شىنجاڭ دۆربىلجىن ناھىيەسى تەۋەلىكىدە 27-ئاپرېل سائەت 6:00 ئەتراپىدا تۇيۇقىسىز قارا يامغۇر يېغىپ، ئۈش قاراسۇ دەرياسىنىڭ سۇ ئورنى ئۆرلەپ كېتىپ، ئۈش قاراسۇ بازىرى، قارائېمىل بازىرى، ئېمالغۇلىن موڭغۇل يېزىسى، جېلئاغاش بازىرىدىكى قىسمەن كەنت-ئەترەتلەرگە كەلكۈن كېلىپ، 30 مىڭ مو ئېتىزلىقنى سۇ بېسىپ كەتكەن، 60 دىن ئارتۇق ئائىلىنىڭ ئۆيى بۇزۇلغان، 60 دىن ئارتۇق ئائىلىنىڭ ئۆيىنى سۇ بېسىپ كەتكەن. نۆۋەتتە، ئادەم قازا قىلىش ۋە يارىلىنىش توغرىسىدا مەلۇمات بولمىغان، ئاپەتكە ئۇچرىغان 200 دىن ئارتۇق ئامما تارقاقلاشتۇرۇپ ئورۇنلاشتۇرۇلغان، قاپسىلىپ قالغان 36 ئادەم ئوڭۇشلۇق قۇتقۇزۇۋېلىنغان، خەتەردىن قۇتقۇزۇش، ئاپەتتىن كېيىنكى ئورۇنلاشتۇرۇش خىزمەتلىرى تەرتىپلىك ئېلىپ بېرىلىۋېتىپتۇ.