كەلدى ئايەم، كۈلدى ئالەم، جاھان بولدى باشقىچە،

كۈلدى ھەممە، خۇشال ھەممە، قېرى-بوۋاق، ياشقىچە،

ئارام ئالدى ھەممە ئىنسان، جاپاكەش بلوگگېرلار ھەم،

بۈگۈن – ھېيت، بۈگۈن ئايەم، چۈنكى بۇ كۈن ئۆزگىچە…

تۇرايىمىزنىڭ ئەزىز مېھمانلىرى شۇنداقلا قوللاپ كېلىۋاتقان ھەر قايسى بلوگگېر دوستلار نامىدىن پۈتكۈل قېرىنداشلىرىمىزنىڭ قۇربان ھېيتىنى قىزغىن قۇتلايمىز! ئۆيىدە ھېيت ئۆتكۈزۈشكە قادىر بولغان تەلەيلىكلىرىمىزنىڭ ئاتا-ئانا ئورۇق-تۇققانلىرى بىلەن جەم بولۇپ، خۇشال ئۆتكۈزۈشىنى، ئىچكىرىدە، ياقا-يۇرتلاردا ھېيت ئۆتكۈزۈشكە مەجبۇر بولغان تەلەيسىزلىرىمىزنىڭ جامە-مەسچىتلەرگە بېرىپ، مەسچىت-رەستىلەرنىڭ ئالدىدا سېتىلىۋاتقان ساڭزا-قۇيماق، ئۆيكە-زاسۈيلەردىن راسا يەپ، ئۆزى بوغۇزلىمىغان بولسىمۇ، ئوخشىمىغان بولسىمۇ پولو-مانتا، كاۋابلاردىن تېپىپ مەززە قىلالىشىنى ئۈمىد قىلىمىز! قىسقىسى، ھەممەيلەننىڭ بۇ ھېيتنى خۇشال-خۇرام ۋە خاتىرجەم ئۆتكۈزۈشىنى ئۈمىد قىلىمىز، ھەممىڭلارنىڭ بايرىمىغا مۇبارەك بولسۇن!…

دۇنيادىكى ئەڭ مېھىرلىك ، ئەڭ سېھىرلىك ، ئەڭ سۆيۈملۈك ، ئەڭ كۆيۈملۈك ، ئەڭ گۈزەل ئىنسان – ئۇ ئانا !

ئۇ بىزنى توققۇز ئاي توققۇز كۈن قورساق كۆتىرىپ ئاچچىق تولغاقلارنى يەپ قۇدرەتلىك اللاھنىڭ ھىممىتى بىلەن بۇ يۇرۇق دۇنياغا ئاپېرىدە قىلدى .
تاكى بىز تۇغۇلۇپ ئىڭە دىگەن ۋاقتىڭىزدىن باشلاپ – ئۆي ئوچاغلىق بولۇپ ، بالا – چاقىلىق بولۇپ يەنە بىر ئۆينى تۇتىۋاتقان ئوغۇل – قىز بولۇپ بولساقمۇ ، يەنىلا بىزنىڭ غېمىمىزنى يەپ ، بىزنىڭ ھەلەكچىلىكىمىز بىلەن ئالدىراش ھالدا بۇ يۇرۇق دۇنيادىن خوشلىشىدۇ …

ئالدىنقى قېتىم، تۇرايىمىزدا ‹‹[چاقىرىق] ئۇسلۇب تەرجىمە قىلىش دەرسلىكىگە تەكلىپ-پىكىر قوبۇل قىلىنىدۇ!…››ناملىق يازما ئېلان قىلىنغاندىن كېيىن، نۇرغۇن تورداشلارنىڭ ئاكتىپ ئاۋاز قوشۇشىغا ھەمدە قوللىشىغا ئېرىشكەن ئېدۇق. كۆرگىنىمىزدەك، ئارىلىقتا خېلى ۋاقىت ئۆتتى، بىر قىسىم تورداشلار پىكىرخانىمىزدا پات-پات ئۇسلۇب دەرسلىكى ھەققىدە ئىنكاس قالدۇرۇۋاتىدۇ. ئۈچۈنچى ئاي مەزگىلىدە، بىز ئىككى دەرسلىكىمىز(يەنى WordPress ئۆگۈتۈش دەرسلىكى ۋە WordPress ئۇسلۇبى تەرجىمە قىلىش دەرسلىكلىرى)نى دەسلەپكى پىلانغا ئالغان ئېدۇق. ئاپرېل باشلانغاندىن بىرى، ئۇسلۇب تەرجىمە قىلىش دەرسلىكىمىزنى جىددىي ئىشلەۋاتىمىز. تورداشلارغا بۇ خىزمىتىمىز ھەققىدە ئازراق بولسىمۇ ئۇچۇر بېرىش ئۈچۈن، بىر ئاي ئالدىدا تۈزۈلگەن مەزكۇر پىلاننى تورداشلارغا خەۋەر قىلىش قارارىغا كەلدۇق. نۆۋەتتىكى ئەھۋالدىن مەلۇمكى، پىلاندىكى مەزمۇن بويىچە ئېلىپ مېڭىش سەل قىيىنچىلىققا چۈشكۈدەك، بەلكىم نۆۋەتتىكى ئىشلەۋاتقان دەرسلىكىمىز پىلاندىكى مەزمۇن بىلەن ئوخشىماي قېلىشى مۇمكىن. بۇ پىلان پەقەت پايدىلىنىشقىلا سۇنۇلدى.ۋاقىت بولغايسىزلەر!…

