ئۇنتۇشنىمۇ ئۆگىنىۋېلىڭ

  ھايات مۇساپىمىزدە ئەسلەش ، ئۇنتۇش دېگەنلەر بولۇپ تۇرىدۇ . بىزدە گۈزەل ئەسلىمىلەرنى قالدۇرغان ئىش ، شەخسلەرنى دائىم ئەسلەپ تۇرۇشىمىز زۆرۈربولغىنىدەك ، يەنە بەزىدە « ئۇنتۇپ كېتىش »مۇ ئوخشاشلا زۆرۈر . پىسىخولوگلارنىڭ قارىشىچە ، بەزى كۆڭۈلسىز ئىش ، ۋەقە ، شۇنىڭدەك ئادەملەرنى ئۇنتۇپ كېتىشكىشىنىڭ روھىي كەيپىياتىنى ياخشىلاشقا ،بولۇپمۇ نورمال روھىي كەيپىياتىنى ساقلاشقا پايدىلىق ئىكەن . 

  دەرۋەقە ، قايغۇ - ھەسرەت ، غەم - ئەندىشىلىرىمىز تۈنۈگۈنگەمەنسۇپ بولۇپ ، ھەرگىزمۇ ئەتىمىزدىن دېرەك بەرمەيدۇ . شۇڭا باشقىلارنىڭ سىزگە كەلتۈرگەنئاۋارىچىلىقلىرىنى ، كۆڭلىڭىزنى رەنجىتكەن ئىشلارنى ، ئەسلەشنى خالىمايدىغان ئەسلىمىلەرنىئەڭ ياخشىسى ئۇنتۇپ كېتىڭ . سەمىڭىزدە بولسۇن ، ئاللىقاچان ئۇنتۇپ كەتكەن ئىشلاردىن زارلىنىپ ، ۋاقتىڭىزنى ئىسراپ قىلماي ، بۈگۈنكىئەمەلىي ئىشلار ئۈچۈن كۈچ چىقىرىڭ ، چۈنكى تۈنۈگۈنكى مەغلۇبىيىتىڭىز ھەرگىزمۇ سىزنىڭ كارغاكەلمەيدىغانلىقىڭىزدىن دېرەك بەرمەيدۇ . ساۋاقلار قوبۇل قىلىنغان رېئاللىقتىكى ھەر بىرئەھمىيەتلىك ئىش ئەتە ئۈچۈن ئېلىنغان مۇھىم قەدەمدۇر .

  دانالار « ۋاقىتنىڭ قەدىمى ئۈچ خىل بولىدۇ . بۇلار كەلگۈسى __ لاغايلاپ كېچىكىپ كېلىدۇ ، بۈگۈن __ ناھايىتى تېزلا قولدىن كېتىدۇ ، ئۆتمۈش __ تۇرغان يېرىدىن مەڭگۈ قىمىرلىمايدۇ » دەپ تولىمۇ جايىدا ئېيتقان . دەرۋەقە « تۈنۈگۈن » ، « بۈگۈن » ۋە« ئەتە » دىن ئىبارەت بۇ ئۈچ ھالقائىچىدە ئەڭ مۇھىمى يەنىلا بۈگۈن ، چۈنكى ئادەمنىڭ ھەقىقىي ياشايدىغان ۋاقتى تۈنۈگۈنمۇ ئەمەس ، ئەتىمۇ ئەمەس ، دەل بۈگۈندۇر. بۈگۈنننىڭ ئىچىدىكى ئەڭ مۇھىم ۋاقىت ھازىر بولۇپ تۈنۈگۈن ئۆتۈپ كەتتى، ئەتە تېخى يېتىپ كەلمىدى. پەقەت بۈگۈننىڭ ئىچىدىكى ھازىرلا سىزگە تەۋە .
  گەرچە ئۇنتۇش ئاسان بولمىسىمۇ ، بىراق ئىنساننىڭ گۈزەل ئەتىسى بۈگۈن ئارقىلىق پۈتۈپ چىقىدىغان بىنادۇر ، ئۇ ھەرگىزمۇئۆتمۈشىڭىزگە باقىۋەندە ئەمەس . شۇڭا مەسلىھەت شۇكى ، ئۇنتۇشنىمۇ ئۆگىنىپ قويۇڭ .

  مەنبە: قاشتېشى تورى