ئۈرۈمچىدە 1 يىلدا 1000 كىشى يېڭىدىن ئەيدىزدىن يۇقۇملاندى

2009-03-31 . ئۈرۈمچى شەھەرلىك سەھىيە دائىرىلىرىنىڭ 31 – مارت ئېلان قىلغان ئۈرۈمچى ئەيدىزيۇقۇم ئەھۋالى ھەققىدىكى دوكلاتىدىن ئاشكارىلىنىشىچە، 2008 – يىلدائۈرۈمچىدىكى تىزىمغا ئېلىنغان ئەيدىز يۇقۇمدارلىرىغا يەنە 1087 نەپەريۇقۇمدار قوشۇلغان بولۇپ ، بۇ ئەيدىز يۇقۇم ئەھۋالىنىڭ 2007 – يىلىغاقارىغاندا %4 دىن ئارتۇق ئۆرلىگەنلىكىنى كۆرسىتىدىكەن.

1995- يىلى ئۇيغۇر ئاپتونوم رايونىدا تۇنجى ئەيدىز يۇقۇمدارى بايقالغاندىن بۇيان رويخەتكە ئېلىنغان ئەيدىز يۇقۇمدارلىرى 25615 غا يەتتى، بۇنىڭ ئىچىدە 9000نەپەردىن ئارتۇقى ئۈرۈمچىدە رويخەتكە ئېلىنغان. ھازىر ئۈرۈمچىدىكى ئەيدىزلەرئۇيغۇر ئاپتونوم رايونىدىكى ئەيدىز يۇقۇمدارلىرىنىڭ %34.5 تىنى تەشكىل قىلىدۇ.
ئۈرۈمچى سەھىيە دائىرىلىرىنىڭ دوكلاتىدا كۆرسىتىلىشىچە، مۇناسىۋەتلىك دائىرىلەرئەيدىز يۇقۇمدارلىرى ئۈستىدىن ئىز قوغلاپ تەكشۈرۈشكە قابىل بولمىغانلىقتىن،ئەيدىز يۇقۇمدارلىرىنىڭ قانداق يوللار بىلەن قايسى دائىرىدە ئەيدىز ۋىرۇسى تارقىتىۋاتقانلىقىدىن خەۋەرسىز قالماقتا ھەم مۇۋاپىق ئالدىنى ئېلىشقا ئامالسىز ئىكەن.
دوكلاتتىن مەلۇم بولۇشىچە، ئۈرۈمچى سەھىيە دائىرىلىرىنى ئەندىشىگە سېلىۋاتقان يەنە بىر مەسىلە، ئۈرۈمچىدىكى ئەيدىز يۇقۇمدارلىرىنىڭ %82 تىن ئارتۇقى ئاساسەن 20 ياشتىن 39 ياشقىچەبولۇپ، ئىلگىرىكى يىللاردا ئەر يۇقۇئۇمدارلارنىڭ نىسبىتى ئاساسلىق سالماقنى ئىگىلەپ كېلىۋاتقان بولسا 2007 – يىلىدىن باشلاپ ئاياللارنىڭ نىسبىتىدەچوڭ سان ئۆزگىرىشى كۆرۈلگەن. بۇنىڭ بىلەن ئانىدىن بالىغا يۇقۇش نىسبىتىدىمۇ ئۆرلەش كۆرۈلگەن.
ئۈرۈمچى سەھىيە دائىرىلىرىنىڭ ئېلان قىلىشىچە ئۈرۈمچىنىڭ ئەيدىز ۋەزىيىتى ئىلگىرىكىدىنمۇ جىددىي بولماقتا.

ئۇيغۇرچە مەنبە: http://karamet.5d6d.com/viewthread.php?tid=1424&highlight
خەنزۇچە مەنبە: http://www.chinanews.com.cn/jk/ysbb/news/2009/03-30/1624851.shtml