تەئەججۈب داغلىرى
تەۋە تۈر:
شېئىرلىرىم | يوللانغان ۋاقتى:
2011/11/09 | كۆرۈلۈشى:
1,473 قېتىم
بېشىمدا مىڭ سەۋدا، ئالىيار چالام،
تاپ بېسىپ كېلىدۇ ئالۋۇن لەشكىرى.
پەسلىمنى رەڭلەيدۇ يالتىراق سالام،
كۈتكەنگە بويلىماس ئەجىر چەشلىرى.
قىسمەتنىڭ قىينىقى چاچانكىم تامام،
ئەجەبكىم، ھاياتقا مۇھەببەت داۋام.
ھەۋەسنىڭ قولىدا كۆزۈم تېشىلەر،
ئەقلىمنى ئىلغايدۇ ئالدىمدا ئاچال.
باشتىكى تۈگۈنلەر ئەمەس يېشىلەر،
قايسى چاغ مەلئۇنغا بولدۇممەن قامال.
شەلۋەرەپ تۇرىدۇ ساقايماس يارام،
ئەجەبكىم، ھاياتقا مۇھەببەت داۋام.
چۈشۈمنى بۇزغىنى ئەمەستۇر ئەجەم،
قۇلاقنى يىرتىدۇ يېڭى بىر ئاھاڭ.
تىلىمغا تۇزكوردۇر قەغەزدە قەلەم،
بوۋامنىڭ كۆزىدە مەن چوقۇم ساراڭ.
قاراقتا مۇڭ بولۇپ قاتىدۇ بالام،
ئەجەبكىم، ھاياتقا مۇھەببەت داۋام.
قولۇمغا ئېسىلغان قول ئەمەس سېنىڭ،
پېشىمنى تارتىدۇ پاسىقنىڭ پەيلى.
رايىڭنى ياندۇرغان يول ئەمەس مېنىڭ،
لەنەتكە ئورىساڭ، دېگەيمەن مەيلى.
كۈندە مىڭ چىشلىنەر توۋىدا ياقام،
ئەجەبكىم، ھاياتقا مۇھەببەت داۋام.
خېتىمنى كېكەچلەپ ئوقۇيدۇ تەستە،
سەپەردە تاللىغان مەڭگۈلۈك قاياش.
مەيلىمنى ئۇتالماس گۈللەردىن دەستە،
يىرتىلغان يۈرەككە نە كېرەك ياماش.
كۆڭۈلگە ياقمىغاي بىر بوغۇم كالام،
ئەجەبكىم، ھاياتقا مۇھەببەت داۋام.
رەقىبكە ئاياندۇر كۆڭلۈم ساماسى،
سىرىمنى يايغىنى قول بەرگەن ئاداش.
قېنىمغا قېتىلماس شەپقەت تاماسى،
ئىتلارغا راۋاكەن تىنماستىن تالاش.
ئۆسەكنىڭ باغرىدا بىنەزەر ئارام،
ئەجەبكىم، ھاياتقا مۇھەببەت داۋام.
تىكەندەك ياشىغان دەملىرىم بولغان،
قېرىنداش مېھرىكەن ئەسلىدە ئاتەش.
ئالايسا تونۇش كۆز، چىرايىم سولغان،
چېچىلغان يۇلتۇزدەك قىلىپ مەن نالەش.
بالانى كۆرسەتتى ياندىكى ئاغام،
ئەجەبكىم، ھاياتقا مۇھەببەت داۋام.
ئەتىنىڭ ئەپتىنى سىزالماس پەرەز،
تاك سەھەر ھويلىدا قاغا قاقىلدار.
تاپقاننى تەڭ يىگەن ئۇقمىدى غەرەز،
توپىدا تويغۇسى نەپسى تاقىلدار.
نەچارە، يىغامنى يىغلايدۇ ئانام،
ئەجەبكىم، ھاياتقا مۇھەببەت داۋام.
بىر رەقەم ئوتتۇزدا سىزىلدى تەمكىن،
بار بىلەن يوقلۇقنىڭ ئارىسى نۆلدۇر.
