تەكشۈرۈش دوكلاتى

(فېليەتون)
 

ئۇچار قاناتلارنىڭ پادىشاھى قارچۇغا، قۇشقاچ، سېغىزخان ۋە قاغىنىڭ خىزمەتلىرىنى تەكشۈرۈشكە ئىككى گۇرۇپپا ئەۋەتىپتۇ. ئىككى گۇرۇپپىنىڭ تەكشۈرۈش دوكلاتى ئاسمان-زىمىن پەرق قىلىدىكەن.

بىرىنچى گۇرۇپپىدىكىلەرنىڭ تەكشۈرۈش نەتىجىسى مۇنداقكەن:
قارچۇغا: ئۆزىنى چوڭ تۇتىدىغان ھاكاۋۇركەن، ئاممىۋىي ئاساسى يوقكەن.

قۇشقاچ: پىتنە-پاسات تېرىپلا تۇرىدىكەن، گەپ توشۇپ، چېقىمچىلىق قىلىپ، ئارىغا بۆلگۈنچىلىك سېلىشقا خۇشتاركەن.

سېغىزخان: مەيدانى يوقكەن، ياخشىچاق بولىمەنلا، دەپ تۇرىدىكەن.

قاغا: غەيۋەتخور بىر نېمىكەن.
 

ئىككىنچى گۇرۇپپىدىكىلەرنىڭ تەكشۈرۈش نەتىجىسى مۇنداقكەن:
قارچۇغا: كەسپىي سەۋىيىسى يۇقۇرى، ئالغا ئىنتىلىش روھى كۈچلۈككەن.

قۇشقاچ: ئاساسىي قاتلامغا چوڭقۇر چۆكۈدىكەن، ئاممىۋىي ئاساسى ياخشىكەن.

سېغىزخان: يولداشلار بىلەن ئىتتىپاقلىشىشقا ماھىركەن، ئاممىنىڭ ئىنكاسى ياخشىكەن.

قاغا: پرىنسىپچىلكەن، خەققە يامان بولۇپ قېلىشتىن قورقمايدىكەن.

مەنبە: «نەسىرلەر» ژۇرنىلىنىڭ 2004-يىل 20-سانى.

ئاپتورى: خۇاڭ پىڭ
تەرجىمىدە: ئابلاجان تۇردى