كاتيۇشا

بەلكىم تېمىدىنلا بۇنىڭ قايسى ناخشا ئىكەنلىكىنى بىلىپ بولدىڭىزغۇ دەيمەن، شۇنداق، بۇ دەل بىز بۇرۇندىن تارتىپ ياقتۇرۇپ ئاڭلاپ كەلگەن، شۇنداقلا ئېيتىپ كەلگەن جەڭگىۋار ناخشا كاتيۇشا، گەرچە بۇ ناخشىنىڭ ئىجادچىسى روسلار بولسىمۇ ئەمما ئۈچ ۋىلايەت ئىنقىلابىدىن تارتىپ تاكى ھازىرغىچە بۇ ناخشا بىزگىمۇ ھەمراھ بولۇپ كەلدى، ھەتتا ھازىرقى ئازادلىق ئارمىيەنىڭ مىللى روتىلاردىمۇ مىللى ئەسكەرلىرىمىز بۇ ناخشىنى داۋاملاشتۇرۇپ ئېيتىپ كەلمەكتە، ئۇنداقتا بۇ ناخشىنىڭ ئەسلىسىنى ھەممەيلەن بىرگە ئاڭلاپ ئۆتەيلى…

تەرجىمە قىلغۇچى : ئابدۇقەييۇم

ئېسىمدە قىلىشىچە ھەربىلىكتىكى ۋاقىتلىرىمدىمۇ قىسىمدىن ئورۇنلاشتۇرغان ھەرخىل پائالىيەتلەردە خەن ئەسكەرلەر مىللى ئەسكەرلەردىن دائىم بۇ ناخشىنى ئېيتىپ بېرىشنى تەلەپ قىلاتتى، ھەتتا ھەربى يۈرۈشلەردە مىللى ئەسكەرلەر بۇ ناخشىنى توۋلاپ ماڭغاندا بارلىق خەن ئەسكەرلەر جىم بولۇشۇپ بۇ ناخشىدىىن ھوزۇرلىناتتى، تۆۋەندە ئەينى ۋاقىتتىكى مىللى ئەسكەرلەرنىڭ بۇ ناخشىنىڭ ئۇيغۇرچىغا ئۆزلەشتۈرۇپ ئېيتىلغان تېكىستىنى كەڭ دوستلارغا سۇندۇم، بۇ تېكىست بويىچە ئېيتسا ناخشىغا تېخىمۇ چۈشىدۇ

كاتيۇشا

گۈل-چىچەككە پۈركەنگەندە ھەر يان،

ئاقىدۇ تۇماندا دەريالار.

تۇرار ئېگىز قىرغاقتا كاتيۇشا،

مۇڭلۇق كۈيى دىلدا جاراڭلار.

~~~

زەپ يېقىملىق گۈزەل قىز ناخشىسى،

قۇياش بىلەن ئۇچار يىراققا.

يەتسە يىراق چىگراغا بۇ ناخشا،

سالام يوللار جەڭچى يارىغا.

~~~

چىگرادىكى جەڭچىمۇ سېغىندى،

يىراقتىكى ۋاپادىرىنى.

جەڭچى قوغدار ۋەتەن-دىيارىنى،

كاتيۇشا سۆيەر جەڭچى يارىنى.

ئەمگىكىمىزگە ھۆرمەت قىلىڭ، مەنبەدىن يۇيۇلماسلىقى ئۈچۈن قالايمىقان كۆچۈرمەڭ