پوچېرىكىڭىزدىن خاراكتېرىڭىزنى بىلگىلى بولىدۇ

  سىز بەزى دۆلەتلەردە خىزمەت ئىزدىسىڭىز ، ئادەم ئىشلەتكۈچى ئورۇنلار چوقۇم سىزنى خەت يازدۇرۇپ ، پوچېرىكىڭىزنى تەكشۈرىدۇ. چۈنكى ، پوچېرىكىڭىزغا قاراپ ، سىزنىڭ شۇ خىزمەتكە ماس كېلىدىغان - كەلمەيدىغانلىقىڭىزنى بىلگىلى  بولىدۇ.

   يېقىندا  پوچېرىكا تەتقىقاتچىلىرى مۇنداق دەپ كۆرسەتتى : پوچېرىكا يۈرەك كېسىلى ، راك قاتارلىق كېسەللىكلەرنىڭ ئالامەتلىرىنى كۆرسىتىپ بېرىشتە مۇھىم قورالغا ئايلىنىش مۇمكىن . ئۇ يەنە كىشلەرنىڭ كەيپىياتىدىكى ئۆزگىرىشلەرنى ئېچىپ بېرەلەيدۇ.

   پوچېرىكا تەتقىقاتى بىلەن 20 يىل شوغۇللانغان پاتيرشامايىن خانىم داڭلىق پوچېركا مۇتەخەسىسى ، ئۇ بىر ئادەمنىڭ پوچېرىكىسىغا قاراپ ، شۇ ئادەمنىڭ خاراكتېرى ، تەن ساپاسى ، ئىجتىمائي ئورنى ، مەدەنىيە سەۋىيسىنى بىلىۋالغىلى بولىدۇ، دەپ قارايدۇ . ئۇنىڭ قارىشچە ، بىر ئادەمنىڭ پوچېرىكىسىغا ئاساسەن ، ئۇنىڭ قايسى كەسىپكە بەكرەك ماس كېلدىغانلىقىنىمۇ بىلگىلى بولىدىكەن .

   پوچېرىكا مۇتەخەسسىلىرىنىڭ قارىشىچە ، ھىيلىگەر ، قۇۋ ئادەملەر خەت يازغاندا ، ھەرپنى ئېنىق يازماي ، تۈز سىزىققا ئوخشىتىپ يازىدىكەن ؛ ئۆزىنىڭ ماھىيتىنى يوشۇردىغانلار ، سىر ساقلايدىغانلار خەتنى چوڭ يازىدىكەن ؛ ئىنكاسى ئۆتكۈر ، لېكىن ئېغىر - بېسىق كىشلەر خەتنى بوش يازىدىكەن ؛ يەككە - يېگانە يۈرۈشنى ياخشى كۆردىغانلار ھەرپلەرنى بىرىكتۈرۈپ يازماي ، ئايرىپ يازىدىكەن ؛ ئۆزىنى تۆۋەن كۆرىدىغان ، چۈشكۈن ، روھىي بېسىمى ئېغىر كىشلەر خەتنى بەك كىچىك يازىدىكەن .

« تەرمىلەر گېزىتى » دىن