ﺋﯘﻧﯩﯖﻐﯩﻤﯘ ﺑﯩﺮﻛﯩﻢ ﻧﻪﺳﯩﮭﻪﺕ ﻗﯩﻠﯩﺸﻰ ﻛﯧﺮﻩﻙ ﺋﯩﺪﻯ

ﻣﻪﻥ ﺑﯜﮔﯜﻥ ﺳﺎﯞﺍﻗﺪﺍﺷﻼﺭ ﻳﯩﻐﯩﻠﯩﺸﯩﻐﺎ ﺑﺎﺭﺩﯨﻢ. ﺋﻪﻣﻤﺎ، ﻣﻪﻥ ﺳﯧﻨﯩﯔ ﻣﺎﯕﺎ ﻧﻪﺳﯩﮭﻪﺕ ﻗﯩﻠﯩﭗ ﺋﯧﻴﺘﻘﺎﻥ ﺳﯚﺯﻟﯩﺮﯨﯖﯩﻨﻰ ﺋﯧﺴﯩﻤﺪﻩ ﻣﻪﮬﻜﻪﻡ ﺳﺎﻗﻠﯩﺪﯨﻢ. ﺳﻪﻥ ﻣﺎﯕﺎ ﺋﻪﻣﺪﻯ ﮬﺎﺭﺍﻕ ﺋﯩﭽﻤﻪﺳﻠﯩﻚ ﮬﻪﻗﻘﯩﺪﻩ ﻛﯚﭖ ﻧﻪﺳﯩﮭﻪﺕ ﻗﯩﻠﻐﺎﻥ، ﺗﻪﻛﺮﺍﺭ ﺟﯧﻜﯩﻠﯩﮕﻪﻥ ﺋﯩﺪﯨﯔ. ﺷﯘﯕﺎ، ﻣﻪﻥ ﺑﯜﮔﯜﻥ ﮬﺎﺭﺍﻕ ﺋﻮﺭﻧﯩﻐﺎ ﺳﻮﻏﯘﻕ ﺋﯩﭽﯩﻤﻠﯩﻚ ﺋﯩﭽﺘﯩﻢ. ﻛﯚﭘﭽﯩﻠﯩﻜﻨﯩﯔ ﮬﻪﻣﻤﯩﺴﻰ ﻣﻪﻧﺪﯨﻜﻰ ﺗﯘﻳﯘﻗﺴﯩﺰ ﺋﯚﺯﮔﯩﺮﯨﺸﻨﻰ ﻛﯚﺭﯛﭖ ﮬﻪﻳﺮﺍﻥ ﻗﯧﻠﯩﺸﺘﻰ. ﺋﯘﻻﺭﭼﻪ ﻣﯧﻨﯩﯖﺪﻩﻙ ﺋﻪﺯﻩﻟﺪﯨﻦ ﮬﺎﺭﺍﻗﻨﻰ ﻗﻪﺩﻩﮬﻠﻪﭖ ﻛﯚﺗﯜﺭﯞﯦﺘﻪﻟﻪﻳﺪﯨﻐﺎﻥ << ﺋﻪﺭﻛﻪﻙ >> ﻧﯩﯔ ﺗﻮﺳﺎﺗﺘﯩﻦ ﻗﻮﻧﺠﯩﻐﺎ ﺩﻩﺳﺴﻪﭖ ﮬﺎﺭﺍﻕ ﺗﺎﺷﻠﯩﺸﻰ، ﺋﺎﺳﻤﺎﻥ ﺋﯚﺭﯛﻟﯜﭖ ﭼﯜﺷﯜﭖ ﻛﻪﺗﻜﻪﻧﺪﻩﻙ ﺯﻭﺭ ﺋﯩﺶ ﺋﯩﺪﻯ. ﺋﯘﻻﺭ ﻳﻪﺗﻤﯩﺶ ﺧﯩﻞ ﺑﺎﮬﺎﻧﻪ – ﺳﻪﯞﻩﺑﻠﻪﺭﻧﻰ ﻛﯚﺭﺳﯩﺘﯩﭗ، ﮬﯧﭽﻘﺎﭼﺎﻥ ﭘﻪﺵ ﻗﯩﻠﯩﺸﻤﯩﻐﺎﻥ ﺩﻭﺳﺘﻠﯘﻕ ﻛﯚﯕﻠﻠﯩﺮﯨﻨﻰ ﭘﻪﺵ ﻗﯩﻠﯩﺸﯩﭗ، ﻣﺎﯕﺎ ﮬﺎﺭﺍﻕ ﺯﻭﺭﻟﯩﺸﺎﺗﺘﻰ، ﺋﯘﻻﺭﻧﯩﯔ ﭘﯜﺗﻜﯜﻝ ﺋﯧﺴﻰ – ﻳﺎﺩﻯ ﻣﺎﯕﺎ ﮬﺎﺭﺍﻕ ﺋﯩﭽﻜﯜﺯﯛﺷﺘﻪ ﺋﯩﺪﻯ…. ﺋﻪﻣﻤﺎ، ﻗﯘﻻﻕ ﺗﯜﯞﯛﻣﺪﻩ ﮬﺎﻣﺎﻥ ﺳﯧﻨﯩﯔ ﺳﯚﺯﯛﯓ ﺟﺎﺭﺍﯕﻼﻳﺘﺘﻰ!

ﺑﯜﮔﯜﻧﻜﻰ ﺳﻮﺭﯗﻧﺪﺍ ﻣﻪﻥ ﮬﺎﺭﺍﻕ ﺋﯩﭽﻤﯩﺪﯨﻢ. ﻣﻪﻥ ﺗﯘﻧﺠﻰ ﻗﯧﺘﯩﻢ ﺋﯚﺯ ﻣﻪﻳﺪﺍﻧﯩﻤﺪﺍ، ﻟﻪﯞﺯﯨﻤﺪﻩ ﺗﯘﺭﺍﻟﯩﻐﺎﻥ ﺋﯩﺪﯨﻢ، ﻣﻪﻥ ﺋﯚﺯﯛﻣﮕﻪ ﮬﻪﻗﯩﻘﯩﻲ ﺋﻮﺧﺸﯩﻐﺎﻥ ﺋﯩﺪﯨﻢ. ﺋﯩﭻ – ﺋﯩﭽﯩﻤﺪﯨﻦ ﺑﯩﺮﺧﯩﻞ ﺷﺎﺩﻟﯩﻖ، ﺳﯚﻳﯜﻧﭻ ﺋﯘﻗﭽﯘﭖ ﭼﯩﻘﻘﺎﺗﺘﻰ، ﺋﯚﺯﯛﻣﺪﯨﻦ ﭼﻪﻛﺴﯩﺰ ﭘﻪﺧﯩﺮﻟﻪﻧﻤﻪﻛﺘﻪ ﺋﯩﺪﯨﻢ. ﻛﯚﯕﻠﯜﻣﺪﯨﻦ ﺑﯘﺭﯗﻧﺮﺍﻕ ﻣﯘﺷﯘﻧﺪﺍﻕ ﺑﻮﻟﻐﺎﻥ ﺑﻮﻟﺴﺎ – ﮬﻪ ، ﺩﯦﮕﻪﻧﻠﻪﺭ ﻛﯧﭽﻪﺗﺘﻰ ….
