ياپراق سۆزلەيدۇ
-1-
رىزا ئىستەر كىشى ھەرتاڭ قەدەملەرگە،
سەۋەب مۇتلەق كۆزى چۈشكەن سەنەملەرگە؛
ئىشق ئالەمگە نىشاندۇر سەمەندەرگە،
نادان بولما شىپا ئىزدەپ ئەلەملەرگە.
ئەيش خىلۋەتتە مەي ئىچسە غېرىب دىللار،
كەيب ئەۋجىدە سايرايدۇ كېكەچ تىللار؛
ۋىسال ئەپسۇس، پىراققا ئاشىنا يىللار،
ۋۇجۇد قەسرى بىخۇد بولما بەھەملەرگە.
يەكۈن ھاسىل ھىلالنىڭ چېھرىگە باقسام،
كېچە بۇلبۇل پىغانىغا قۇلاق ياقسام؛
نىگاھ چەشمە قىيانىدا بىدار ئاقسام،
سابا بەرگەي بىشارەتنى سەھەرلەرگە.
ھەۋەس پەيلى نىيەتلەرگە بېرەر ئىمكان،
زەكىي جانلار دىدار دەمگە تۈزەر پەيمان؛
جاھان مەككار قىلار ئىنئام ماڭا ئەپغان،
بىراق مەندە پۇشايمان يوق قەسەملەرگە.
ئاقار دەريا، كېزەر يۇلتۇز، نەزەر ئاتەش،
يۈرەك زەرداب، كۆزۈم ياشلىق، ئۈنۈم نالەش؛
قىلار شۈبھە ئەقىدەمگە ئاۋام-دىلكەش،
تەبەسسۇملۇق نىدايىم بار بەشەرلەرگە.
نىھايەت كۆزلىمەڭ چەكسىز سەپەرلەرگە،
بولۇپ غاپىل چېقىن چاغلىق ھەشەملەرگە؛
بەخت زاھىر نىسىپ ئەھلى بىغەملەرگە،
نەزەر تاشلاڭ مەجاز كۇللىي كەرەملەرگە.
-2-
رىۋايەتكە سەۋەب بولسا كۆيۈك قىسمەت،
قىيامەتتە يەكۈن تاپقاي بۈيۈك ھېكمەت؛
ئۆتەر ئۆمرۈم مالاللىقتا سۈرۈپ ئىشرەت،
نېتەي، كۆڭلۈم ئارامىغا يىراق خىلۋەت؟
ئەقىل لالدۇر كۆزۈم يۇمسام سۈكۈت ئەيلەپ،
ئۇچارمەن يار بىلەن كۆكتە ئۈزۈپ-لەيلەپ؛
ئاقار ئۈنسىز يېشىم شۇ چاغ مېنى بەزلەپ:
غېرىب جانغا ياراشقايمۇ بۆلەك ھىممەت؟
ياغار يامغۇر زېمىن چاڭقاپ يېرىلغاندا،
ئۈنەر چۇغلۇق ئاڭا ئىشقىم قېتىلغاندا؛
قىزىلگۈل سۈبھىدە قات-قات ئېچىلغاندا،
ئالار قوينىغا بۇلبۇلنى نېچۈن غەپلەت؟
ھارارەتتە تۇرار ياشناپ جاھان شۇنچە،
نازاكەتتە قىلار مەپتۇن ئەنە غۇنچە؛
ئىنايەتلەر كۈلۈپ تۇرسا ماڭا مۇنچە،
نادانلىقمۇ تەلەپ قىلماق يەنە شەپقەت؟
ئامال يوقتۇر ئەبەدلىككە ئامانەتتە،
ئەزەل ئالەم بىپەرۋادۇر داۋامەتتە؛
شۈكۈر ئەيلەپ نېسىۋەمگە ئىتائەتتە،
ئۆتەرمەنمۇ دەقىقەمدە كۈتۈپ پۇرسەت؟
نەزەر ساھىب سۈكۈتلەردىن ئالار لەززەت،
ئىشارەتلەر ئاڭا بەرگەچ يەكۈن-ھەيرەت؛
ئۆزۈم زەرجان، كۈنۈم ئىمكان، ئايان مەقسەت،
ئەجەب ھال ھە! خىيال قىلسام يەنە جەننەت؟
-3-
رەقەم ئوتتۇزغا سەپ تۈزدى پىراق ئەشمەم،
دىدار پەيتى قۇچاق ئاچماي قىيان چەشمەم؛
قارار تاپقاي مۇشەققەتتە ئۇدۇم سەبرەم،
جۇنۇنلار مەنزىلى بولغاي غېرىب قەبرەم.
ئەجەبلەنمەڭ ئىشق سەۋداسى مەيلىمدۇر،
نىھان ئۈزمەك كەيپ بەھرىدە پەزلىمدۇر؛
پىراق ئەھلى سىرىم ئەندازى خەيلىمدۇر،
بىھۇشلۇق ئىلكىدە ئۆتكەي كۈنۇ ھەپتەم.
