ئاپتورى: چۈشتاق
كېسىلدى بىر دەرەخ، چېچىلدى ئارمان،
مۇھەببەت ئەسلىدە قايماس تىغمىدى.
قەشقەرگە يول ئالدى سۈبھىدە كارۋان،
كېچىگە بىر جاننىڭ ئىشقى سىغمىدى.
ئۇزاتتى ئۈرۈمچى ئاق يول تىلىمەي،
تەسەللىي بەردى جان ئوغلۇم كېكەچلەپ.
ئانامنىڭ كۆزىدە چۆكمەي-لەيلىمەي،
تۆت يۇلتۇز ئېسەدەر ئەجەب خىرەلەپ.
سەپەردە شۇ كارۋان قۇمدەك سايرىدى،
تىڭشىدۇق سۇ بولۇپ ئانام ئىككىمىز.
قۇياشنىڭ تەپتى دەل پاسىل ئايرىدى،
يۇلتۇزنىڭ زارىغا تولغان ئىلكىمىز.
چۆللەردە چايقىلىپ سوغۇق زىيالار،
تاشلارمۇ بىپەرۋا كۆزىدە باقتى.
ياڭرىسا يېنىمدا ئۈنسىز نىدالار،
تېنىمگە ياپراقتەك تىترەكمۇ ئاقتى.
مەنمۇ ھەم بىر كۈنلەر نۇرغا ئايلىنىپ،
بۇ يولدا يىگانە قايتىشىم ئېنىق.
مەيلى مەن ھاياتنى كۈيلەي چىڭقىلىپ،
ئەجەلنىڭ رەڭلىرى شۇنچىلىك قېنىق.
يىراققا قارايمەن كۆزلىرىم غۇۋا،
ئالۋۇنغا مىنگىشىپ ئەتەم قاچىدۇ.
مەن بۈگۈن كارۋاندىن بولدۇم ھە جۇدا،
پەسلىمگە بۇ ھىجران قىيام چاچىدۇ.
كارۋاننىڭ پايانى قەشقەردىن يىراق،
شۇ يىراق جاي ئىسمى يېشىل رىۋايەت.
ھەر ئىزدا مىڭ بەدەل، يەنە مىڭ قىناق،
تالدۇردى ئاتمىش ئۈچ يىللىق مالامەت.
ئۆمۈرگە بىھاجەت سۈپەت، شىكايەت،
بۇ يولنىڭ ئاخىرى دېمەك باشلىنىش.
ھەممىگە تالىقتۇر خاس بىر ھېكايەت،
يوقلۇققا ئاشىقتەك بەردەم تاشلىنىش.
※ ※
سەپەرنىڭ سەبرىسى قەشقەردە تاشتى،
تۆكۈلدى سامادىن يەتتە كۈن پىراق.
زېمىندا بىر ئۆسەك ئەپسانە ئاشتى،
قۇياشنى مات قىلغان بۇ قانداق سىناق.
داۋزىغا سېلىنغان قۇلۇپ دات بوپتۇ،
كۆزۈمنى تورلىدى باراڭلىق ھويلا.
ئۆيىمىز ئەمدىكىم بىزگە يات بوپتۇ،
دېمەيمەن، يۈرىكىم شۇ چاغ نە ئويدا.
※ ※
كارۋاننى ئۇزاتماق بولۇپ سەپ تۈزدۇق،
ئۆلۈمنى كۈيلىدۇق پىنھان شىۋىرلاپ.
ئەتىنى كۆز ياشلار ئىچىدىن سۈزدۇق،
خوش دېدۇق ۋاقىتلىق، يەڭگىل پىچىرلاپ.
ئەجەلنىڭ كۆزىگە ئاۋايلاپ چاچتىم،
قولۇمدا تىترىگەن بىر سىقىم جاننى.
تۇپراققا ئايلىنىپ ئۆزۈمدىن قاچتىم،
ئەسلىدىم كىندىكىم يوقاتقان قاننى.
※ ※
ئۆزۈمنى ئىزلىدىم، كۆزۈم ئازىدۇ،
بېشىنى چايقايدۇ توپىلىق يوللار.