ﺷﯘﻧﺪﺍﻕ ﻗﯩﻠﯩﭗ ﺳﻮﺭﯗﻧﻤﯘ ﺗﺎﺭﻗﯩﺪﻯ. ﻣﻪﻥ ﻣﺎﺷﯩﻨﺎﻣﻐﺎ ﭼﯩﻘﯩﯟﯦﺘﯩﭗ، ﺋﯚﺯﯛﻣﻨﯩﯔ ﺗﺎﻟﻠﯩﺸﯩﻨﯩﯔ ﺋﻪﯓ ﺋﺎﻗﯩﻼﻧﻪ ﺗﺎﻟﻼﺵ ﺋﯩﻜﻪﻧﻠﯩﻜﯩﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﮬﯧﺲ ﻗﯩﻠﺪﯨﻢ. ﺳﯧﻨﯩﯔ ﺳﯚﺯﯛﯓ ﮔﻮﻳﺎﻛﻰ ﺯﯗﻟﻤﻪﺗﺘﻪ ﭼﺎﺭﺍﻗﻼﭖ ﻳﺎﻧﻐﺎﻥ ﭼﻮﻟﭙﺎﻥ ﻛﻪﺑﯩﻲ ﻣﺎﯕﺎ ﺩﯗﺭﯗﺱ ﻳﻮﻟﻨﯩﯔ، ﺋﻪﻣﯩﻨﻠﯩﻚ ﻳﻮﻟﯩﻨﯩﯔ ﻗﺎﻳﺴﻰ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﯩﺘﯩﭗ ﺑﻪﺭﮔﻪﻥ ﺋﯩﺪﻯ. ﻣﺎﺷﯩﻨﺎ ﮬﻪﻳﺪﯨﮕﻪﭺ، ﺋﯚﺯﯛﻣﻨﯩﯔ ﻧﺎﮬﺎﻳﯩﺘﻰ ﺗﯧﺰﻻ ﺋﯚﻳﯜﻣﮕﻪ ﺋﺎﻣﺎﻥ – ﺋﯧﺴﻪﻥ ﺑﺎﺭﺩﯨﻐﺎﻧﻠﯩﻘﯩﻤﻨﻰ ﺋﻮﻳﻠﭗ، ﻛﯚﯕﻠﯜﻡ ﭼﻪﻛﺴﯩﺰ ﺧﺎﺗﯩﺮﯨﺠﻪﻣﻠﯩﻚ ﺗﯘﻳﻐﯘﺳﯩﻐﺎ ﭼﯜﻣﯜﻟﺪﻯ. ﺧﺎﺗﯩﺮﯨﺠﻪﻣﻠﯩﻜﻨﯩﯔ ﮬﻮﺯﯗﺭﯨﻨﯩﯔ ﺑﯘﻧﺪﺍﻕ ﺷﯧﺮﯨﻦ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺗﯘﻧﺠﻰ ﻗﯧﺘﯩﻤﻼﭖ ﮬﯧﺲ ﻗﯩﻠﯟﺍﺗﻤﺎﻗﺘﺎ ﺋﯩﺪﯨﻢ…