ئېيتمىغان شۇ سۆزلەر كىملەرگە ئەمكىن،
سۇ ئىچكەن كۆللەرمۇ ئەسلىدە چۆلدۇر.
كەچمىشلەر ئاياندۇر ياشتا بىر تارام،
ئەجەبكىم، ھاياتقا مۇھەببەت داۋام.
قۇياشقا تىكىلدىم، گۇناھكار كۆزۈم،
باھانە ئىلكىدە تالاي سەپسەتە.
غېرىبلىق قەستىدە پۈتۈلگەن سۆزۈم،
بەندىگە نەھاجەت ھەشەم-دەبدەبە.
يوق گۇمان بىۋىسال يۈتىدۇ قارام،
ئەجەبكىم، ھاياتقا مۇھەببەت داۋام.
ئۆزۈمنى چۇۋۇيمەن كۈندە مىڭ قېتىم،
قولۇمغا چىقىدۇ يەنە مىڭ سوئال.
ئەزەلدە ئاشۇنداق بويالغان بېتىم،
كىم ماڭا مۇلايىم، كىم شۇنچە قوپال.
كۆرگۈلۈك بار تېخى پۈتكىچە ياشام،
ئەجەبكىم، ھاياتقا مۇھەببەت داۋام.
يېڭى يازمىلار
ئابدۇرىھېم ئابدۇللا
ئاستىمدا شارقىراپ دەريا ئاقىدۇ،
ئېشىپ بارماقتىمەن بىر تىك داۋاندىن.
ئالدىمدا بىر سۇنۇق قىلىچ ياتىدۇ،
بىلمەيمەن يادىكار قايس...
جۇڭگو ھازىرقى زامان ئەدەبىياتىدىكى داڭلىق ئايال يازغۇچى ۋاڭ ئەنيىنىڭ «نادامەت» «长恨歌» ناملىق رومانى جەمئىي 3 قىسىم 12بابتىن تۈزۈلگەن بولۇپ، رومان...
بلوگىمىزدىكى رەڭدار ئەسەرلەرنىڭ تارقىلىش يوللىرىنى كېڭەيتىش مەقسىتىدە بلوگىمىزنىڭ ئۈندىدار ئاممىۋى سۇپىسى ئېچىلىپ، ھازىرغىچە 60قا يېقىن نادىر ئەسەر...
چۈشتاق تور پۈتۈكلىرى نامىدىكى بلوگىمىز ئېچىلغان 2يىلدىن بۇيان ئىزچىل خاسلىقىنى ساقلاپ كەلگەن ئاساستا، بلوگ ئىگىسىنىڭ ئىجادىي ۋە تەرجىمە ئەسەرلىرىنى...
ھەزرەتئەلى ئەخەت تەرجىمىسى
نەم شامال
ئۆتەڭدىكى يېشىل شامال
يوقلۇق ۋە سۇنى يۈكلەپ،
ئاپەتلەرگە يۈزلىنىدۇ.
قۇتقۇزۇش پۇلىدەك نېپىز
خۇرۇ...
ئاپتورى: سوسۇر
ھەزرەتئەلى ئەخەت تەرجىمىسى
1
ئىنسانىيەتنىڭ ئوخشىمىغان مەدەنىيەتلەر ئوتتۇرىسىدىكى ئالاقىسى باشلانغاندىن تارتىپ، ئىنسانلارنىڭ ئوخشى...
ئاپتورى: سوسۇر
ھەزرەتئەلى ئەخەت تەرجىمىسى
1
ئەدەبىيات مۇقەددەس بىر كەسپ، بىز ئەدەبىيات قەسىرىگە قەدەم ئېلىشقا ھەقىقىي مۇشەررەپ بولالىساقلا، ئىنس...
ئاپتورى: ۋاڭ مېڭ
ھەزرەتئەلى ئەخەت تەرجىمىسى
2012-يىلى مويەن دۇنيا كۆز تىككەن نوبېل ئەدەبىيات مۇكاپاتىغا ساھىب بولغاندىن كېيىن، خىلمۇخىل...
