ﻣﯧﯟﻩ- ﭼﯧﯟﯨﻨﯩﯔ ﺋﻮﺯﯗﻗﻠﯘﻕ ﻗﯩﻤﻤﯩﺘﻰ ﻳﯘﻗﯩﺮﻯ ﺑﻮﻟﯘﭘﻼ ﻗﺎﻟﻤﺎﻱ، ﺳﺎﻻﻣﻪﺗﻠﯩﻜﻜﯩﻤﯘ ﻛﯚﭖ ﭘﺎﻳﺪﯨﺴﻰ ﺑﺎﺭ، ﺋﻪﻣﻤﺎ ﺳﺎﻻﻣﻪﺗﻠﯩﻜﻜﻪ ﭘﺎﻳﺪﯨﺴﻰ ﺑﺎﺭ ﺩﻩﭘﻼ، ﻣﯧﯟﯨﻨﻰ ﻗﺎﻻﻳﻤﯩﻘﺎﻥ ﺋﯩﺴﺘﯧﻤﺎﻝ ﻗﯩﻠﯩﺸﻘﺎ ﺑﻮﻟﻤﺎﻳﺪﯗ. ﻣﯧﯟﯨﻨﻰ ﻗﺎﻧﭽﻪ ﻛﯚﭖ ﻳﯧﺴﻪ ﺷﯘﻧﭽﻪ ﻳﺎﺧﺸﻰ ﺩﻩﻳﺪﯨﻐﺎﻥ ﺧﺎﺗﺎ ﻗﺎﺭﺍﺷﺘﺎ ﺑﻮﻟﻤﺎﺳﻠﯩﻖ ﻛﯧﺮﻩﻙ.
▲ﺑﺎﻧﺎﻥ ﺗﯧﺮﯨﻨﻰ ﮔﯜﺯﻩﻟﻠﻪﺷﺘﯜﺭﯛﭘﻼ ﻗﺎﻟﻤﺎﻱ، ﭼﺎﭼﻨﻰ ﻗﺎﺭﺍﻳﺘﯩﺪﯗ، ﺋﯚﻣﯜﺭﻧﻰ ﺋﯘﺯﺍﺭﺗﯩﺪﯗ، ﻧﯧﺮﯞﺍ ﻗﺎﻻﻳﻤﯩﻘﺎﻧﻠﯩﺸﯩﺶ، ﻗﺎﻥ ﺗﻮﻣﯘﺭ ﻗﯧﺘﯩﺸﯩﺸﻨﯩﯔ ﺋﺎﻟﺪﯨﻨﻰ ﺋﺎﻟﯩﺪﯗ، ﺑﺎﻧﺎﻥ ﻳﻪﻧﻪ ﺋﺎﺷﻘﺎﺯﺍﻥ ﻳﺎﺭﯨﺴﯩﻨﯩﯔ ﺋﻪﯓ ﻳﺎﺧﺸﻰ ﺩﻭﺭﯨﺴﻰ، ﺋﻪﻣﻤﺎ ﺑﺎﻧﺎﻧﻨﯩﯔ ﺗﻪﺭﻛﯩﺒﯩﺪﻩ ﻣﺎﮔﻨﯧﻲ ﺑﯩﺮ ﻗﻪﺩﻩﺭ ﻛﯚﭖ، ﺋﯘﻧﻰ ﭘﺎﻳﺪﺍ ﻗﯩﻠﯩﺪﯗ ﺩﻩﭘﻼ ﺑﻪﻙ ﻛﯚﭖ ﺋﯩﺴﺘﯧﻤﺎﻝ ﻗﯩﻠﺴﺎ، ﻗﺎﻧﺪﯨﻜﻰ ﻣﺎﮔﻨﯧﻴﻨﻰ ﻛﯚﭘﻪﻳﺘﯩﯟﯦﺘﯩﭗ، ﺑﺎﺵ ﻗﯧﻴﯩﺶ، ﻣﺎﻏﺪﯗﺭﺳﯩﺰﻟﯩﻨﯩﺸﻼﺭﻧﻰ ﭘﻪﻳﺪﺍ ﻗﯩﻠﯩﺪﯗ. ﺋﯩﭽﻰ ﺳﯜﺭﯛﯞﺍﺗﻘﺎﻧﻼﺭ، ﺋﺎﺷﻘﺎﺯﺍﻥ ﻛﯩﺴﻼﺗﺎﺳﻰ ﺋﺎﺭﺗﯩﭗ ﻛﯧﺘﯩﺶ ﻛﯧﺴﯩﻠﯩﮕﻪ ﮔﯩﺮﯨﭙﺘﺎﺭ ﺑﻮﻟﻐﺎﻧﻼﺭ ﺑﺎﻧﺎﻥ ﺋﯩﺴﺘﯧﻤﺎﻝ ﻗﯩﻠﻤﺎﺳﻠﯩﻘﻰ ﻛﯧﺮﻩﻙ.