ھەر بەندە ھاياتتا بىر سۆز يازىدۇ،
قېنى مەن ئىشەنگەن مېھرىبان قوللار.
ئۇچۇڭلار شاماللار قوللارغا دەڭلار،
كۆزۈمدە ئاقمىسۇن، سۆزدە ساتمىسۇن.
ئۇچۇڭلار شاماللار غەملەرنى يەڭلار،
ئىشەنگەن تاغلاردا كىيىك ياتمىسۇن.
※ ※
قەشقەردە كارۋان يوق قەشقەردە ئاقسام،
ھەسرەتكە لەت قىلار ھايات دېگەن ئوق.
قەشقەردە كارۋان بار قەشقەرگە باقسام،
يىراقتا ياشايمەن كۈنلەر كۆڭۈل توق.
2013/06/06
2013/06/05
2013/06/04
2013/06/04
2013/05/24
2013/05/24
2013/05/24
2013/05/24
- خۇشخۇي:
بۇ بۆلەكتىن بىلىشىمچە ياخشى چىققان رومانكەن. ھەزرەتئىلىنىڭ ت
- غازى:
ئۆزلۈك پايانىغا سەپەر قىلدىم
- Adeline K. Sampson:
رەھمەت ئاكا، «يىگىرمە پارچە مۇھەببەت لېرىكىسى ۋە بىر ئۈمىدسى
- خۇشخۇي:
ئالدى بىلەن «چۈشتاق تور پۈتۈكلىرى»تورى ئۇسلۇبىنىڭ يېڭىلانغان
- تۈركزات:
شائىر ئوسمانجان ساۋۇتنىڭ ئانا تىل ھەققىدىكى شېئىرىنى ئوقۇپ ي
- ئاتىلار، خەنجەر ئوسمانجان ساۋۇت، ئانا تىل ئىجادىيەت، خاسلىق ئىجادىيەت، يازغۇچى ئىجادىيەت، يازغۇچى، قەلەم ئىمىن تۇرسۇن، شېئىر ئۆز، رومكا، شامال ئۆزلۈك ئۈندىدار ئەدەبىيات، ئىستىل ئەدەبىيات، بىمەنە ئەدەبىيات، نادىر، ئالىيجاناب باغنا، يايلاق باھار، شېئىر بۇلاق، سۆيگۈ بېي داۋ، تۇيغۇ بەخت، فىلىم تار كوچا، پوۋېست تارىم تارىم، ئەدەبىيات تۇلپار، ئەسەر، پوۋېست تېڭىرقاش، ياشاش، ھېكمەت تەرجىمە، شېئىر تەنقىد، بايقاش تەنھالىق، ئالۋۇۇن جىبران، شەپە جەننەت، ئەما خازان، كىتاب دادام رومان، ۋاڭ ئەنيى رىيۇ ئەنكىم زاھىر ئابدۇراخمان سايە، تەنھالىق، يېتىم سوسۇر، ئانا تىل سوسۇر، ئەدەبىيات شائىر، ئاۋام، قەلب شۈ جىمو، شېئىر، تەبىئەت شېئىر، ئانا، ۋاقىت شېئىر، تەرجىمە شېئىر، شامال، ئۆلۈم شېئىر، ماكان شەھەر، غېرىبلىق غوجىمۇھەممەد غېرىپ، ساراڭ قار، يار قىسمەت، مۇھەببەت كاتلىن راينى، شېئىر كۆز، دادام كۆز، گۈل كۆكلەم، چىمەن مويەن، نوبېل مۇھەممەد خېۋىر مېھىر، ئىران نەسىر، تەرجىمە نەسىر، تەرجىمە، سىرلىق يالعۇز يايلاق، خاتىرە يۇرتۇم، بەشكېرەم پابلو نېرۇدا، شېئىر پەرھات تۇرسۇن چۈشتاق گوركى، ۋاقىت ۋىسال، ھىجران، پەسىل، ئەركەم
شىئىرىڭنى ئۇقۇپ كۆزلىرىم نەملەشتى ئاكا……………………………………..