ئىنكاسلار
- خۇشخۇي: بۇ بۆلەكتىن بىلىشىمچە ياخشى چىققان رومانكەن. ھەزرەتئىلىنىڭ ت
- غازى: ئۆزلۈك پايانىغا سەپەر قىلدىم
- Adeline K. Sampson: رەھمەت ئاكا، «يىگىرمە پارچە مۇھەببەت لېرىكىسى ۋە بىر ئۈمىدسى
- خۇشخۇي: ئالدى بىلەن «چۈشتاق تور پۈتۈكلىرى»تورى ئۇسلۇبىنىڭ يېڭىلانغان
- تۈركزات: شائىر ئوسمانجان ساۋۇتنىڭ ئانا تىل ھەققىدىكى شېئىرىنى ئوقۇپ ي
خەتكۈشلەر
- ئاتىلار، خەنجەر ئوسمانجان ساۋۇت، ئانا تىل ئىجادىيەت، خاسلىق ئىجادىيەت، يازغۇچى ئىجادىيەت، يازغۇچى، قەلەم ئىمىن تۇرسۇن، شېئىر ئۆز، رومكا، شامال ئۆزلۈك ئۈندىدار ئەدەبىيات، ئىستىل ئەدەبىيات، بىمەنە ئەدەبىيات، نادىر، ئالىيجاناب باغنا، يايلاق باھار، شېئىر بۇلاق، سۆيگۈ بېي داۋ، تۇيغۇ بەخت، فىلىم تار كوچا، پوۋېست تارىم تارىم، ئەدەبىيات تۇلپار، ئەسەر، پوۋېست تېڭىرقاش، ياشاش، ھېكمەت تەرجىمە، شېئىر تەنقىد، بايقاش تەنھالىق، ئالۋۇۇن جىبران، شەپە جەننەت، ئەما خازان، كىتاب دادام رومان، ۋاڭ ئەنيى رىيۇ ئەنكىم زاھىر ئابدۇراخمان سايە، تەنھالىق، يېتىم سوسۇر، ئانا تىل سوسۇر، ئەدەبىيات شائىر، ئاۋام، قەلب شۈ جىمو، شېئىر، تەبىئەت شېئىر، ئانا، ۋاقىت شېئىر، تەرجىمە شېئىر، شامال، ئۆلۈم شېئىر، ماكان شەھەر، غېرىبلىق غوجىمۇھەممەد غېرىپ، ساراڭ قار، يار قىسمەت، مۇھەببەت كاتلىن راينى، شېئىر كۆز، دادام كۆز، گۈل كۆكلەم، چىمەن مويەن، نوبېل مۇھەممەد خېۋىر مېھىر، ئىران نەسىر، تەرجىمە نەسىر، تەرجىمە، سىرلىق يالعۇز يايلاق، خاتىرە يۇرتۇم، بەشكېرەم پابلو نېرۇدا، شېئىر پەرھات تۇرسۇن چۈشتاق گوركى، ۋاقىت ۋىسال، ھىجران، پەسىل، ئەركەم
ئەزا مەركىزى
راۋان چىقىپتۇ، ماڭا يارىدى
بۇ شېئىرنى قانچە قېتىم ئوقىدىم، ھەر قېتىم ئوقىغىنىمدا تەئەجۈپلىرىم كۆپەيدى….مەزمۇن ۋە پىكىرنىڭ ئۆزگىرىشىدىكى تېزلىككە يېتىشمەكچى بولدۇم، يېتىشەلمىدىم….
شىئىرلىرىڭىز ھەققىەتەن ئۆزگىچە ئىكەن .
راستىنلا ياخشى چىقىپتۇ بۇ شىئىر
ئوسمانجان ساۋۇتچە تىل ئۇسلۇبى ئەكىس ئېتىپتۇ. مېنىڭچە بۇنى يەنىمۇ ئىجابىي داۋاملاشتۇرۇش كېرەك.
رەھمەت ئوۋچى، قەلەم تۇتقانلارغا خاسلىق يار بولغاي…
لەرزان، يېنىك، راۋان.
باشقا شېئىرلىرىڭىزدىن ئۆزگىچىلىككە ئىگە بوپتۇ. سىزگگ قۇت بولسۇن!