▲ﺋﺎﻟﻤﺎ ﻳﯜﺭﻩﻛﻨﻰ ﻳﺎﺷﺎﺭﺗﯩﭗ، ﺗﻪﻧﮕﻪ ﻗﯘﯞﯞﻩﺕ ﺑﻮﻟﯩﺪﯗ، ﺋﯘﺳﺴﯘﺯﻟﯘﻗﻨﻰ ﻗﺎﻧﺪﯗﺭﯗﭖ، ﺋﺎﺷﻘﺎﺯﺍﻥ ﯞﻩ ﺗﺎﻟﻨﻰ ﺳﺎﻏﻼﻣﻼﺷﺘﯘﺭﯨﺪﯗ، ﺋﯩﭻ ﺳﯜﺭﯛﺷﻨﻰ ﺗﻮﺧﺘﯩﺘﯩﭗ ﺗﻪﺭﻩﺗﻨﻰ ﺭﺍﯞﺍﻧﻼﺷﺘﯘﺭﯨﺪﯗ، ﺋﻪﻣﻤﺎ ﺋﺎﻟﻤﺎ ﻛﯚﭖ ﺋﯩﺴﺘﯧﻤﺎﻝ ﻗﯩﻠﯩﻨﺴﺎ ﺑﯚﺭﻩﻛﻨﻰ ﺯﻩﺋﯩﭙﻠﻪﺷﺘﯜﺭﯨﺪﯗ. ﺷﯘﯕﺎ ﺑﯚﺭﻩﻙ ﻳﺎﻟﻠﯘﻏﻰ، ﺩﯨﺌﺎﺑﯩﺖ ﻛﯧﺴﯩﻠﻰ ﯞﻩ ﺗﺎﺟﯩﺴﯩﻤﺎﻥ ﻳﯜﺭﻩﻙ ﻛﯧﺴﯩﻠﯩﮕﻪ ﮔﯩﺮﯨﭙﺘﺎﺭ ﺑﻮﻟﻐﯘﭼﯩﻼﺭ ﺋﺎﻟﻤﯩﻨﻰ ﻛﯚﭖ ﺋﯩﺴﺘﯧﻤﺎﻝ ﻗﯩﻠﻤﺎﺳﻠﯩﻘﻰ ﻛﯧﺮﻩﻙ.

