بۇ بىر ئەسلى نامى CAT SHIT ONE بولغان كومېك رەسىمدىن ئۆزگەرتىپ ئىشلەنگەن قىسقا كارتون فىلىم بولۇپ، ئىنتايىن يۇقىرى تېخنىكا ۋە ئۆزگىچە تەسەۋۋۇر بىلەن لايىھەلەنگەن. ھېكايە ئارقا كۆرۈنۈشى ئوت ئۇچقۇنلىرى يالقۇنجاپ تۇرغان ئوتتۇرا شەرقتىكى ئالاھىدە قىسىمدا تۇرۇشلۇق ئىككى توشقاننىڭ تېرورچىلار تەرىپىدىن تۇتقۇن قىلىنغان تۇتقۇنلارنى قۇتقۇزۇپ چىقىش جەريانى تەسۋىرلەنگەن. ئىككى توشقاننىڭ پلانلىشى ئارقىسىدا «بومبا چۇۋىغۇچى ئەترەت» فىلىمىدىكى كۆرۈنۈشتىن قېلىشمىغۇدەك بىر مەيدان جەڭ يۈز بەرگەن…

فىلىمدىكى بىر قىسىم كۆرۈنۈشلەر:

فىلىم 7-ئاينىڭ 17-كۈنى YouTube دا ھەقسىز ئېلان قىلىنغاندىن كېيىن، تور دۇنياسىدا زور غۇل-غۇلا قوزغىغان، بىر نەچچە كۈندىلا چېكىلىشى نەچچە ئونمىڭ قېتىمدىن ئېشىپ كەتكەن. پەقەت 24 مىنۇت قىلىپ ئىشلەنگەن بۇ قىسقا كارتون فىلىمدىكى جەڭ مەيدانى، بىزگە پۈتۈنلەي ھوللىيۋود ئۇسلۇبىنى ئەسلىتىدىغان بولۇپ، يۇقىرى تېخنىكىدا ئىشلەنگەن پۇزۇر كۆرۈنمە يۈز ھەقىقىي جەڭ مەيدانىدىن قىلچىلىك پەرقلەنمەيدۇ.

نۆۋەتتە مەزكۇر كارتون فىلىم ئاللىبۇرۇن خەتلىك فىلىم تەرجىمە گۇرۇپپىسى تەرىپىدىن ئۇيغۇرچە خەتلىك قىلىپ ئىشلىنىپمۇ بولدى، بەلكىم بىر قانچە كۈندىن كېيىن تورداشلار بىلەن يۈز كۆرۈشۈپ قېلىشى مۇمكىن.

خەنچە خەتلىكىنى چۈشۈرۈش(迅雷 ياكى eMule ئارقىلىق چۈشۈرۈڭ) | 720P لىق سۈزۈك نۇسخىسى | ئىشلىگۈچى ئورگان تور بېكىتى | مەنبەسى: torhumar.com