ئىلقۇت تورى يانبىلوگ نەشرى

ئاممىۋى مۇناسىۋەت كىرىزىسى  ئاممىۋى مۇناسىۋەتتىكى كىرىزىسنى كۆرسىتىدۇ، ئۇ ئاممىۋى مۇناسىۋەتتىكى يېڭى بىر ئاتالغۇ. ئۇ بىر تەشكىلنىڭ ئىشلەپچىقىرىش ئىشلىرىنى نورمال داۋاملاشتۇرۇش، تەشكىلنىڭ مەۋجۇت بولۇپ تۇرۇش ۋە تەرەققىي قىلىشىغا تەھدىت پەيدا قىلىپ، شۇ سەۋەبتىن بۇ تەشكىلنىڭ  ئوبرازىغا دەخلى يەتكۈزىدىغان بەزى تۇيۇقسىز يۈز بەرگەن ئىشلارنى كۆرسىتىدۇ.

ئاممىۋى مۇناسىۋەت كىرىزىس ھادىسىلىرى ئىنتايىن كۆپ، مەسىلەن، باشقۇرۇش توغرا بولماسلىق، مۇداپىئەنىڭ يېتەرلىك بولماسلىقى، قاتناش ۋەقەسى قاتارلىقلار كەلتۈرۈپ چىقارغان ئېغىر ئۆلۈش-يارىلىنىش ۋەقەسى؛ زاۋۇتقا ئوت كېتىش، يېمەك-ئىچمەكتىن زەھەرلىنىش، ئۈسكۈنىلەرنىڭ ئادەم يارىلاندۇرۇشى قاتارلىقلار كەلتۈرۈپ چىقارغان ۋەقەلەر؛ يەر تەۋرەش، كەلكۈن، شامال ئاپىتى، چاقماق چېقىش ۋە باشقا تەبىئىي ئاپەتلەر كەلتۈرۈپ چىقارغان زىيان؛ مەھسۇلاتنىڭ سۈپىتى ۋە جەمئىيەت-تەشكىلىنىڭ سىياسىي-ھەرىكەتلىرى كەلتۈرۈپ چىقارغان نام شۆھرەت كىرىزىسى قاتارلىقلار. بۇ كىرىزىسلەر ياخشى بىر تەرەپ قىلىنمىسا، جەمئىيەتكە ئېغىر ئاقىۋەتلەرنى كەلتۈرۈپ چىقىرىدۇ.

شۇنداقلا، كىرىزىسلىق ئاممىۋى-مۇناسىۋەت تىنچ نۇقتىدىن قارىغاندا ئاپەت ۋە كىرىزىستىكى ئاممىۋى مۇناسىۋەتنى كۆرسىتىدۇ؛ ھەرىكەتچان نۇقتىدىن قارىغاندا، ئاممىۋى مۇناسىۋەتنىڭ كىرىزىستا تەرەققىي قىلىشى ۋە ئىشلىتىلىشى، يەنى كىرىزىسنى بىر تەرەپ قىلىش جەريانىدىكى ئاممىۋى مۇناسىۋەتتۇر.