يېقىندىن بىرى،سۈيۈملۈك تۇرايىمىز «ئۇيغۇربەگ» دە ئاز بولمىغان ئۆزگىرىشلەر بولدى. ئۇسلۇب قايتىدىن تۈزۈتۈلۈپ، ئىقتىدارىنى مۇكەممەللەشتۈرۈپ، ئەسلىدىكى ئەڭ چوڭ بىرمەسىلە، يەنى ئۇسلۇبنىڭ IE6 نورمال كۆرۈنمەسلىك ھادىسىسىگە خاتىمە بەردۇق؛ كىرىم مەنبەيىمىز بولمىش google ئېلانى قويدۇق؛ يازمىلارنى چوڭ كەڭ كۆلەمدە رەتلەپ سەھىپىلەرنى قايتىدىن تىزىپ چىقتۇق ۋە داۋاملىق رەتلەۋاتىمىز؛تېخى تۆنۈگۈن www.uyghurbeg.com تور نامىنى مۇۋاپپىقىيەتلىك ئۇلىۋالدۇق، بۈگۈنكى كۈنگە كەلگەندە بەت تۇغى بولمىشlogoنى مۇۋاپپىقىيەتلىك ھالدا ئالماشتۇردۇق…

ئەسسالامۇ ئەلەيكۇم ئۇيغۇربەگ تور تۇرايىنىڭ ئەزىز مېھمانلىرى.
ئاۋۋال دۇنيا ئانا تىل بايرىمىنى قىزغىن قۇتلۇقلايمەن!
تەتىل مەزگىلىمىزنىڭ تۇشىدىغانلىقىغا يەنە بىرقانچە كۈنلا قالدى،پرېستان بولسا بۇكەمگىچە مەكتەپكە بېرىپ بولاي دەپ قالدى،ئالدىنقى كۈنلەردىكى تۇرايىمىزغا چۈشكەن ئىنكاسلارغا بەرگەن جاۋابدا كۆرسۈتۈلگەندەك،مەلۇم سەۋەبلەر تۈپەيلى ئۇيغۇربەگ تور تۇرايىنىڭ ئۇسلۇب تەرجىمە قىلىش دەرسلىكى تەتىلدىن كېيىنغا سۈرۈلگەنىدى.تەتىلدىن بۇرۇن،Wordpress ھەققىدىكى يۈرۈشلۈك دەرسلىك(پرېستان يازمىچە،مەن سىنغا ئالماقچى بولغان)پىلانىمىزمۇ شۇ تەتىلدىكى جىددىيچىلىك تۈپەيلى كېيىنگە سۈرۈلگەن.دېمەك،تەتىل توشقان ھامان بۇ ئىككى دەرسلىكنى تەڭ تۇتۇپ ئىشلەشكە توغرا كېلىدۇ.Wordpress دەرسلىكىنى بۇ ساھەدىكى يېتۈك ئۇستاز دەپ قارىلىۋاتقان يولداش ساۋپىڭ(Caoping)نىڭ دەرسلىكى ئاساسىدا تۈزۈش ئويىغا كەلدۇق.ئەمما ئۇسلۇب تەرجىمە دەرسلىكىنى تۈزۈشتە سەل ئارىسالدى بولۇپ قالدۇق.

شۇنداق قىلىپ،يۈكسەل بلوگى باش بولۇپ تەشكىللەپ،ئۇيۇشتۇرغان ئۇيغۇرلاردىكى«2010-يىللىق 10 چوڭ بلوگ» باھالاش پائالىيىتىنىڭ نەتىجىسى ئاخىرى ئېلان قىلىندى.تۇرايىمىز-يەنى ئۇيغۇربەگ تور تۇرايى بۇ قېتىملىق پائالىيەتتە 311 نەپەر بېلەت سانىغا ئېرىشىپ،«2010-يىللىق 10 چوڭ بلوگ»نىڭ بەشىنچىسى بولۇپ باھالاندى.بۇ،بىزنى-يەنى پرىستان بىلەن كەمىنە ئۇيغۇربەگنى ناھايىتى ئىپتىخارلاندۇردى…

ۋاقىت نىمە دىگەن تىز ئۆتكەن ھە،تېخى نەچچە كۈن بۇرۇنلا 2010-يىلىغا قەدەم قويدۇق دەپ داۋراڭ سېلىۋاتقان ئىدۇق،ئەمدى،بىردەمدىلا 2011-يىلىغا قەدەم قۇيۇش ئالدىدا تۇرۇپتىمىز.بىر يىل ئاۋۋالقى ئۆزىمىز بىلەن ھازىرقى ئۆزىمىزنى سېلىشتۇرۇپ بېقىۋىدۇق،مانا،بىز تېخىمۇ يۈكسۈلۈپتۇق،تېخىمۇ چوڭ بولۇپتۇق!….