ئاناتىلىم تورتۇراسى

版权声明：转载时请以超链接形式标明文章原始出处和作者信息及本声明
logs/36723225.html

ئالدىنقى قېتىم ئەلىئانا ئېلان كىرىمىنى تاپشۇرۇپ ئالغاندىن كېيىنكى تەسىراتىمنى بايان قىلىپ يازغان تېمنى كۆرگەندىن كېيىن تورداشلىرىمىزنىڭ قالدۇرغان ئىنكاسىدىن alipay نى تەستىقتىن ئۆتكۈزەلمىگەنلىك تۈپەيلى ئېلان كىرىمىنى نورمال ئالالمايۋاتقانلىقتەك ئەھۋالنىڭ مەۋجۇت ئىكەنلىك خەۋىرى كەلدى. مۇشۇ مۇناسىۋەت بىلەن پېقىر مۇناسىۋەتلىك تېمىلارنى كۆپ ئىزدەپ ئۇيغۇرچە تور بەتلەردە ئېلان قىلىنغان بۇ ھەقتىكى تېمىلارنىڭ دىگەندەك يېتەرلىك ئەمەسلىكىنى ھېس قىلدىم. بۇ مەسىلىگىگە قارىتا تەپسىلىي ھەل قىلىش ئەھۋالى ئەلىپاينىڭ ياردەم مەركىزىدە رەسىملىك قىلىپ چۈشەندۈرۈلگەن:  ،

http://help.alipay.com/support/help_detail.htm?help_id=1495&sh=null

يۇقىرىقى تېمىدا تىلغا ئېلىنغىنى كىملىكنىڭ ئېلىكتىرونلۇق نۇسخىسىنى تەلەپ قىلىدىغان ئۇسۇل بولغاچقا بىر قەدەر ئاۋارىچىلىقتەك بىلىنىدۇ. پېقىر ئەلىپاينى تەستىقتىن ئۆتكۈزگەندە يېڭىدىن يولغا قويۇلغان تەستىق ئۇسۇلى، يەنى يانفون ئارقىلىق تەستىقتىن ئۆتكۈزۈش ئۇسۇلىنى قوللانغان بولۇپ، مۇشۇ ئىلتىماس تۈرىنى تاللىغاندىن كېيىن يانفونغا بىر ئۇچۇر كېلىدۇ، شۇ ئۇچۇرنى تەستىق نۇمۇرى قىلىپ بەلگىلەنگەن ئورۇنغا توشقۇزسىلا بولىدۇ.

ئەھۋالدىن مەلۇم بولۇشىچە يەنە بەزى تورداشلىرىمىز بانكا كارتا ھېسابىغا ئەلىپاينى باغلاش باسقۇچىنىمۇ تاماملىمىغان. قائىدە بويىچە ئەلىپاي ئېلخەت ئادرىسى ئارقىلىق ئىلتىماس قىلىنىدۇ ۋە شۇ ئېلخەت ئادرىسى ئەلىپاي ئادرىسى قىلىپ ئىشلىتىلىدۇ، لېكىن بۇ ئادرىس قۇرۇق ئادرىس بولۇپ ھېچقانداق پۇل ئوبۇرۇتى قىلىشقا بولمايدۇ، بۇنىڭ ئۈچۈن سودا– سانائەت، سودا–ئىگىلىك ۋە ياكى قۇرۇلۇش بانكىلىرىنى ئاۋۋال ئويلىشىپ تۇرۇپ بانكا ھېساباتى ئاچقۇزۇپ بولغاندىن كېيىن تور بانكا ئىقتىدارىنىمۇ ئاشقۇزۇش كېرەك.(بۇ مۇلازىمەتنى بېجىرىش بىردەك ھەقسىز) چۈنكى بۇ بانكىلارنىڭ تور بانكا مۇلازىمەت تېخنىكىسى بىر قەدەر پىشقان بولۇپ تېز ۋە قولايلىق ھالدا ئەلىپاينى تەستىقتىن ئۆتكۈزىدۇ. تەستىقتىن ئۆتكۈزۈشتە سىز ئاۋۋال ئەلىپايدىن ئۇلايدىغان بانكا ھېسابىنى كىرگۈزۈپ ئىلتىماس سۇنىسىز. ئۇلار بەلگىلىك مۇددەت ئىچىدە ناھايىتى ئاز مىقداردا بانكا ھېسابىڭىزغا پۇل ئۇرىدۇ. بۇ پۇل نەچچە تىيىن بولۇپ، ئايرىم ھالدا ئىككى ھېسابات بويىچە يوللىنىدۇ. سىز بانكا ھېسابىنى تەكشۈرۈپ بۇ پۇلنىڭ ئېنىق سوممىسىنى بېكىتكەندىن كېيىن ئەلىپاينىڭ تەستىق ئىلتىماسى ئورنىدىن بۇ پۇلنىڭ قىممىتىنى كىرگۈزۈپ جەزىملەشتۈرسىڭىز بانكا ھېساباتى باغلانغان بولىدۇ. دېمەك ئەلىئانا ئېلانىنىڭ كىرىمىنى ئوڭۇشلۇق ئېلىش ئۈچۈن تۆۋەندىكى ئۈچ باسقۇچنى تاماملىشىڭىز كېرەك:

1.تور بانكا ئىقتىدار ئاچقۇزۇلغان بانكا كارتىسى ئىلتىماس قىلىش؛

2.ئەلىپاي ئىلتىماس قىلىش ۋە بانكا كارتىسىغا ئۇلاش تەستىقىدىن ئۆتكۈزۈش؛

3.ئەلىپاينىڭ ھەقىقىي سالاھىيەتنى ئېنىقلاش تەستىقىدىن ئۆتكۈزۈش؛

بۇ ئۈچ باسقۇچنى تولۇق تاماملاپ تەستىقتىن ئۆتكەن ئەلىپاي ھېسابىڭىز ئارقىلىق ئەلىئانا ئېلان كىرىمىنى ئېلىش ئىلتىماسى سۇنسىڭىز بولىدۇ.

ئالاھىيدە ئەسكەرتىش:  تورداشلىرىمىزغا نىسبەتەن بىر قىسىم رەسىملىك چۈشەندۈرۈش تېمىلىرىنى يوللاپ تولۇقلاش ئېلىپ بارساقمۇ لېكىن تور بانكا ھېساباتىنى تەكشۈرۈش قاتارلىق يۇقىرى مەخپىيەتلىك تەلەپ قىلىدىغان ئىشلارغا كەلگەندە يەنىلا قاتتىق ئېھتىياتچانلىق بىلەن ئىش تۇتمىساق بولمايدىغان بولغاچقا، بىخەتەرلىك ئېڭى تۆۋەن، خەنزۇتىلى سەۋىيەسى چەكلىك بولغان ۋە كومپىيۇتېرنى يېڭى ئۆگېنىۋاتقان دوستلارنىڭ ئالدىراپ تورخانا قاتارلىق ئاممىۋىي سورۇنلاردا يىنىكلىك بىلەن بىر قىسىم تېمىلارغا ئاساسلىنىپلا بۇ ھەقتىكى مەشغۇلاتلارنى ئېلىپ بارماسلىقىنى ئالاھىيدە ئەسكەرتىمىز!  

كۆپچىلىكنىڭ ئورتاق مەنپەئىتىنى ئويلىشىپ ئاناتىلىم تورتۇراسى بەزى تېخنىكىلىق مەسىللەردىن مەسلەھەت بەرگەندىن باشقا ھەرقانداق تۈردىكى ھېساباتلارنى ۋاكالىتەن بېجىرىپ بېرىش مۇلازىمىتىنى قوبۇل قىلمايدۇ، ھەمكارلاشقىنىڭىزغا كۆپ رەھمەت!