▲ﺋﺎﻧﺎﺭﻧﯩﯔ ﻳﯚﺗﻪﻟﻨﻰ ﭘﻪﺳﻪﻳﺘﯩﺶ، ﺋﯩﭻ ﺳﯜﺭﯛﺷﻨﻰ ﺗﻮﺧﺘﯩﺘﯩﺶ ﯞﻩ ﻗﺎﻥ ﺗﻮﺧﺘﯩﺘﯩﺶ ﺧﯘﺳﯩﺴﯩﻴﻪﺗﻠﯩﺮﻯ ﺑﺎﺭ، ﮔﯧﻠﻰ ﺩﺍﺋﯩﻢ ﻗﯘﺭﯗﻳﺪﯨﻐﺎﻥ، ﺧﯩﻠﯩﺘﻰ ﻳﯧﺘﯩﺸﻤﻪﻳﺪﯨﻐﺎﻧﻼﺭ ﺋﺎﻧﺎﺭ ﻳﻪﭖ ﺑﻪﺭﺳﻪ، ﻛﯧﺴﯩﻠﯩﮕﻪ ﺷﯩﭙﺎ ﻗﯩﻠﯩﺪﯗ. ﺋﺎﻧﺎﺭ ﻳﻪﻧﻪ ﺋﯩﺸﺘﯩﮭﺎﻧﻰ ﺋﯧﭽﯩﭗ، ﮬﻪﺯﯨﻢ ﻗﯩﻠﯩﺸﻘﺎ ﻳﺎﺭﺩﻩﻡ ﺑﯧﺮﯨﺪﯗ، ﻳﯚﺗﻪﻝ، ﻳﯘﻗﯩﺮﻯ ﻗﺎﻥ ﺑﯧﺴﯩﻢ، ﺋﺎﺗﯧﺮﯨﻴﻪ ﻗﯧﺘﯩﺸﯩﺶ، ﺟﯩﮕﻪﺭ ﻳﺎﻟﻠﯘﻏﻰ ﻗﺎﺗﺎﺭﻟﯩﻖ ﻛﯧﺴﻪﻟﻠﻪﺭﮔﻪ ﺋﯜﻧﯜﻣﻠﯜﻙ ﺷﯩﭙﺎ ﻗﯩﻠﯩﺪﯗ، ﺋﻪﻣﻤﺎ ﺋﺎﻧﺎﺭﻧﻰ ﺑﻪﻙ ﻛﯚﭖ ﻳﯧﺴﻪ، ﭼﯩﺸﻘﺎ ﯞﻩ ﺋﯚﭘﻜﯩﮕﻪ ﺗﻪﺳﯩﺮ ﻗﯩﻠﯩﺪﯗ.

▲ﻧﻪﺷﭙﯜﺕ ﺋﯚﭘﻜﯩﻨﻰ ﻳﺎﺷﺎﺭﺗﯩﭗ، ﺋﯘﺳﺴﯘﺯﻟﯘﻗﻨﻰ ﺑﺎﺳﯩﺪﯗ، ﺋﯩﺴﺴﯩﻘﻨﻰ ﻗﺎﻳﺘﯘﺭﯨﺪﯗ، ﺋﯩﺴﺴﯩﻘﺘﯩﻦ ﺑﻮﻟﻐﺎﻥ ﻳﯚﺗﻪﻝ، ﻗﻪﯞﺯﯨﻴﻪﺕ، ﻗﺎﻥ ﺑﯧﺴﯩﻤﻰ ﻗﺎﺗﺎﺭﻟﯩﻖ ﻛﯧﺴﻪﻟﻠﻪﺭﮔﻪ ﺋﯜﻧﯜﻣﻠﯜﻙ ﺷﯩﭙﺎ ﻗﯩﻠﯩﺪﯗ، ﺷﯘﻧﺪﺍﻗﻼ ﺟﯩﮕﻪﺭ ﻳﺎﻟﻠﯘﻏﻰ، ﺟﯩﮕﻪﺭ ﻗﯧﺘﯩﺶ ﻗﺎﺗﺎﺭﻟﯩﻖ ﻛﯧﺴﻪﻟﻠﻪﺭﮔﻪ ﻣﯘﭘﺘﯩﻼ ﺑﻮﻟﻐﯘﭼﯩﻼﺭ ﺋﯜﭼﯜﻥ ﺋﯧﺴﯩﻞ ﺩﻭﺭﺍ ﮬﯧﺴﺎﺑﻠﯩﻨﯩﺪﯗ. ﻟﯧﻜﯩﻦ ﻧﻪﺷﭙﯜﺗﻨﯩﻤﯘ ﻛﯚﭖ ﺋﯩﺴﺘﯧﻤﺎﻝ ﻗﯩﻠﺴﺎ، ﻣﯩﺠﻪﺯﻧﻰ ﺑﯘﺯﯗﭖ ﮬﯚﻟﻠﯜﻛﻨﻰ ﺋﺎﺷﯘﺭﯨﯟﯦﺘﯩﺪﯗ. ﺑﻮﻟﯘﭘﻤﯘ ﺷﯚﻟﮕﯩﻴﻰ ﺋﺎﻗﯩﺪﯨﻐﺎﻧﻼﺭ، ﺋﯩﭽﻰ ﺳﯜﺭﯨﺪﯨﻐﺎﻧﻼﺭ، ﮬﯚﻝ ﺳﻮﻏﯘﻕ ﺗﻪﺑﯩﺌﻪﺗﺘﯩﻜﯩﻠﻪﺭ ﻧﻪﺷﭙﯜﺗﺘﯩﻦ ﭘﻪﺭﮬﯩﺰ ﺗﯘﺗﯩﺸﻰ ﻛﯧﺮﻩﻙ.