ﺋﻪﺯﻩﻟﺪﯨﻦ ﺑﻮﻟﯘﭖ ﺑﺎﻗﻤﯩﻐﺎﻥ ﺑﯩﺮ ﺧﯩﻞ ﺋﻪﺯﮔﯜ ﺗﯘﻳﻐﯘﺩﺍ ﺋﯚﺯ ﺋﯚﻳﯜﻣﮕﻪ ﻛﯧﺘﯩﭗ ﺑﺎﺭﻣﺎﻗﺘﯩﻤﻪﻥ، ﺋﻪﻧﻪ ﺋﺎﻟﺪﯨﻤﺪﯨﻜﻰ ﺩﻭﻗﻤﯘﺷﺘﯩﻦ ﺋﻪﮔﯩﻠﺴﻪﻡ ﻣﻪﮬﻪﻟﻠﻪﻣﮕﻪ ﺑﺎﺭﯨﻤﻪﻥ. ﻛﯩﻢ ﺑﯩﻠﺴﯘﻥ، ﺋﺎﻟﺪﯨﻤﺪﯨﻜﻰ ﺩﻭﻗﻤﯘﺷﺘﯩﻦ ﺋﻪﮔﯩﻠﮕﻪﻧﺪﻩ ﻣﯧﻨﻰ ﻛﯜﺗﯜﭖ ﺗﯘﺭﻏﯩﻨﻰ ﺑﺎﻏﺮﻯ ﺋﯩﻠﻠﯩﻖ ﻣﻪﮬﻪﻟﻠﻪﻡ ﺑﻮﻟﻤﺎﺳﺘﯩﻦ ﺗﻮﻟﯩﻤﯘ ﺗﺎﺳﺎﺩﺩﯨﭙﯩﻲ ﻳﯜﺯ ﺑﻪﺭﮔﻪﻥ ﺑﺎﻻﻳﻰ – ﻗﺎﺯﺍ ﺑﻮﻟﺪﻯ…
ﺋﯜﺳﺘﻰ ﺑﯧﺸﯩﻢ ﻗﺎﻧﻐﺎ ﻣﯩﻠﻪﻧﮕﻪﻥ ﮬﺎﻟﻪﺗﺘﻪ ﻳﻮﻝ ﺑﻮﻳﯩﺪﺍ ﻳﯧﺘﯩﭗ ﻗﺎﻟﺪﯨﻢ. ﻗﯘﻟﯩﻘﯩﻤﻐﺎ ﺳﺎﻗﭽﯩﻼﺭﻧﯩﯔ – ﯞﻩﻗﻪ ﺳﺎﺩﯨﺮ ﻗﯩﻠﻐﯘﭼﻰ ﮬﺎﺭﺍﻕ ﺋﯩﭽﯩﭗ، ﻣﻪﺱ ﮬﺎﻟﻪﺗﺘﻪ ﻣﺎﺷﯩﻨﺎ ﮬﻪﻳﺪﻩﭘﺘﯘ ، ﺋﯚﺯﻯ ﺋﺎﻟﻠﯩﻘﺎﭼﺎﻥ ﮬﺎﻳﺎﺗﯩﺪﯨﻦ ﺋﺎﻳﺮﯨﻠﯩﭙﺘﯘ … ﺩﯦﮕﻪﻥ ﺋﺎﯞﺍﺯﻯ ﺋﺎﯕﻼﻧﺪﻯ. ﻗﯘﻻﻗﻠﯩﺮﯨﻤﻐﺎ ﺋﯩﺸﻪﻧﮕﯜﻡ ﻛﻪﻟﻤﻪﻳﺘﺘﻰ… ﺋﯚﺯﯛﻣﻨﯩﯔ ﻳﻮﻝ ﺑﻮﻳﯩﺪﺍ ﻗﺎﻧﻐﺎ ﻣﯧﻠﻪﻧﮕﻪﻥ ﮬﺎﻟﻪﺗﺘﻪ ﺋﻪﻣﻪﺱ ، ﺋﯚﻳﯜﻣﺪﻩ ﺑﻮﻟﯘﺷﯘﻣﻨﻰ ﺑﻪﻛﻤﯘ ﺋﺎﺭﺯﯗ ﻗﯩﻼﺗﺘﯩﻢ . ﺩﺍﺩﺍﻡ، ﺋﺎﻧﺎﻡ، ﺋﯘﻣﺎﻕ ﺳﯩﯖﻠﯩﻢ ﻣﯧﻨﯩﯔ ﻳﻮﻟﯘﻣﻐﺎ ﻗﺎﺭﺍﭖ ﺋﻮﻟﺘﯘﺭﺍﺗﺘﻰ… ﻣﻪﻥ ﺑﺎﺭ ﻛﯜﭺ – ﻣﺎﻏﺪﯗﺭﯗﻣﻨﻰ ﻳﯩﻐﯩﭗ، ﻛﯚﺯﯛﻣﻨﻰ ﺋﯧﭽﯩﺸﻘﺎ ﺋﻮﺭﯗﻧﺎﺗﺘﯩﻢ. ﺧﯩﻴﺎﻝ ﺋﯩﻜﺮﺍﻧﯩﻤﺪﯨﻦ ﺋﺎﺗﺎ – ﺋﺎﻧﺎﻡ، ﻗﯧﺮﯨﻨﺪﺍﺷﻠﯩﺮﯨﻢ، ﺋﯘﺭﯗﻕ – ﺗﯘﻏﻘﺎﻧﻠﯩﺮﯨﻢ، ﺩﻭﺳﺖ – ﻳﺎﺭﺍﻧﻠﯩﺮﯨﻢ ﺋﺎﺩﺍﻗﻘﻰ ﻗﯧﺘﯩﻢ ﻛﯩﻨﻮ ﻟﯧﻨﺘﯩﺴﯩﺪﻩﻙ ﺋﯚﺗﻤﻪﻛﺘﻪ ﺋﯩﺪﻯ. ﺑﯘ ﭼﺎﻏﺪﺍ، ﺩﻭﺧﺘﯘﺭﻧﯩﯔ – ﺑﯩﻤﺎﺭﻧﯩﯔ ﮬﺎﻳﺎﺗﻰ ﺧﻪﯞﭖ ﺋﺎﺳﺘﯩﺪﺍ، ﻗﯘﺗﻘﯘﺯﯗﺷﻘﺎ ﺋﺎﻣﺎﻝ ﺑﻮﻟﻤﺎﻱ ﻗﺎﻟﺪﻯ… ﺩﯦﮕﻪﻥ ﺋﺎﯞﺍﺯﯨﻨﻰ ﺋﯩﺸﺘﻜﻪﻧﺪﻩﻙ ﻗﯩﻠﺪﯨﻢ….

ﺑﯩﻠﯩﭗ ﺗﯘﺭﯗﭘﺘﯩﻤﻪﻥ، ﺋﯘ ﮬﺎﺭﺍﻕ ﺋﯩﭽﯩﭗ، ﻛﯚﯕﯜﻝ ﺧﯘﺷﻰ ﻗﯩﻠﯩﭗ ﻳﯜﺭﮔﻪﻥ ﺩﻩﻣﻠﯩﺮﯨﺪﻩ ، ﺋﯚﺯ ﺑﯧﺸﯩﻘﺎ ﺑﯘﻧﺪﺍﻕ ﭘﯧﺸﻜﻪﻟﻠﯩﻜﻨﯩﯔ ، ﮬﺎﻳﺎﺗﯩﻨﻰ ﺧﺎﺭﺍﺏ ﻗﯩﻠﻐﯘﭺ ﺑﺎﻻ – ﻗﺎﺯﺍﻧﯩﯔ ﻛﯧﻠﯩﺸﯩﻨﻰ ﺯﯨﻨﮭﺎﺭ ﺧﯩﻴﺎﻟﯩﻐﺎ ﻛﻪﻟﺘﯜﺭﻣﯩﮕﻪﻥ ، ﺋﯘﻧﯩﯔ ﺭﻭﮬﻰ ﺟﯩﺴﻤﯩﺪﯨﻦ ﺋﺎﻳﺮﯨﻠﯩﯟﺍﺗﻘﺎﻥ ﺩﻩﻣﻠﻪﺭﺩﻩ ﮬﻪﻡ، ﺋﯘﻧﯩﯔ ﻛﺎﺳﺎﭘﯩﺘﯩﺪﯨﻦ ﻣﯧﻨﯩﯖﺪﻩﻙ ﺑﯩﺮ ﮔﯘﻧﺎﮬﺴﯩﺰ ﺋﯩﻨﺴﺎﻧﻨﯩﯔ، ﺩﯗﺭﯗﺱ ﻳﻮﻟﻐﺎ ﺋﻪﻣﺪﯨﻠﻪﺗﺘﯩﻦ ﻗﻪﺩﻩﻡ ﻗﻮﻳﻐﺎﻥ ﭘﺎﻛﻠﯩﻖ ﺋﯩﺴﺘﯩﮕﯜﭼﻰ ﺑﯩﺮ ﻛﯩﺸﯩﻨﯩﯔ ﮬﺎﻳﺎﺕ ﻣﯘﺳﺎﭘﯩﺴﯩﻐﺎ ﻧﯘﻗﺘﺎ ﺋﯘﺭﯗﻟﯘﺷﯩﻨﻰ ﺗﯧﺨﯩﻤﯘ ﺋﻮﻳﻠﯩﻤﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ.
