يېقىندا ئامېرىكىلىق بىر ئوغۇل بالا دەريا بويىدا ئويناۋېتىپ تىمساھنىڭ ھۇجۇمىغا ئۇچراپ بىر قولى چىشلەپ ئۈزىۋېلىنغان بولسىمۇ ، لېكىن يەنە مۆجىزىلەرچە قولىنى تىمساھنىڭ قورسىقىدىن تېپىپ قايتۇرىۋالغان .
11-ئىيۇل كەچتە تىموسى ئىككى دوستى بىلەن فلورىدا شىتاتىدىكى بىر دەريا بويىدا سۇ ئويناۋاتقاندا كۈتۈلمىگەن يەردىن ئۇزۇنلۇقى 3 مېتردىن ئاشىدىغان بىر قىسقا تۇمشۇقلۇق تىمساھ ئېتىلىپ چىقىپ ئۇنىڭ بىر قولىنى بىلىكىدىنلا چىشلەپ ئۈزىۋالغان . ۋەقە يۈز بەرگەندىن كېيىن ساقچىلار تىك ئۇچار ئايروپىلان بىلەن تىموسىنى دوختۇرخانىغا ئېلىپ بېرىپ جىددىي قۇتقۇزۇش بىلەن بىر ۋاقىتتا يەنە ئۇنىڭغا ھۇجۇم قىلغان تىمساھنى تۇتۇپ كېلىپ ناركوز قىلغاندىن كېيىن قورسىقىنى يېرىپ ، ئاشقازىنىدىن تېخى ھەزىم قىلىشقا ئۈلگۈرمىگەن تىموسىنىڭ بىلىكىنى ئېلىپ دوختۇرخانىغا يەتكۈزۈپ بەرگەن . دوختۇرلارنىڭ ئىنچىكىلەپ تىكىشى ۋە كۆڭۈل قويۇپ ئاسرىشى بىلەن تىموسىنىڭ قولى پۈتۈنلەي ئۇلىنىپ ئەسلىگە كەلگەن . ئۇنىڭغا ھۇجۇم قىلغان تىمساھمۇ ھېچقانداق زىيان-زەخمەتكە ئۇچرىمىغان .