▲ﺋﺎﭘﯧﻠﺴﯩﻦ ﺋﯘﺳﺴﯘﺯﻟﯘﻗﻨﻰ ﻗﺎﻧﺪﯗﺭﯗﭖ، ﺋﯚﭘﻜﯩﻨﻰ ﻳﺎﺷﺎﺭﺗﯩﺪﯗ، ﮬﻪﺯﯨﻢ ﻗﯩﻠﯩﺸﻘﺎ ﻳﺎﺭﺩﻩﻡ ﺑﯧﺮﯨﭗ ﺗﺎﻟﻨﻰ ﻗﯘﯞﯞﻩﺗﻠﻪﻳﺪﯗ، ﻗﺎﻥ ﺑﯧﺴﯩﻤﻨﻰ ﭼﯜﺷﯜﺭﯨﺪﯗ. ﺗﺎﺟﯩﺴﯩﻤﺎﻥ ﻳﯜﺭﻩﻙ ﻛﯧﺴﯩﻠﯩﮕﻪ ﮔﯩﺮﯨﭙﺘﺎﺭ ﺑﻮﻟﻐﯘﭼﯩﻼﺭﻏﺎ ﭘﺎﻳﺪﯨﺴﻰ ﻛﯚﭖ. ﺋﯘ ﻳﻪﻧﻪ ﻗﯧﺮﯨﺸﻨﯩﯔ ﺋﺎﻟﺪﯨﻨﻰ ﺋﯧﻠﯩﭗ، ﺋﯚﻣﺮﯨﻨﻰ ﺋﯘﺯﺍﺭﺗﯩﺪﯗ، ﮬﺎﺭﻏﯩﻨﻠﯩﻘﻨﻰ ﭘﻪﺳﻪﻳﺘﯩﭗ، ﻗﺎﻧﻨﻰ ﺭﺍﯞﺍﻧﻼﺷﺘﯘﺭﯨﺪﯗ. ﺋﻪﻣﻤﺎ ﺋﺎﭘﯧﻠﺴﯩﻨﻨﻰ ﻛﯚﭖ ﻳﯧﺴﻪ، ﻳﺎﻧﺪﯗﺭﯗﺵ، ﺋﯩﺸﺘﯩﮭﺎﺳﻰ ﺗﯘﺗﯘﻟﯘﺵ، ﻣﺎﻏﺪﯗﺭﺳﯩﺰﻟﯩﻨﯩﺶ ﻗﺎﺗﺎﺭﻟﯩﻖ ﺋﺎﻻﻣﻪﺗﻠﻪﺭ ﻛﯚﺭﯛﻟﯩﺪﯗ.

ﻛﯧﻠﯩﺶ ﻣﻪﻧﺒﻪﺳﻰ :ﺷﯩﻨﺠﺎﯓ ﺧﻪﻟﻖ ﺭﺍﺩﯨﺌﻮ ﺋﯩﺴﺘﺎﻧﺴﻰ ﺗﻮﺭﻯ