مالايشىيادىكى پېنان مىللىتىنىڭ ھازىرقى
ياشاش ئەھۋالى
مالايشىيا بورنېئودىكى ساراۋاكنىڭ شىمالىي قىسمى چوڭ قۇرۇقلۇقتىن يىراق بولۇپ، بۇ جايدا تەبىئەت بىلەن نەچچە ئەسىر ئىناق بىللە ياشىغان 12 مىڭ پېنان (Penan) نەم قويۇق ئورمانغا تايىنىپ ھايات كەچۈرۈۋاتىدۇ. ھالبۇكى، نەچچە ئون يىلدىن بۇيان، دەرەخ كېسىش، ئېكىنزارلىق تەرەققىياتى، چوڭ دامبا (توسما) قۇرۇش قاتارلىقلار سەۋەبىدىن، پېنانلارنىڭ سانى كۆپلەپ ئازىيىپ كەتتى. يېقىندا، ئەنگىلىيە ‹‹كۈندىلىك پوچتا گېزىتى›› بىر گۇرۇپپا سۈرەتلەرنى بېسىپ، پېنان مىللىتىنىڭ ياشاش مۇھىتىنى ئەكس ئەتتۈردى.
خەۋەردە دېيىلىشىچە، يەرلىكتىكى پېنانلارنىڭ بەزىلىرى يەنىلا ئوۋچىلىققا تايىنىپ تۇرمۇش كەچۈرىدىكەن، بەزىلىرى كۆچمەن چارۋىچىلىق تۇرمۇشى كەچۈرىدىكەن. يۇرت-ماكانىنى دەرەخ كېسىش شىركىتىنىڭ ۋەيران قىلىۋېتىشىدىن قوغداش ئۈچۈن، پېنانلار ئەڭ ئاخىرىدا ئىتتىپاقلىشىپ دەرەخ كېسىش شىركىتىنىڭ ماگناتىغا قەتئىي زەربە بېرىشنى قارار قىلغان. ئۇلار تىركىشىدىغان مەركەزلىك نۇقتا يەرلىك ھۆكۈمەت 2008-يىلى ئوتتۇرىغا قويغان بىر تۈرلۈك 12 يېڭى سۇ ئېلېكتىر ئىستانسىسى قۇرۇش پىلانىدۇر. بۇ پىلان ئەمەلىيلەشسە، پېنانلار ئولتۇراقلاشقان نۇرغۇن كەنتلەرنى سۇ بېسىپ كېتىشى مۇمكىن ئىكەن.
فوتوگراف Julien Conquentin پېنانلار بىلەن ئىككى ھەپتە بىللە تۇرۇپ ئۇلارنىڭ تۇرمۇش مۇھىتىنى سۈرەتكە تارتقان.
مەنبە: تەڭرىتاغ تورى
