بىر پۇڭنىڭ كۈچى

سىزگە ئەگەر مۇنداق ئىككى خىل خىزمەتتىن بىرنى تاللاش پۇرسىتى كەلسە، سىز قايسسىنى تاللايسىز؟

بىرىنچى  خىزمەتتە سىزگە بېرىلىدىغان مائاش مۇنداق، بىرىنچى كۈنلۈك مائاشىڭىز بىر پۇڭ، ئۇنىڭدىن كېيىنكى ھەر كۈنلۈك مائاشىڭىز ئالدىنقى كۈنلۈك مائاشىڭىزنىڭ ئىككى ھەسسىسى بويىچە ھېساپلىنىدۇ.

ئىككىنچى خىزمەتتە كۈنلۈك مائاشىڭىز 10،000 يۈەن

ھەر ئىككى خىزمەتنىڭ مۇددىتى پەقەت بىر ئاي.

ياخشى ئويلىنىپ بىرنى تاللاڭ، تاللىشىڭىز توغرىمۇ ئەمەسمۇ، تۆۋەندىكى ھېساباتنى كۆرۈپ باقسىڭىزلا بىلەلەيسىز.

قارىماققا كۈنلۈكى بىر تۈمەن سوم بېرىلىدىغان خىزمەتنى تاللاش ئىنتايىن ئاقىلانىلىكتەك كۆرۈلىدۇ، بۇنىڭدا بىر ئاينى 30 كۈن دېسەك، بىر ئايلىق مائاش 30 تۈمەن سوم دىگەن گەپ!

ئەمما بىز ئىككىنچى خىزمەتنىڭ  مائاشىنى تەپسىلى ھېساپلاپ باقايلى. بىرىنچى كۈنى 1 پۇڭ، ئىككىنچى كۈنى 2 پۇڭ، ئاندىن كېيىن 4 پۇڭ، 8 پۇڭ، 16 پۇڭ……مۇشۇنداق ھېساپلىساق، 10-كۈنىگە كەلگەندە كۈنلۈك مائاشىڭىز ئاران 5 سوم 12 پۇڭ بولىدۇ. ئەمما داۋاملىق ھېساپلاپ كۆرۈڭ، 25-كۈنىگە بارغاندا كۈنلۈك مائاشىڭىز 16 تۈمەن بولىدۇ، 30-كۈنىگە كەلگەندە بولسا 5 مىليوندىن ئاشىدۇ! شۇنىڭ بىلەن بۇ ئايدا  جەمئىي تاپىدىغىنىڭىز 10 مىليون 700مىڭ يۅەن بولىدۇ.

بۇنى تۇرمۇشتىكى ئىشلارغا تەدبىقلىساق، ھازىرقى ئىستىمال سەۋىيە ۋە مال باھاسى بويىچە بولغاندا بىر پۇڭ ھېچنىمىگە ئەرزىمەيدۇ، ھەتتا يولدا ئۇچراپ قالسا دەسسەپ ئۆتۈپ كېتىشىمىز مۇمكىن، ئەمما مۇشۇنداق بىر پۇڭ بىر پۇڭدىن ئايلاپ يىللاپ يىغىپ باقساق، ئاشۇ بىر پۇڭ ئارقىلىق بەلكىم ئۆزىمىز ئويلاپ باقمىغان ئىشلارنى قىلالىشىمىز، بىرەرسىنىڭ قىيىنچىلىقىنى ھەل قىلىپ بېرەلىشىمىز، كېسەل داۋالىتىشىغا ياردەم قىلالىشىمىز، ھەتتا ھاياتىنى ساقلاپ قالالىشىمىزمۇ مۇمكىن. يەنە مىسال سىز بۇ ھەپتە 2 ئادەمگە ياردەم قىلسىڭىز، ئۇ ئىككى ئادەم كېيىنكى ھەپتە يەنە ئىككىدىن ئادەمگە ياردەم قىلسا، بۇ 4 ئادەم يەنە داۋاملىق 8 ئادەمگە ياردەم قىلسا….. مۇشۇنداق روھ ۋە كەيپىيات داۋاملاشسا،نەچچە يىلدىن كېيىن مۇشۇ دەسلەپكى ئىككەيلەنگە ياردەم بەرگەن كىشىنىڭ تەسىرى بىلەن مىليونلىغان ئادەم ياردەمگە ئېرىشەلەيدۇ، تۇرمۇشىدا، ھاياتىدا نۇرغۇن ئۆزگىرىشلەرنى ياسىيالايدۇ.

مانا بۇ بىر پۇڭنىڭ كۈچى، مانا بۇ تامچە سۇ تاشنى تېشەر دىگەن ماقال-تەمسىلنىڭ ئىسپاتى.

«بىر پۇڭنىڭ كۈچى» ناملىق كىتاپتىن نەقىل ئېلىندى.