يېقىندا روسىيىنىڭ سىبىرىيە رايونىدىكى چېننى كۆلى بويىدا ياشايدىغان ئاھالىلەر كۆل ئىچىدە نامەلۇم بىر خىل غەلىتە مەخلۇقنىڭ پەيدا بولۇپ قالغانلىقىنى ، شۇنداقلا كۆپ قېتىم ئادەملەرگە ھۇجۇم قىلغانلىقىنى ئىنكاس قىلغان ھەمدە ئالاقىدار تارماقلاردىن بۇ ئىشنى تەكشۈرۈپ بېقىشنى كۈچلۈك تەلەپ قىلغان .
كىشىلەرنىڭ ئېيتىشىچە ، بۇ مەخلۇقنىڭ بوينى چوڭ ھەم ئۇزۇن ، بەدىنى ئىنتايىن زور بولۇپ ، ئىلگىرى فرانسىيىدىكى نىس كۆلى ۋە ئېلىمىزدىكى قاناس كۆلىدە پەيدا بولغان غەلىتە مەخلۇقلارغا ئىنتايىن ئوخشىشىپ كېتىدىكەن . يېقىندا كۆپ قېتىم نامەلۇم مەخلۇقنىڭ يەرلىك بېلىقچىلار ۋە ساياھەتچىلەرگە ھۇجۇم قىلىش ۋەقەسى يۈز بەرگەن بولۇپ ، كىشىلەر غايەت زور مەخلۇقنىڭ ھۇجۇمغا ئۇچرىغۇچىلارنى كېمىدىن تارتىپ چۈشۈرۈپ پۈتۈنلا يۇتىۋەتكەنلىكىنى بايان قىلىشقان . ئۆتكەن 3 يىل ئىچىدە 19 ئادەم بۇ كۆلدە ئىز-دېرەكسىز يوقاپ كېتىپ ھازىرغىچە بىرەرسىنىڭمۇ جەسىتى تېپىلمىغان .
