مېكسىكىدىكى مەلۇم بىر تېلىۋېزىيە ئىستانسىسى يېقىندا ئازتېك شەھىرىدە تاشقى پىلانت ئادىمى بايقالغانلىقى توغرىلىق كىشىنى ھەيران قالدۇرىدىغان بىر خەۋەرنى ئېلان قىلدى : خەۋەردە ئېيتىلىشىچە شۇ جايدىكى بىر دېھقانچىلىق مەيدانىدا نامەلۇم بىر غەلىتە مەخلۇق دېھقانلار قۇرغان قاپقانغا چۈشۈپ قالغان بولۇپ ، كۆرگۈچىلەر ئۇ مەخلۇقنىڭ ناھايىتى كىچىك ، يېتىلمىگەن بىر تاشقى پىلانت ئادىمىگە ئوخشايدىغانلىقىنى قەيت قىلىشقان . خەۋەردە يەنە شۇ چاغدىكى نەق مەيداندىن تارتىلغان بىر قىسىم سۈرەتلەر كۆرسىتىلگەن بولۇپ ، خەۋەر جەريانىدا يەنە مەزكۇر سۈرەت-كۆرۈنۈشلەرنىڭ ھەقىقىيلىقى قايتا-قايتا ئەسكەرتىلگەن .
ئەمەلىيەتتە بۇ ۋەقە 2007-يىلى يۈز بەرگەن بولۇپ ، نامەلۇم غەلىتە مەخلۇق بايقالغان جاي دەل مېكسىكىدىكى داڭلىق غايەت زور ئېتىز چەمبىرىكى ھاسىل بولغان جايغا يېقىن ئىكەن . ئاتالمىش <تاشقى پىلانت ئادىمى> بايقىلىپ ئۇزۇن ئۆتمەيلا ئۆلۈپ قالغان ھەمدە ھۆكۈمەت تەرەپتىن تەكشۈرۈپ تەتقىق قىلىشقا ئېلىپ كېتىلگەن . كېيىن بۇ ۋەقە ئۇزۇن مەزگىلگىچە سىر تۇتۇلۇپ كەلگەن بولسىمۇ لېكىن يېقىندا يەنە بىر قېتىم تىلغا ئېلىنىپ ئاخبارات ۋاستىلىرىنىڭ قىزىق نۇقتىسىغا ئايلىنىپ قالدى .
