ئاناتىلىم تورتۇراسى

بۇ ئۇسلۇپ بەك چىرايلىقكەن ،مەن مۇشۇ ناخشىنى بىلوگىمدا قوياي دىگەن لىكىن قانداق قويۇشنى بىلەلمىدىم (كودنى قەيەرگە قويۇشنى بىلەلمىدىم ).
بىلوگىڭىز تىخىمۇ روناق تاپسۇن، رەھمەت!

ياردىمىڭىزگە كۆپ رەھمەت سىزنى كۆپ ئاۋارە قىلىپ قويدۇم مەنمۇ شۇنىڭغا ئېھتىياجلىق بولۇپ تۇراتتىم ،ئۇلۇغ ئاللا سىزنىڭمۇ ئىشلىرىڭىزنى ئۇتۇقلۇق قىلسۇن

سىزگە ھەم بلوگىڭىزغا بلوگومدىكى يەنە بىر ئانا تىل توغرىسىدا يېزىلغان شېئىرنى سوۋغا قىلاي :


ئانا تىلىم!

ئابدۇلخەمىد يۈسۈپ ھاجىم

ئەي تىلىم --- ئۇيغۇر تىلى، سەن ئانا تىل ئەلنىڭ تىلى،

سەن بۈيۈك تىل، سەن يېتۈك تىل --- بارچە تىللار سەرخىلى.

سەن گۈزەل تىل، سەن سۈزۈك تىل، سەن ھوزۇرۇم، تاتلىقىم،

سەن ياۋاش تىل ھەم ئاسان تىل، سەندە نۇسرەت، شاتلىقىم.



ئەۋۋەلى "ئىڭڭە"دە سىڭدىڭ جانغا، دىلنى لال قىلىپ،

كەينىدىن بۇلبۇلغا ئوخشاتتىڭ زۇۋاننى بال قىلىپ.

سەندە چىقتى پۇشتى ئۇيغۇرنىڭ تىلى ئۇيغۇرچىلاپ،

سەن بىلەن تارقالدى ئۇيغۇر لەۋزىدىن خۇشبۇي گۇلاب.



سەندە ھازىرلاندى، "مىللەت" شەرتىنىڭ بىر ماددىسى،

سەن بىلەن بىخ سۈردى "مىللەت" شاھلىرىنىڭ قالدىسى.

مىللەت مەۋجۇت "ياران"، مىللىتىڭ يوق بولمىسا،

نەدە ئۇ مىللىي شەرەپ، ئىززەت تىلىڭ "توق" بولمىسا.



تىل دېگەن ئەجداد بىلەن ئەۋلادنى باغلار --- رىشتە --- بىل،

رىشتە چىڭلىقتا توقۇلغاي نە ئېسىل ئۇز كەشتە، بىل.

ئانا تىل --- مىللىي تىلىڭ بولغاچقا ئۇيغۇرلۇق سېنىڭ،

ئانا تىل بىرلە جاھان ئىچرە يۈزۈڭ نۇرلۇق سېنىڭ.



ئانا تىل --- تىل خەزىنىسىدە قىپتۇ باي بىلسەم مېنى،

ئەرەب، پارس ھەم --- ئۆگەندىم --- ئوردۇچە، خەنزۇچىنى.

ئەي ياران! مەن "ھاجى" لىقتا قايسى يۇرتنى كەزمىدىم،

ئانا تىل --- ئۇيغۇر تىلىدەك تەمدە بالنى سەزمىدىم

.


بۇ ماقالە شاھ ئۇيغۇر بلوگىدىن كۆچۈرۈلدى ، ئەسلى ماقالە ئادرىسى : http://shah.blogbus.com/logs/34497833.html