21-يانۋار، ھىندونېزىيەنىڭ جاكارتادىن باندۇڭغىچە بولغان يۇقىرى سۈرئەتلىك تۆمۈريولدا ئىش باشلاش مۇراسىمى دجاۋا ئۆلكىسىنىڭ ۋارىگنىدا ئۆتكۈزۈلدى.بۇ، جۇڭگو-ھىندونېزىيە تۆمۈريول ھەمكارلىقىدا زور نەتىجىنىڭ قولغا كەلتۈرۈلگەنلىكىدىن دېرەك بېرىدۇ. ھىندونېزىيە زۇڭتۇڭى جوكو، جۇڭگونىڭ دۆلەت كومىسسارى ۋاڭ يۇڭ قاتارلىق مۇراسىمغا قاتناشتى.

      جۇڭگو تۆمۈريول باش شىركىتى تەرەپنىڭ تونۇشتۇرۇشىچە، باندۇڭ-جاكارتا تۆمۈريولىنىڭ ئومۇمىي ئۇزۇنلۇقى 150 كىلومېتىر كېلىدىغان بولۇپ، ھىندونېزىيە پايتەختى جاكارتا ۋە 4-چوڭ شەھەر باندۇڭنى تۇتاشتۇرىدىكەن، لايىھەدىكى ئەڭ يۇقىرى سۈرئىتى 350 كىلومېتىرغا يېتىدىغان بولۇپ، ئۈچ يىلدا قۇرۇلۇش تاماملىنىش پىلانلانغان. بۇنىڭ بىلەن جاكارتادىن باندۇڭغىچە بولغان مۇساپە ھازىرقى ئۈچ سائەتتىن ئارتۇقراق ۋاقىتتىن 40 مىنۇتلارغا قىسقىرايدىكەن.