك ناخشىچى ئالېكساندىر رىيباك ئورۇنلىغان «ياۋروپا ئاسمىنى» دېگەن ناخشىنى ئاڭلىغان بولۇشى مۇمكىن، بۇ قېتىم كەڭ تورداشلارنىڭ ھوزۇرىغا ئۆزىنىڭ شوخ ناخشىلىرى بىلەن كۆپكە تۇنۇلغان بۇ رۇس ناخشىچىنىڭ 2009-يىللىق ياۋروپا تېلېۋىزىيەسى ئورۇنلاشتۇرغان ناخشا مۇسابىقىسىدە نورۋىگىيەگە ۋاكالىتەن قاتنىشىپ چىمپىيۇنلۇققا ئېرىشكەن ناخشىسى «چۆچەك» نى سۇندۇق، ياقتۇرغايسىلەر

تەرجىمە قىلغۇچى : ئەركان خوتەنى

بالىلار ھېكايىسى ھەممىمىزنىڭ ئۆسۈپ يېتىلىشىدە ئىنتايىن مۇھىم رول ئوينايدۇ، ئەشۇ سەبى ۋاقىتلىرىمىزدا بىز پەقەت شۇ بالىلار ھېكايىسى ئارقىلىق نۇرغۇن ئاددى بىلىملەرنى ئۆگىنىمىز، دۇنياغا داڭلىق دىسنىي شىركىتىمۇ بالىلارنىڭ شۇ پىسخىكىسىغا ئاساسەن نۇرغۇنلىغان بالىلار ھېكايىسىنى كارتون فىلىم قىلىپ ئىشلەپ چىقىپ نۇرغۇنلىغان بالىلارنىڭ ياقتۇرۇپ كۆرۈشىگە ئېرىشكەنىدى، تۆۋەندە ھەممىمىز شۇ بالىلىقىمىزدا تولا ئاڭلىغان ھېكايىلەردىن بىرى بولغان تۆۋەندىكى كارتون فىلىمدىن تەڭ ھوزۇرلىنايلى

تەرجىمە قىلغۇچى : ش.ئە.ئۇيغۇرى

كونىلار «كىشىنىڭ يۇرتىدا سۇلتان بولغۇچە ئۆز يۇرتۇڭدا ئۇلتان بول» دەپ بىكار ئېيتمىغان، مەيلى سىز قەيەرگىلا بارماڭ، ئۆز يۇرتىڭىزدىكى بىر چىمدىم تۇپراقنىڭمۇ ئۆزگە يۇرتلاردىكى كېسەك ئالتۇندىن قىممەتلىك ئىكەنلىكىنى ھېس قىلىسىز، يۇرت سۆيگۈسى، ۋەتەن سۆيگۈسى ھەر قانداق سۆيگۈدىنمۇ ئۇلۇغ سۆيگۈدۇر، ئۇنداقتا ھەممىمىز تۆۋەندىكى ۋىتاسنىڭ يۇرت سۆيگۈسى تەسۋىرلەنگەن ناخشىسىغا بىرلىكتە جۆر بولايلى

تەرجىمە قىلغۇچى : LUCKEY BOY

ھىندىستان فىلىملىرى يېقىنقى بىر قانچە يىلدىن بۇيان ئەسلىدىكى كونا فىلىم ئىشلەش رامكىسىدىن تەدرىجى بۆسۈپ چىقىپ كىشىلەرنىڭ دىققىتىنى قايتىدىن ئۆزىگە قاراتماقتا، تۆۋەندىكى RA.One فىلىمىمۇ شۇ قاتاردىكى فىلىملەردىن بولۇپ، شاھرۇكخاننىڭ ئۆزىنىڭ كىنو شىركىتى غايەت زور مەبلەغ سېلىپ ئىشلىگەن فانتازىيىلىك فىلىمدۇر، ئاساسلىق كۆرۈنۈشلىرى بومباي، بېرلىن، كۇئالا لۇمپۇر، لوندون قاتارلىق جايلاردا ئېلىنغان، فىلىم 2010-يىلى 10-ئايدا ھىندىستان ۋە دۈبەي قاتارلىق ئورۇنلاردا قويۇلۇپ خېلى يامان ئەمەس بېلەت كىرىمى ياراتقان، ئۇنداقتا تۆۋەندە ھەممىمىز بۇ ھىندىستاننىڭ ئۆزگىچە فىلىمىدىن ھوزۇرلىنايلى…

تەرجىمە قىلغۇچى : ئەركان خوتەنى

بلوگىمىزنى زىيارەت قىلىپ كېلىۋاتقان تورداشلار باشقا مىللەتلەرنىڭ نۇرغۇن ئېسىل ناخشىلىرىدىن ھوزۇرلىنىش بىلەن بىرگە بېكىتىمىزنىڭ ئىسلام مەدھىيەلەنگەن نادىر كۈيلەرنىمۇ دوستلارنىڭ ھوزۇرىغا سۇنۇۋاتقانلىقىمىزدىن بىخەۋەر ئەمەس ئەلۋەتتە،تۆۋەندە ئىسلامى كۈيلەردىن يەنە بىر قانچىنى دوستلارنىڭ ھوزۇرىغا سۇندۇق، ياقتۇرۇپ ئاڭلىغايسىلەر

تەرجىمە قىلغۇچى : دىلارا ، ئەركان خوتەنى

گەرچە زامان تەرەققىياتىغا ئەگىشىپ ئىشلەنگەن كىنو-فىلىملەر بولسۇن ۋە ياكى كارتونلار بولسۇن ئاجايىپ يۇقىرى پەن-تېخنىكا ئاساسىدا مەيدانغا كەلگەن بولسىمۇ ئەمما بىزگە نىسبەتەن ئاددى ئىشلەنگەن بولسىمۇ يەنىلا شۇ كىچىك ۋاقىتلىرىمىزدا كۆرگەن كارتون فىلىملەر ياكى كىنولار يەنىلا بىر خىل يېقىشلىق تۇيۇلاتتى، بەلكىم بۇ ياشنىڭ چوڭىيىشىغا ئەگىشىپ بالىلىقنى سېغىنىشتىن سەۋەبىدىن پەيدا بولغان سىزىممۇ ۋە ياكى باشقا سەۋەبمۇ بارمۇ بۇنى بىلمىدىم، تۆۋەندە يەنە شۇ كىچىك ۋاقتىمىزدا كۆرگەن كارتون فىلىملەردىن بىرى بولغان «باتۇر سانشىرو» ناملىق كارتون فىلىمنىڭ مۇقەددىمە ناخشىسىنى ئېلىپ كەلدىم، ياقتۇرغايسىلەر

ياپونچىدىن تەرجىمە قىلغۇچى : FLASH BOY