ياشام قەدرى كامال تاپقاي پىدالىقتا،
ئايان بولغاي نىگار كۆڭلى ۋىدالىقتا؛
ئىزىم يوقتۇر، سۆزۈم يوقتۇر رىيالىقتا،
زىبا ۋەسفىڭ ئۈچۈن قايناق ۋاپا بەزمەم.
ھۆكۈم مۇتلەق سەبىر ئەمدۇر ئەقىدەمگە،
دىلىم مۇشتاق سىرى جەمدۇر قەسىدەمگە،
نىيەت كامىل، گۇمان ياتتۇر كەلىمەمگە،
سۈزۈكلۈكتە ئاڭا تىمسال زىلال شەبنەم.
ئامان بولسا جېنىم تەندە، كۆزۈم سەندە،
ئەبەد ئالىي سۈپەت بولغاي نىھان ئەھدە،
بەخت بىلگەي بۇ قىسمەتنى ئەلى بەندە،
شۇچاغ نائىل زەپەرلەرگە ھايات پەللەم.
نەپەس يالقۇن چاچار، ئەپسۇس ئۆتەر دىلغەم،
شىپالىق بەرمىگەي ئۆزگە شېكەر مەلھەم؛
شۈكۈر ئەيلەي چۈشۈمدە بولغۇسى ھەمدەم،
ھىدى رەيھان، كۆزى چولپان، مېنىڭ ئەركەم.
2013/06/06
2013/06/05
2013/06/04
2013/06/04
2013/05/24
2013/05/24
2013/05/24
2013/05/24
- خۇشخۇي:
بۇ بۆلەكتىن بىلىشىمچە ياخشى چىققان رومانكەن. ھەزرەتئىلىنىڭ ت
- غازى:
ئۆزلۈك پايانىغا سەپەر قىلدىم
- Adeline K. Sampson:
رەھمەت ئاكا، «يىگىرمە پارچە مۇھەببەت لېرىكىسى ۋە بىر ئۈمىدسى
- خۇشخۇي:
ئالدى بىلەن «چۈشتاق تور پۈتۈكلىرى»تورى ئۇسلۇبىنىڭ يېڭىلانغان
- تۈركزات:
شائىر ئوسمانجان ساۋۇتنىڭ ئانا تىل ھەققىدىكى شېئىرىنى ئوقۇپ ي
- ئاتىلار، خەنجەر ئوسمانجان ساۋۇت، ئانا تىل ئىجادىيەت، خاسلىق ئىجادىيەت، يازغۇچى ئىجادىيەت، يازغۇچى، قەلەم ئىمىن تۇرسۇن، شېئىر ئۆز، رومكا، شامال ئۆزلۈك ئۈندىدار ئەدەبىيات، ئىستىل ئەدەبىيات، بىمەنە ئەدەبىيات، نادىر، ئالىيجاناب باغنا، يايلاق باھار، شېئىر بۇلاق، سۆيگۈ بېي داۋ، تۇيغۇ بەخت، فىلىم تار كوچا، پوۋېست تارىم تارىم، ئەدەبىيات تۇلپار، ئەسەر، پوۋېست تېڭىرقاش، ياشاش، ھېكمەت تەرجىمە، شېئىر تەنقىد، بايقاش تەنھالىق، ئالۋۇۇن جىبران، شەپە جەننەت، ئەما خازان، كىتاب دادام رومان، ۋاڭ ئەنيى رىيۇ ئەنكىم زاھىر ئابدۇراخمان سايە، تەنھالىق، يېتىم سوسۇر، ئانا تىل سوسۇر، ئەدەبىيات شائىر، ئاۋام، قەلب شۈ جىمو، شېئىر، تەبىئەت شېئىر، ئانا، ۋاقىت شېئىر، تەرجىمە شېئىر، شامال، ئۆلۈم شېئىر، ماكان شەھەر، غېرىبلىق غوجىمۇھەممەد غېرىپ، ساراڭ قار، يار قىسمەت، مۇھەببەت كاتلىن راينى، شېئىر كۆز، دادام كۆز، گۈل كۆكلەم، چىمەن مويەن، نوبېل مۇھەممەد خېۋىر مېھىر، ئىران نەسىر، تەرجىمە نەسىر، تەرجىمە، سىرلىق يالعۇز يايلاق، خاتىرە يۇرتۇم، بەشكېرەم پابلو نېرۇدا، شېئىر پەرھات تۇرسۇن چۈشتاق گوركى، ۋاقىت ۋىسال، ھىجران، پەسىل، ئەركەم
ئۇشبۇ شېئىرنى كىچىكىپ ئوقۇپتىمەن،ئىسىل چىققان شېئىر. كىلاسسىك شېئىرلىرىمىزدىكى سۆزلەرمۇ ئۇشبۇ شېئىرىڭىزدىن ئۆز ئورنىنى تېپىپتۇ،ئوقۇغان ئادەمگە ئۆزگىچە تۇيغۇ ئاتا قىلىدىكەن.