ﻧﻪﭘﺴﯩﻢ ﺑﺎﺭﻏﺎﻧﺴﯧﺮﻯ ﻗﯩﺴﯩﻠﻤﺎﻗﺘﺎ… ﺋﺎﺗﺎ ﺳﻪﯞﺭﭼﺎﻥ – ﺑﻪﺭﺩﺍﺷﻠﯩﻖ ﺑﻮﻟﯘﯓ، ﺋﺎﻧﺎ ﻛﯚﭖ ﻗﺎﻳﻐﯘﺭﻣﺎﯓ، ﻗﻮﺭﻗﻤﺎﯓ! ﺋﻮﻏﻠﯩﯖﻼﺭ ﺳﯩﻠﻪﺭﻧﯩﯔ ﺋﺎﺭﺯﯗﻳﯘﯕﻼﺭﺩﯨﻜﯩﺪﻩﻙ ﺩﯗﺭﯗﺱ ﺋﺎﺩﻩﻡ ﺑﻮﻟﯘﺵ ﻳﻮﻟﯩﻐﺎ ﺋﯩﺰ ﺳﯧﻠﯩﯟﯦﺘﯩﭗ ﻳﻮﺭﯗﻕ ﺩﯗﻧﻴﺎ ﺑﯩﻠﻪﻥ ﺧﻮﺷﻼﺷﺘﻰ… ﺋﯘﻧﯩﯔ ﺭﻭﮬﻰ ﭘﺎﻙ ﮬﺎﻟﻪﺗﺘﻪ ﺟﻪﻧﻨﻪﺗﻜﻪ ﺋﯚﺭﻟﻪﻳﺪﯗ… ﮔﯜﺯﻩﻝ ﻣﺎﻛﺎﻧﺪﺍ ﺳﯩﻠﻪﺭﻧﻰ ﺳﺎﻗﻼﻳﺪﯗ . ﺋﯘ ﻣﻪﯕﮕﯜ ﺳﯩﻠﻪﺭﻧﻰ ﺳﯚﻳﯩﺪﯗ….
ﺋﯘﻧﯩﯖﻐﯩﻤﯘ ﺑﯩﺮﻛﯩﻢ ﻧﻪﺳﯩﮭﻪﺕ ﻗﯩﻠﯩﺸﻰ ﻛﯧﺮﻩﻙ ﺋﯩﺪﻯ. ﺋﯘﻧﯩﯖﻐﯩﻤﯘ ﺑﯩﺮ ﻛﯩﻢ ﻧﻪﺳﯩﮭﻪﺕ – ﺗﻪﺭﺑﯩﻴﻪ ﻗﯩﻠﻐﺎﻥ ﺑﻮﻟﺴﺎ، ﮬﺎﺭﺍﻕ ﺋﯩﭽﯩﺸﻨﯩﯔ ﺩﯗﺭﯗﺱ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ، ﮬﺎﺭﺍﻕ ﺋﯩﭽﯩﭗ ﻣﺎﺷﯩﻨﺎ ﮬﻪﻳﺪﯨﺴﻪ ﺗﯧﺨﯩﻤﯘ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺟﯧﻜﯩﻠﯩﮕﻪﻥ ﺑﻮﻟﺴﺎ ، ﺋﯘﻧﯩﯖﻤﯘ ﺋﺎﺗﺎ – ﺋﺎﻧﯩﺴﻰ ﺋﯘﻧﯩﯖﻐﺎ ﺩﯗﺭﯗﺱ ﺋﺎﺩﻩﻡ ﺑﻮﻟﯘﺵ ﮬﻪﻗﻘﯩﺪﻩ ﺗﻪﺭﺑﯩﻴﻪ ﻗﯩﻠﻐﺎﻥ ﺑﻮﻟﺴﺎ ، ﺑﯜﮔﯜﻥ ﻣﻪﻥ ﺋﯚﻟﻤﯩﮕﻪﻥ ﺑﻮﻻﺗﺘﯩﻢ…