(مۇۋەششەھ)
ئاپتورى: چۈشتاق
باياۋان ئىزىمنى ئوقۇيدۇ تىمتاس،
پەللىگە يەتكۈزگەي سەن بەرگەن چىدام.
ئەبەدلىك مەيلىمسەن بەندىگە تىنماس،
بېھىشنىڭ ئەندازى بەشكېرەم يېزام.
ئەسەبلەر تىترىگەي ئەسلەرگە ئاقساڭ،
قىيامدۇر ھەرپلەر سۆيگۈڭ دەستىدە.
ياپراقنىڭ دەردىگە قۇلاقنى ياقساڭ،
شىۋىرلار ئانا يەر قوينۇڭ قەستىدە.
شىپالىق تاپمىغان يىرىڭلىق يارام
ساقىيار، داۋادۇر جەننەت باغلىرىڭ.
ئاققاندا بىخۇدلۇق ياشلىرىم تارام،
مەڭزىمنى سىلىغاي مېھىر تاغلىرىڭ.
كەزسەممۇ ئالەمنى ئېشىپ مىڭ داۋان،
قاراقتا قاتمىغاي ئەللەر سىياقى.
سەرسانلىق كۈنلەرنىڭ چىرايى سامان،
جېنىمنى تىغلىغاي ئىشقىڭ پىراقى.
ئېيتىلماس ناخشا بار باغرىڭنى سۆكسەم،
بوۋامنىڭ كۆزىدىن تامغان يادىكار.
ئەسلىمگە ئىنتىلىپ خىيالغا چۆكسەم،
ئاۋازسىز بىر ئاھاڭ جانغا تاقىشار.
رىۋايەت كۆكلىگەن قەدىم بىشارەت
تەئەججۈپ چۆلىگە كۆڭلۈم تاشلىغاي.
قىسمىتىڭ ئەقلىمگە يانداپ ئىشارەت،
ھېكمەتنىڭ بابىدىن ساۋاق باشلىغاي.
ئەيىبتە قارايغان چىرايدا مەن يوق،
قەددىمگە راۋادۇر سەن بەرگەن غۇرۇر.
تۇزكورغا سۆز قاتسام ئاغزىمدۇر پۇچۇق،
ئەلەسكە ئوخشايمەن ئىزدىسەم قۇسۇر.
مۇھەببەت-نەپرىتىم سەن بەرگەن ئۇدۇم،
مەككارغا ئىشتىياق بەرمەس دەقىقەم.
مۇقەددەس مۈلكىمدۇر ساڭا خاس خۇيۇم،
ھەققىڭگە تالىقتۇر ئالماس ئەقىدەم.
***********************
2013/06/06
2013/06/05
2013/06/04
2013/06/04
2013/05/24
2013/05/24
2013/05/24
2013/05/24
- خۇشخۇي:
بۇ بۆلەكتىن بىلىشىمچە ياخشى چىققان رومانكەن. ھەزرەتئىلىنىڭ ت
- غازى:
ئۆزلۈك پايانىغا سەپەر قىلدىم
- Adeline K. Sampson:
رەھمەت ئاكا، «يىگىرمە پارچە مۇھەببەت لېرىكىسى ۋە بىر ئۈمىدسى
- خۇشخۇي:
ئالدى بىلەن «چۈشتاق تور پۈتۈكلىرى»تورى ئۇسلۇبىنىڭ يېڭىلانغان
- تۈركزات:
شائىر ئوسمانجان ساۋۇتنىڭ ئانا تىل ھەققىدىكى شېئىرىنى ئوقۇپ ي
- ئاتىلار، خەنجەر ئوسمانجان ساۋۇت، ئانا تىل ئىجادىيەت، خاسلىق ئىجادىيەت، يازغۇچى ئىجادىيەت، يازغۇچى، قەلەم ئىمىن تۇرسۇن، شېئىر ئۆز، رومكا، شامال ئۆزلۈك ئۈندىدار ئەدەبىيات، ئىستىل ئەدەبىيات، بىمەنە ئەدەبىيات، نادىر، ئالىيجاناب باغنا، يايلاق باھار، شېئىر بۇلاق، سۆيگۈ بېي داۋ، تۇيغۇ بەخت، فىلىم تار كوچا، پوۋېست تارىم تارىم، ئەدەبىيات تۇلپار، ئەسەر، پوۋېست تېڭىرقاش، ياشاش، ھېكمەت تەرجىمە، شېئىر تەنقىد، بايقاش تەنھالىق، ئالۋۇۇن جىبران، شەپە جەننەت، ئەما خازان، كىتاب دادام رومان، ۋاڭ ئەنيى رىيۇ ئەنكىم زاھىر ئابدۇراخمان سايە، تەنھالىق، يېتىم سوسۇر، ئانا تىل سوسۇر، ئەدەبىيات شائىر، ئاۋام، قەلب شۈ جىمو، شېئىر، تەبىئەت شېئىر، ئانا، ۋاقىت شېئىر، تەرجىمە شېئىر، شامال، ئۆلۈم شېئىر، ماكان شەھەر، غېرىبلىق غوجىمۇھەممەد غېرىپ، ساراڭ قار، يار قىسمەت، مۇھەببەت كاتلىن راينى، شېئىر كۆز، دادام كۆز، گۈل كۆكلەم، چىمەن مويەن، نوبېل مۇھەممەد خېۋىر مېھىر، ئىران نەسىر، تەرجىمە نەسىر، تەرجىمە، سىرلىق يالعۇز يايلاق، خاتىرە يۇرتۇم، بەشكېرەم پابلو نېرۇدا، شېئىر پەرھات تۇرسۇن چۈشتاق گوركى، ۋاقىت ۋىسال، ھىجران، پەسىل، ئەركەم
ىۇددى بەشكېرەمدە تۇغۇلۇپ ئۆسكەندەكلا تېتىملىق يېزىۋېتىپسىز بۇ شېئىرنى…
…دەكلا ئەمەس، بەشكىرەم ئوغلىمەن.
بۇ شېئىرنى ئىلگىرىكى چۈشتاق مۇنبىرىدە ئوقۇغان بولساممۇ، بۇ قېتيىم ئوقۇسام يەنىلا يېڭى تۇيۇلدى.